Fuel prices

ਨਵੀਂ ਦਿੱਲੀ : ਨਵੇਂ ਸਾਲ ਵਿਚ ਪਟਰੌਲ, ਡੀਜ਼ਲ ਦੀਆਂ ਕੀਮਤਾਂ ਵਿਚ ਰਾਹਤ ਜਾਰੀ ਹੈ। ਇਕ ਤੋਂ 6 ਜਨਵਰੀ ਤੱਕ ਜਿੱਥੇ ਚਾਰ ਦਿਨ ਕੀਮਤਾਂ ਵਿਚ ਕਟੌਤੀ ਕੀਤੀ ਗਈ, ਉਥੇ ਹੀ ਦੋ ਦਿਨ ਪਟਰੌਲ - ਡੀਜ਼ਲ ਦੀਆਂ ਕੀਮਤਾਂ ਵਿਚ ਕੋਈ ਬਦਲਾਅ ਨਹੀਂ ਹੋਇਆ। ਇਸ ਤਰ੍ਹਾਂ ਨਵੇਂ ਸਾਲ ਵਿਚ ਹਲੇ ਤੱਕ ਕਿਸੇ ਵੀ ਦਿਨ ਮਹਿੰਗੇ ਪਟਰੌਲ - ਡੀਜ਼ਲ ਦਾ ਬੋਝ ਗਾਹਕਾਂ 'ਤੇ ਨਹੀਂ ਪਿਆ।

ਅੱਜ ਤੇਲ ਕੰਪਨੀਆਂ ਨੇ ਪਟਰੌਲ ਦੀਆਂ ਕੀਮਤਾਂ ਵਿਚ ਕੋਈ ਬਦਲਾਅ ਨਹੀਂ ਕੀਤਾ ਪਰ ਡੀਜ਼ਲ ਦੀਆਂ ਕੀਮਤਾਂ ਵਿਚ 10 ਪੈਸੇ ਦੀ ਕਟੌਤੀ ਕੀਤੀ ਗਈ। ਇਸ ਤਰ੍ਹਾਂ ਦਿੱਲੀ ਵਿਚ ਇਕ ਲੀਟਰ ਪਟਰੌਲ ਦੀ ਕੀਮਤ 68 ਰੁਪਏ 29 ਪੈਸੇ ਰਹੀ, ਉਥੇ ਹੀ ਡੀਜ਼ਲ 62 ਰੁਪਏ 16 ਪੈਸੇ 'ਤੇ ਆ ਗਿਆ। ਪਟਰੌਲ - ਡੀਜ਼ਲ ਦੀਆਂ ਕੀਮਤਾਂ ਵਿਚ ਕਟੌਤੀ ਦਾ ਸੱਭ ਤੋਂ ਵੱਡਾ ਕਾਰਨ ਅੰਤਰਰਾਸ਼ਟਰੀ ਪੱਧਰ 'ਤੇ ਕੱਚੇ ਤੇਲ ਦਾ ਸਸਤਾ ਹੋਣਾ ਹੈ ਪਰ ਨਵੇਂ ਸਾਲ ਵਿਚ ਕੱਚੇ ਤੇਲ ਦੀਆਂ ਕੀਮਤਾਂ ਵਿਚ ਉਛਾਲ ਆਇਆ ਹੈ।

ਪਿਛਲੇ ਹਫਤੇ ਵਿਚ ਅੰਤਰਰਾਸ਼ਟਰੀ ਬਾਜ਼ਾਰ ਵਿਚ ਕੱਚੇ ਤੇਲ ਦੇ ਭਾਅ ਕਰੀਬ 10 ਫ਼ੀਸਦੀ ਵਧੇ ਹਨ, ਅਜਿਹੇ ਵਿਚ ਆਉਣ ਵਾਲੇ ਦਿਨਾਂ ਵਿਚ ਪਟਰੌਲ ਫਿਰ ਮਹਿੰਗਾ ਹੋ ਸਕਦਾ ਹੈ। ਕੱਚੇ ਤੇਲ ਦੇ ਮੁੱਲ ਵਿਚ ਅੱਗੇ ਅਹੋਰ ਤੇਜੀ ਆਉਣ ਦੀ ਸੂਰਤ ਵਿਚ ਡਾਲਰ ਦੇ ਮੁਕਾਬਲੇ ਰੁਪਏ ਵਿਚ ਗਿਰਾਵਟ ਆ ਸਕਦੀ ਹੈ ਅਤੇ ਪਟਰੌਲ, ਡੀਜ਼ਲ ਦੇ ਮੁੱਲ ਵਿਚ ਵਾਧਾ ਹੋ ਸਕਦਾ ਹੈ।

ਅੰਤਰਰਾਸ਼ਟਰੀ ਬਾਜ਼ਾਰ ਵਿਚ ਕੱਚੇ ਤੇਲ ਦੇ ਮੁੱਲ ਵਿਚ ਚੜਾਵ - ਉਤਾਰ ਦਾ ਅਸਰ ਪਟਰੌਲ, ਡੀਜ਼ਲ ਦੇ ਮੁੱਲ 'ਤੇ ਕਰੀਬ 10 ਦਿਨ ਬਾਅਦ ਆਉਂਦਾ ਹੈ, ਅਜਿਹੇ ਵਿਚ ਪਿਛਲੇ ਹਫਤੇ ਜਿਸ ਤਰ੍ਹਾਂ ਨਾਲ ਕੱਚੇ ਤੇਲ ਦੀਆਂ ਕੀਮਤਾਂ ਵਿਚ ਤੇਜੀ ਵਿਖਾਈ ਦਿਤੀ ਹੈ, ਉਸ ਤੋਂ ਅੱਗੇ ਪਟਰੌਲ - ਡੀਜ਼ਲ ਮਹਿੰਗਾ ਹੋ ਸਕਦਾ ਹੈ। ਫਿਲਹਾਲ ਕੱਚੇ ਤੇਲ ਦੀ ਕੀਮਤ 57 ਡਾਲਰ ਪ੍ਰਤੀ ਬੈਰਲ ਤੱਕ ਪਹੁੰਚ ਗਈ ਹੈ।