Paytm Users ਨੂੰ ਵੱਡਾ ਝਟਕਾ! Paytm Bank ਦੇ ਇਸ ਫੈਸਲੇ ਨਾਲ ਗ੍ਰਾਹਕਾਂ ਨੂੰ ਹੋਵੇਗਾ ਭਾਰੀ ਨੁਕਸਾਨ
ਜੇਕਰ ਤੁਸੀਂ ਵੀ Paytm ਦੀ ਵਰਤੋਂ ਕਰਦੇ ਹੋ ਤਾਂ ਇਹ ਖ਼ਬਰ ਤੁਹਾਡੇ ਲਈ ਬਹੁਤ ਜ਼ਰੂਰੀ ਹੈ।
ਨਵੀਂ ਦਿੱਲੀ: ਜੇਕਰ ਤੁਸੀਂ ਵੀ Paytm ਦੀ ਵਰਤੋਂ ਕਰਦੇ ਹੋ ਤਾਂ ਇਹ ਖ਼ਬਰ ਤੁਹਾਡੇ ਲਈ ਬਹੁਤ ਜ਼ਰੂਰੀ ਹੈ। Paytm ਨੇ ਅਪਣੇ ਗ੍ਰਾਹਕਾਂ ਨੂੰ ਝਟਕਾ ਦਿੰਦੇ ਹੋਏ ਬੱਚਤ ਖਾਤੇ ‘ਤੇ ਮਿਲਣ ਵਾਲੇ ਵਿਆਜ ਨੂੰ ਘੱਟ ਕੀਤਾ ਹੈ। Paytm ਭੁਗਤਾਨ ਬੈਂਕ ਨੇ ਸੇਵਿੰਗ ਅਕਾਊਂਟ ‘ਤੇ ਮਿਲਣ ਵਾਲੀ ਵਿਆਜ ਦਰ ਵਿਚ ਅੱਧੇ ਫੀਸਦੀ ਕਟੌਤੀ ਕਰ 3.5 ਫੀਸਦੀ ਕਰ ਦਿੱਤਾ ਹੈ। Paytm ਬੈਂਕ ਵੱਲੋਂ ਜਾਰੀ ਬਿਆਨ ਵਿਚ ਦੱਸਿਆ ਗਿਆ ਕਿ ਇਹ ਕਟੌਤੀ 1 ਨਵੰਬਰ ਤੋਂ ਲਾਗੂ ਹੋਵੇਗੀ।
ਇਸ ਦੇ ਨਾਲ ਹੀ Paytm ਭੁਗਤਾਨ ਬੈਂਕ ਨੇ ਅਪਣੇ ਗ੍ਰਾਹਕਾਂ ਲਈ ਐਫਡੀ ਦਾ ਐਲਾਨ ਵੀ ਕੀਤਾ ਹੈ। ਦੱਸ ਦਈਏ ਕਿ ਹਾਲ ਹੀ ਵਿਚ ਦੇਸ਼ ਦੇ ਸਭ ਤੋਂ ਵੱਡੇ ਬੈਂਕ ਐਸਬੀਆਈ ਨੇ ਸੇਵਿੰਗ ਅਕਾਊਂਟ ਦੀ ਜਮ੍ਹਾਂ ਰਾਸ਼ੀ ‘ਤੇ ਵਿਆਜ ਦਰਾਂ ਘੱਟ ਕੀਤੀਆਂ ਹਨ। ਐਸਬੀਆਈ ਸੇਵਿੰਗ ਅਕਾਊਂਟ ਵਿਚ 1 ਲੱਖ ਰੁਪਏ ਤੱਕ ਜਮਾਂ ਰੱਖਣ ਵਾਲਿਆਂ ਨੂੰ 3.25 ਫੀਸਦੀ ਦੇ ਹਿਸਾਬ ਨਾਲ ਵਿਆਜ ਦੇਵੇਗਾ। ਹੁਣ Paytm ਬੈਂਕ ਨੇ ਵੀ ਅਪਣੇ ਗ੍ਰਹਕਾਂ ਨੂੰ ਝਟਕਾ ਦਿੱਤਾ ਹੈ। ਇਸ ਦਾ ਅਸਰ ਉਹਨਾਂ ਗ੍ਰਾਹਕਾਂ ‘ਤੇ ਪਵੇਗਾ ਜਿਨ੍ਹਾਂ ਦਾ Paytm ਬੈਂਕ ਵਿਚ ਬੱਚਤ ਖਾਤਾ ਹੈ।
ਬੈਂਕ ਦੇ ਐਮਡੀ ਸਤੀਸ਼ ਕੁਮਾਰ ਗੁਪਤਾ ਨੇ ਕਿਹਾ ਕਿ ਰਿਜ਼ਰਵ ਬੈਂਕ ਨੇ ਹਾਲ ਹੀ ਵਿਚ ਰੈਪੋ ਰੇਟ ਨੂੰ ਚੌਥਾਈ ਫੀਸਦੀ ਘਟਾ ਕੇ 5.15 ਫੀਸਦੀ ਕਰ ਦਿੱਤਾ ਹੈ। ਪਿਛਲੇ 12 ਮਹੀਨਿਆਂ ਵਿਚ ਕੇਂਦਰੀ ਬੈਂਕ ਰੋਪੈ ਦਰ ਵਿਚ 1.35 ਫੀਸਦੀ ਦੀ ਕਟੌਤੀ ਕਰ ਚੁੱਕਾ ਹੈ। ਇਸੇ ਕਾਰਨ ਇਹ ਕਦਮ ਚੁੱਕਿਆ ਗਿਆ ਹੈ। ਇਸ ਤੋਂ ਇਲਾਵਾ Paytm ਗ੍ਰਾਹਕਾਂ ਨੂੰ ਇਕ ਰੁਪਏ ਵਿਚ ਵੀ ਐਫਡੀ ਖਾਤਾ ਖੋਲਣ ਦਾ ਮੌਕਾ ਦਿੰਦਾ ਹੈ। Paytm ਐਫਡੀ ‘ਤੇ 7.5 ਫੀਸਦੀ ਵਿਆਜ ਦਿੰਦਾ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ