Wedding destination in Rajasthan

ਸੈਰ ਦੇ ਲਿਹਾਜ਼ ਨਾਲ ਰਾਜਸਥਾਨ ਦੇਸੀ ਹੀ ਨਹੀਂ ਸਗੋਂ ਵਿਦੇਸ਼ੀ ਸੈਲਾਨੀਆਂ ਵਿਚ ਵੀ ਕਾਫ਼ੀ ਮਸ਼ਹੂਰ ਰਿਹਾ ਹੈ। ਇਹ ਅਪਣੇ ਕਿਲੇ, ਇਤਿਹਾਸਿਕ ਮਹਿਲਾਂ ਲਈ ਦੁਨਿਆਂਭਰ ਵਿਚ ਬਹੁਤ ਮਸ਼ਹੂਰ ਹੈ ਅਤੇ ਹੁਣ ਤਾਂ ਇਹ ਵਿਆਹ ਲਈ ਲੋਕਾਂ 'ਚ ਹੋਰ ਵੀ ਜ਼ਿਆਦਾ ਮਸ਼ਹੂਰ ਡੈਸਟਿਨੇਸ਼ਨ ਬਣ ਗਿਆ ਹੈ।

ਮੁਕੇਸ਼ ਅੰਬਾਨੀ ਦੀ ਧੀ ਈਸ਼ਾ ਅੰਬਾਨੀ ਦਾ ਵਿਆਹ 12 ਦਸੰਬਰ ਨੂੰ ਹੈ ਅਤੇ ਉਸ ਤੋਂ ਪਹਿਲਾਂ ਅੰਬਾਨੀ ਪਰਵਾਰ ਪੀਰਾਮਲ ਪਰਵਾਰ ਅਤੇ ਹੋਰ ਲੋਕਾਂ ਨੂੰ ਰਾਜਸਥਾਨ ਦੇ ਉਦੈਪੁਰ ਵਿਚ ਸੱਦਿਆ ਜਾਵੇਗਾ, ਜਿੱਥੇ ਹੋਰ ਰਸਮਾਂ ਨਿਭਾਈਆਂ ਜਾਣਗੀਆਂ। 

ਹਾਲ ਹੀ ਵਿਚ ਖਬਰ ਆਈ ਹੈ ਕਿ ਪ੍ਰਿਅੰਕਾ ਚੋਪੜਾ ਨੇ ਵੀ ਵਿਆਹ ਲਈ ਰਾਜਸਥਾਨ ਨੂੰ ਚੁਣਿਆ ਹੈ। ਖਬਰਾਂ ਦੇ ਮੁਤਾਬਕ, ਪ੍ਰਿਅੰਕਾ ਅਤੇ ਨਿਕ ਜੋਨਸ ਅਗਲੇ ਮਹੀਨੇ ਵਿਆਹ ਦੇ ਬੰਧਨ ਵਿਚ ਬੱਝ ਸਕਦੇ ਹਨ ਅਤੇ ਉਨ੍ਹਾਂ ਦਾ ਇਹ ਵਿਆਹ ਰਾਜਸਥਾਨ ਦੇ ਜੋਧਪੁਰ ਵਿਚ ਹੋ ਸਕਦਾ ਹੈ। ਪਿਛਲੇ ਮਹੀਨੇ ਨਿਕ ਅਤੇ ਪ੍ਰਿਅੰਕਾ ਵਿਆਹ ਲਈ ਜਗ੍ਹਾ ਦੀ ਤਲਾਸ਼ ਵਿਚ ਜੋਧਪੁਰ ਵੀ ਗਏ ਸਨ। 

ਇਨ੍ਹਾਂ ਤੋਂ ਇਲਾਵਾ ਕਈ ਹੋਰ ਮਸ਼ਹੂਰ ਹਸਤੀਆਂ ਰਾਜਸਥਾਨ ਵਿਚ ਵਿਆਹ ਦੇ ਸੱਤ ਫੇਰੇ ਲੈ ਚੁੱਕੇ ਹਨ। ਕਹਿ ਸਕਦੇ ਹਾਂ ਕਿ ਹੁਣ ਵਿਆਹ ਦੀਆਂ ਰਸਮਾਂ ਦੇ ਲਿਹਾਜ਼ ਨਾਲ ਵੀ ਰਾਜਸਥਾਨ ਬਾਲੀਵੁਡ ਅਤੇ ਹਾਲੀਵੁਡ ਹਸਤੀਆਂ ਦੇ ਵਿਚ ਵੀ ਮਸ਼ਹੂਰ ਹੋ ਚੁੱਕਿਆ ਹੈ। ਦਰਅਸਲ ਜੋਧਪੁਰ ਅਤੇ ਉਦੈਪੁਰ ਸਥਿਤ ਪੈਲੇਸਾਂ ਦੀ ਖੂਬਸੂਰਤੀ ਵੇਖਦੇ ਹੀ ਬਣਦੀ ਹੈ।

ਇਥੇ ਦੀ ਕਾਰੀਗਰੀ ਅਤੇ ਨਕਾਸ਼ੀ ਲੋਕਾਂ ਨੂੰ ਅਪਣੇ ਵੱਲ ਆਕਰਸ਼ਤ ਕਰਦੀ ਹੈ। ਜੋਧਪੁਰ ਵਿਚ ਕਈ ਪੈਲੇਸ ਹਨ, ਜੋ ਦੁਨਿਆਂਭਰ ਵਿਚ ਮਸ਼ਹੂਰ ਹਨ। ਇਹਨਾਂ ਵਿਚ ਮੇਹਰਾਨਗੜ੍ਹ ਦਾ ਕਿਲਾ, ਉਮੇਦ ਭਵਨ ਪੈਲੇਸ, ਜਸਵੰਤ ਥਡਾ, ਘੰਟਾ ਘਰ, ਕਲਿਆਣ ਸਾਗਰ ਝੀਲ ਆਦਿ ਸ਼ਾਮਿਲ ਹਨ।