Auto industry seeks incentive package to overcome its slump

ਨਵੀਂ ਦਿੱਲੀ: ਆਟੋ ਉਦਯੋਗ ਨੇ ਸੰਕਟ ਨੂੰ ਦੂਰ ਕਰਨ ਲਈ ਸਰਕਾਰ ਤੋਂ ਜੀਐਸਟੀ ਕਟੌਤੀ ਸਮੇਤ ਇੱਕ ਪ੍ਰੋਤਸਾਹਨ ਪੈਕੇਜ ਦੀ ਮੰਗ ਕੀਤੀ ਹੈ। ਬੁੱਧਵਾਰ ਨੂੰ ਵਿੱਤ ਉਦਯੋਗ ਨਿਰਮਲਾ ਸੀਤਾਰਮਨ ਅਤੇ ਆਟੋ ਇੰਡਸਟਰੀ ਦੇ ਨੁਮਾਇੰਦਿਆਂ ਪਵਨ ਗੋਇੰਕਾ, ਮਹਿੰਦਰਾ ਐਂਡ ਮਹਿੰਦਰਾ ਦੇ ਮੈਨੇਜਿੰਗ ਡਾਇਰੈਕਟਰ ਆਰ ਸੀ ਭਾਰਗਵ, ਮਾਰੂਤੀ ਦੇ ਚੇਅਰਮੈਨ, ਹੀਰੋ ਮੋਟੋ ਸਿਆਮ ਦੇ ਪਵਨ ਮੁੰਜਾਲ ਸਮੇਤ ਸਿਆਮ ਅਤੇ ਫਾਡਾ ਦੇ ਨੁਮਾਇੰਦੇ ਨੇ ਮੁਲਾਕਾਤ ਕੀਤੀ।

ਸਾਰਿਆਂ ਨੇ ਵਿੱਤ ਮੰਤਰੀ ਤੋਂ ਮੰਗ ਕੀਤੀ ਕਿ ਜੀਐਸਟੀ ਵਿਚ ਕਟੌਤੀ ਕੀਤੀ ਜਾਵੇ ਅਤੇ ਇਸ ਸੈਕਟਰ ਨੂੰ ਜਲਦੀ ਤੋਂ ਜਲਦੀ ਟਰੈਕ ’ਤੇ ਲਿਆਉਣ ਲਈ ਪ੍ਰੋਤਸਾਹਨ ਪੈਕੇਜ ਦਿੱਤਾ ਜਾਵੇ। ਮਹੱਤਵਪੂਰਣ ਗੱਲ ਇਹ ਹੈ ਕਿ ਆਟੋ ਉਦਯੋਗ ਪਿਛਲੇ ਇਕ ਸਾਲ ਤੋਂ ਭਾਰੀ ਮਾਰ ਵਿਚ ਹੈ। ਕਾਰਾਂ ਅਤੇ ਦੁਪਹੀਆ ਵਾਹਨਾਂ ਦੀ ਵਿਕਰੀ ਵਿਚ ਭਾਰੀ ਗਿਰਾਵਟ ਆਈ ਹੈ। ਵਾਹਨਾਂ ਦੀ ਵਿਕਰੀ ਦੇ ਬਹੁਤ ਸਾਰੇ ਕਾਰਨ ਹਨ, ਜਿਨ੍ਹਾਂ ਵਿਚੋਂ ਗੈਰ-ਬੈਂਕਿੰਗ ਵਿੱਤੀ ਕੰਪਨੀਆਂ ਵਿਚ ਤਰਲਤਾ, ਕਮਜ਼ੋਰ ਗਾਹਕ ਦੀ ਧਾਰਨਾ ਅਤੇ ਟੈਕਸ ਸਰਚਾਰਜ ਦੀ ਘਾਟ ਮੁੱਖ ਹੈ।

ਵਾਹਨ ਉਦਯੋਗ ਵਿਚ ਆਈ ਮੰਦੀ ਕਾਰਨ ਵੱਡੀ ਗਿਣਤੀ ਵਿਚ ਲੋਕ ਆਪਣੀਆਂ ਨੌਕਰੀਆਂ ਵਿਚ ਸੰਕਟ ਦਾ ਸਾਹਮਣਾ ਕਰ ਰਹੇ ਹਨ। ਅਪ੍ਰੈਲ ਤੋਂ ਤਕਰੀਬਨ 3.5 ਲੱਖ ਲੋਕਾਂ ਨੂੰ ਛੁੱਟੀ ਦਿੱਤੀ ਗਈ ਹੈ। ਇਸ ਵੇਲੇ ਕਾਰਾਂ 'ਤੇ ਜੀਐਸਟੀ ਦੀ ਦਰ 28 ਪ੍ਰਤੀਸ਼ਤ ਹੈ। ਵਰਤਮਾਨ ਵਿਚ ਇਹ ਖੇਤਰ 35 ਮਿਲੀਅਨ ਲੋਕਾਂ ਨੂੰ ਸਿੱਧੇ ਅਤੇ ਅਸਿੱਧੇ ਰੂਪ ਵਿਚ ਨੌਕਰੀਆਂ ਪ੍ਰਦਾਨ ਕਰ ਰਿਹਾ ਹੈ। ਕਾਰ ਅਤੇ ਦੋਪਹੀਆ ਵਾਹਨਾਂ ਦੀ ਵਿਕਰੀ ਵਿਚ ਭਾਰੀ ਗਿਰਾਵਟ ਦਾ ਅਸਰ ਇਸ ਖੇਤਰ ਵਿਚ ਕੰਮ ਕਰ ਰਹੇ ਕਾਮਿਆਂ ਤੇ ਪੈਣਾ ਸ਼ੁਰੂ ਹੋ ਗਿਆ ਹੈ।

ਅਪ੍ਰੈਲ ਮਹੀਨੇ ਤੋਂ ਹੁਣ ਤਕ ਆਟੋ ਕੰਪਨੀਆਂ, ਪੁਰਜ਼ੇ ਨਿਰਮਾਤਾ ਅਤੇ ਡੀਲਰਾਂ ਨੇ ਕਰੀਬ 3.5 ਲੱਖ ਲੋਕਾਂ ਦੀ ਛੁੱਟੀ ਕੀਤੀ ਹੈ। ਕਾਰ ਅਤੇ ਦੋਪਹੀਆ ਕੰਪਨੀਆਂ ਨੇ 15 ਹਜ਼ਾਰ ਅਤੇ ਪੁਰਜ਼ੇ ਬਣਾਉਣ ਵਾਲਿਆਂ ਨੇ ਇਕ ਲੱਖ ਕਰਮਚਾਰੀਆਂ ਦੀ ਛੁੱਟੀ ਕੀਤੀ ਹੈ। ਵਾਹਨ ਡੀਲਰਾਂ ਨੇ ਕਰੀਬ 2.35 ਲੋਕਾਂ ਨੂੰ ਹੁਣ ਤਕ ਨੌਕਰੀ ਤੋਂ ਬਾਹਰ ਕੱਢਿਆ ਹੈ।

ਵਾਹਨ ਉਦਯੋਗ ਦੇ ਪ੍ਰਤੀਨਿਧੀਆਂ ਨੇ ਸਰਕਾਰ ਵੱਲੋਂ ਪ੍ਰਸਾਰਿਤ ਨਵੇਂ ਵਾਹਨ ਰਜਿਸਟਰੇਸ਼ਨ ਫ਼ੀਸ ਵਾਧੇ ਦੇ ਪ੍ਰਸਤਾਵ ਨੂੰ ਲਾਗੂ ਨਾ ਕਰਨ ਦੀ ਬੇਨਤੀ ਕੀਤੀ। ਵਾਹਨ ਉਦਯੋਗ ਦਾ ਮੰਨਣਾ ਹੈ ਕਿ ਪਹਿਲਾਂ ਹੀ ਇਹ ਸੈਕਟਰ ਮੰਦੀ ਦੀ ਲਪੇਟ ਵਿਚ ਹੈ। ਇਸ ਫ਼ੈਸਲੇ ਤੋਂ ਖਰੀਦਦਾਰੀ ਧਾਰਣਾ ਅਤੇ ਪ੍ਰਭਾਵਿਤ ਹੋਵੇਗੀ। ਜਿਸ ਦਾ ਬੁਰਾ ਅਸਰ ਇਸ ਸੈਕਟਰ ਤੇ ਹੋਵੇਗਾ।  

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook ਤੇ ਲਾਈਕ Twitter  ਤੇ follow ਕਰੋ।