ਨਵੀਂ ਦਿੱਲੀ: ਮੰਗਲਵਾਰ ਸੋਨੇ ਤੇ ਚਾਂਦੀ ਦੋਨਾਂ ਦੀ ਕੀਮਤ ਵਿਚ ਭਾਰੀ ਗਿਰਾਵਟ ਦਰਜ ਕੀਤੀ ਗਈ ਹੈ। ਸਰਾਫ਼ਾ ਬਾਜ਼ਾਰ ਵਿਚ ਸੋਨੇ ਦੀ ਕੀਮਤ 360 ਰੁਪਏ ਘੱਟ ਕੇ 33,370 ਰੁਪਏ ਪ੍ਰਤੀ ਦਸ ਗ੍ਰਾਮ ਹੋ ਗਈ। ਬੀਤੇ ਦਿਨ ਇਸ ਦੀ ਕੀਮਤ 33,730 ਰੁਪਏ ‘ਤੇ ਪੁੱਜੀ ਸੀ, ਜੋ ਕਿ ਤਿੰਨ ਮਹੀਨੇ ਦਾ ਉੱਚ ਪੱਧਰ ਸੀ। ਉੱਥੇ ਹੀ, ਉਦਯੋਗਿਕ ਤੇ ਸਿੱਕਾ ਨਿਰਮਾਤਾਵਾਂ ਦੀ ਮੰਗ ਸੂਸਤ ਰਹਿਣ ਨਾਲ ਚਾਂਦੀ ਵੀ 290 ਰੁਪਏ ਸਸਤੀ ਹੋ ਕੇ 37,560 ਰੁਪਏ ਪ੍ਰਤੀ ਕਿਲੋਗ੍ਰਾਮ ਹੋ ਗਈ। ਕੁੱਲ ਚਾਂਦੀ 500 ਰੁਪਏ ਡਿੱਗੀ ਸੀ। ਇਸ ਤਰ੍ਹਾਂ ਦੋ ਦਿਨਾਂ ਵਿਚ ਚਾਂਦੀ 790 ਰੁਪਏ ਸਸਤੀ ਹੋਈ ਹੈ।

ਸੋਮਵਾਰ ਵਿਦੇਸ਼ੀ ਬਾਜ਼ਾਰਾਂ ਵਿਚ ਵੀ ਦੋਨੋਂ ਕੀਮਤੀ ਧਾਤਾਂ ਦਾ ਇਹੀ ਹਾਲ ਰਿਹਾ ਸੀ। ਲੰਡਨ ਤੇ ਨਿਊਯਾਰਕ ਬਾਜ਼ਾਰਾਂ ਤੋਂ ਮਿਲੀ ਜਾਣਕਾਰੀ ਮੁਤਾਬਿਕ, ਸੋਮਵਾਰ ਨੂੰ ਉਤੇ ਸੋਨਾ ਇਕ ਫ਼ੀਸਦੀ ਡਿੱਗਾ ਸੀ, ਜਿਸ ਦਾ ਅਸਰ ਅੱਜ ਸਥਾਨਕ ਬਾਜ਼ਾਰ ‘ਤੇ ਵੀ ਦੇਖਣ ਨੂੰ ਮਿਲਿਆ। ਵਿਦੇਸ਼ੀ ਬਾਜ਼ਾਰਾਂ ‘ਚ ਸੋਨਾ ਹਾਜ਼ਰ 4.88 ਡਾਲਰ ਟੁੱਟ ਕੇ 1323.25 ਡਾਲਰ ਪ੍ਰਤੀ ਔਂਸ ‘ਤੇ ਜਾ ਪੁੱਜਾ।

ਅਗਸਤ ਦਾ ਅਮਰੀਕੀ ਸੋਨਾ ਵਾਇਦਾ ਦੀ ਕੀਮਤ 2 ਡਾਲਰ ਦੀ ਗਿਰਾਵਟ ਨਾਲ 1327.30 ਡਾਲਰ ਪ੍ਰਤੀ ਔਂਸ ਬੋਲੀ ਗਈ। ਬਾਜ਼ਾਰ ਜਾਣਕਾਰਾਂ ਮੁਤਾਬਿਕ, ਅਮਰੀਕਾ ਅਤੇ ਮੈਕਸੀਕੋ ਵਿਚਕਾਰ ਵਪਾਰ ਯੁੱਧ ਖ਼ਤਮ ਕਰਨ ਦੀ ਸਹਿਮਤੀ ਬਣਨ ਨਿਵੇਸ਼ਕਾਂ ਵਿਚ ਸੋਨੇ ਪ੍ਰਤੀ ਖਿੱਚ ਘੱਟ ਹੋਈ, ਜਿਸ ਕਾਰਨ ਕੀਮਤਾਂ ਵਿਚ ਗਿਰਾਵਟ ਦੇਖੀ ਗਈ। ਉੱਥੇ ਹੀ, ਵਿਦੇਸ਼ੀ ਬਾਜ਼ਾਰਾਂ ਵਿਚ ਚਾਂਦੀ ਹਾਜ਼ਰ ਵੀ .0.01 ਡਾਲਰ ਦੀ ਗਿਰਾਵਟ ਨਾਲ 14.67 ਡਾਲਰ ਪ੍ਰਤੀ ਔਂਸ ‘ਤੇ ਆ ਗਈ।