ਨਵੀਂ ਦਿੱਲੀ : ਬੈਂਕ ਆਫ ਮਹਾਰਾਸ਼ਟਰ (ਬੀਓਐਮ) ਨੇ ਬੈਂਕਿੰਗ ਖੇਤਰ ਵਿਚ ਲਾਗਤ ਕਟੌਤੀ ਦੇ ਉਪਰਾਲਿਆਂ 'ਤੇ ਅਮਲ ਕਰਦੇ ਹੋਏ ਅਪਣੀ 51 ਸ਼ਾਖਾਵਾਂ ਨੂੰ ਬੰਦ ਕਰਨ ਦਾ ਐਲਾਨ ਕੀਤਾ ਹੈ। ਪੁਣੇ ਮੁੱਖ ਦਫ਼ਤਰ ਦੇ ਇਕ ਅਧਿਕਾਰੀ ਨੇ ਦੱਸਿਆ ਕਿ ਇਹ ਸਾਰੀ ਸ਼ਾਖਾਵਾਂ ਸ਼ਹਿਰੀ ਖੇਤਰਾਂ ਵਿਚ ਹਨ। ਦਰਅਸਲ ਜਿਨ੍ਹਾਂ ਬ੍ਰਾਂਚ ਨੂੰ ਬੰਦ ਕਰਨ ਲਈ ਨਿਸ਼ਾਨਬੱਧ ਕੀਤਾ ਗਿਆ ਹੈ।  ਉਸ ਨੂੰ ਗੈਰ ਲਾਭ ਐਲਾਨ ਕੀਤਾ ਗਿਆ ਹੈ। ਪਹਿਚਾਣ ਦੱਸਣ ਤੋਂ ਮਨਾ ਕਰਦੇ ਹੋਏ ਬੈਂਕ ਦੇ ਸੀਨੀਅਰ ਅਧਿਕਾਰੀ ਨੇ ਕਿਹਾ ਕਿ ਇਹਨਾਂ 51 ਸ਼ਾਖਾਵਾਂ ਨੂੰ ਬੰਦ ਕਰ ਕੇ ਉਨ੍ਹਾਂ ਦਾ ਨੇੜਲੀਆਂ ਸ਼ਾਖਾਵਾਂ ਵਿਚ ਮਿਲਾ ਦਿਤਾ ਗਿਆ ਹੈ।  

ਜਨਤਕ ਖੇਤਰ ਦੇ ਕਿਸੇ ਬੈਂਕ ਵਲੋਂ ਮਹਾਰਾਸ਼ਟਰ ਵਿਚ ਚੁੱਕਿਆ ਗਿਆ ਇਹ ਪਹਿਲਾ ਕਦਮ ਹੈ। ਬੀਓਐਮ ਦੀ ਦੇਸ਼ਭਰ ਵਿਚ 1,900 ਸ਼ਾਖਾਵਾਂ ਹਨ। ਬੀਓਐਮ ਨੇ ਸੋਮਵਾਰ ਨੂੰ ਅਪਣੇ ਐਲਾਨ ਵਿਚ ਕਿਹਾ ਕਿ ਬੈਂਕ ਨੇ ਲੋਕਾਂ ਦੀ ਸਹੂਲਤ ਲਈ ਇਹਨਾਂ ਸ਼ਾਖਾਵਾਂ ਸ਼ਾਖਾਵਾਂ ਵਿਚ ਮਿਲਾ ਦਿਤਾ ਗਿਆ ਹੈ। ਇਹਨਾਂ ਸ਼ਾਖਾਵਾਂ ਦੇ ਆਈਐਫਐਸਸੀ ਕੋਡ ਅਤੇ ਐਮਆਈਸੀਆਰ ਕੋਡ ਰੱਦ ਕਰ ਦਿਤੇ ਗਏ ਹਨ ਅਤੇ ਸਾਰੇ ਬਚਤ, ਚਾਲੂ ਅਤੇ ਹੋਰ ਖਾਤੇ ਨੇੜੇ ਦੀਆਂ ਸ਼ਾਖਾਵਾਂ ਵਿਚ ਭੇਜ ਦਿਤੇ ਗਏ ਹਨ।

ਬੰਦ ਕੀਤੀਆਂ ਗਈਆਂ ਸ਼ਾਖਾਵਾਂ ਦੇ ਸਾਰੇ ਗਾਹਕਾਂ ਨੂੰ ਉਨ੍ਹਾਂ ਨੂੰ ਪਹਿਲਾਂ ਜਾਰੀ ਕੀਤੇ ਗਏ ਚੈਕਬੁਕ 30 ਨਵੰਬਰ ਤੱਕ ਵਾਪਸ ਜਮ੍ਹਾਂ ਕਰਨ ਅਤੇ ਨਵੀਂਆਂ ਸ਼ਾਖਾਵਾਂ ਦੇ ਆਈਐਫਸੀਐਸ/ਐਮਆਈਸੀਆਰ ਕੋਡ ਦੇ ਨਾਲ ਭੁਗਤਾਨ ਸਮੱਗਰੀ ਪ੍ਰਾਪਤ ਕਰਨ ਦਾ ਨਿਰਦੇਸ਼ ਦਿਤਾ ਗਿਆ ਹੈ।