Paytm Wallet

ਨਵੀਂ ਦਿੱਲੀ : ਹੁਣ Paytm ਜ਼ਰੀਏ ਲੈਣ-ਦੇਣ ਕਰਨ ‘ਤੇ 4 ਫ਼ੀਸਦੀ ਦੀ ਦਰ ਨਾਲ ਬੱਚਤ ਖਾਤੇ ‘ਤੇ ਵਿਆਜ ਮਿਲ ਸਕੇਗਾ। ਜੇਕਰ ਖਾਤੇ ਵਿਚ ਜਮ੍ਹਾਂ ਰਾਸ਼ੀ ਇੱਕ ਲੱਖ ਤੋਂ ਜ਼ਿਆਦਾ ਹੈ ਤਾਂ ਇਹ ਰਾਸ਼ੀ ਅਪਣੇ ਆਪ ਫਿਕਸਡ ਡਿਪਾਜ਼ਿਟ ਵਿਚ ਬਦਲ ਜਾਵੇਗੀ। ਇਸ ਫਿਕਸਡ ਡਿਪਾਜ਼ਿਟ ‘ਤੇ ਤੁਹਾਨੂੰ ਬੈਕਾਂ ਤੋਂ ਜ਼ਿਆਦਾ 8 ਫ਼ੀਸਦੀ ਦੀ ਦਰ ਨਾਲ ਵਿਆਜ ਦਾ ਲਾਭ ਮਿਲੇਗਾ। ਸਿਰਫ਼ ਇੰਨਾ ਹੀ ਨਹੀਂ ਇਸ ਐਫ਼.ਡੀ ਨੂੰ ਬਿਨਾਂ ਕਿਸੇ ਚਾਰਜ ਦੇ ਹੀ ਤੁੜਵਾ ਵੀ ਸਕਦੇ ਹੋ। ਪੇਟੀਐਮ ਪੇਮੈਂਟਸ ਬੈਂਕ ਲਿਮਟਿਡ ਦੀ ਨਵੀਂ ਮੋਬਾਇਲ ਬੈਂਕਿੰਗ ਐਪ ਦੀ ਲਾਂਚਿੰਗ ਮੌਕੇ ਇਸ ਦੀ ਜਾਣਕਾਰੀ ਦਿੱਤੀ ਗਈ ਹੈ।

ਪੇਟੀਐਮ ਨੇ ਇਜਿਹਾ ਕਰਕੇ ਸਿੱਧੇ ਤੌਰ ‘ਤੇ ਭਾਰਤੀ ਬੈਂਕਿੰਗ ਸਰਵਿਸ ਵਿਚ ਅਪਣੀ ਬਣਾਉਣ ਦੀ ਕੋਸ਼ਿਸ਼ ਸ਼ੁਰੂ ਕਰ ਦਿੱਤੀ ਹੈ। ਨਵੇਂ ਐਪ ਮੌਜੂਦਾ ਐਪ ਤੋਂ ਵੱਖ ਹਨ। ਗੂਗਲ ਪਲੇਅ ਸਟੋਰ ਉਤੇ ਪੇਟੀਐਮ ਮੋਬਾਇਲ ਬੈਂਕਿੰਗ ਐਪ ਡਾਊਨਲੋਡ ਕੀਤਾ ਜਾ ਸਕਦਾ ਹੈ। ਜਲਦ ਹੀ ਇਹ ਐਪਲ ਐਪ ਸਟੋਰ ਉੱਤੇ ਵੀ ਉਪਲੱਬਧ ਹੋਵੇਗਾ। ਇਸ ਐਪ ਦੇ ਜ਼ਰੀਏ ਤੁਸੀਂ ਆਸਾਨੀ ਨਾਲ ਬੈਂਕਿੰਗ ਸੇਵਾਵਾਂ ਦੀ ਵਰਤੋਂ ਕਰ ਸਕੋਗੇ। ਇਹ ਡਿਜੀਟਲ ਡੈਬਿਟ ਕਾਰਡ ਆਦਿ ਦੀ ਵਰਤੋਂ ਕਰਨ ਦੀ ਸਹੂਲਤ ਦੇਵੇਗਾ। ਮੋਬਾਇਲ ਬੈਂਕਿੰਗ ਐਪ ਦੇ ਜ਼ਰੀਏ ਬਕਾਇਆ ਚੈੱਕ, ਅਕਾਉਂਟ ਸਟੇਟਮੈਂਟ ਅਤੇ 24*7 ਸਹਾਇਤਾ ਪ੍ਰਾਪਤ ਕਰ ਸਕੋਗੇ।

ਮਈ 2017 ਵਿਚ ਪੇਟੀਐਮ ਬੈਂਕ ਲਾਂਚ ਹੋਇਆ ਸੀ। ਮੌਜੂਦਾ ਸਮੇਂ ਵਿਚ  ਪੇਟੀਐਮ ਦੇ 4.3 ਕਰੋੜ ਉਪਭੋਗਤਾ ਹਨ। ਇਨ੍ਹਾਂ ਸਾਰਿਆਂ ਨੂੰ ਵਰਚੁਅਲ ਡੈਬਿਟ ਕਾਰਡ ਦਿੱਤਾ ਗਿਆ ਹੈ। ਐਪ ਵਿਚ ਸਿਰਫ਼ ਇਕ ਕਲਿੱਕ ਨਾਲ ਡੈਬਿਟ ਕਾਰਡ ਦੀ ਦੁਰਵਰਤੋਂ ਤੋਂ ਸੁਰੱਖਿਅਤ ਕਰਨ ਦੀ ਸਹੂਲਤ ਹੈ। ਇਸ ਮੌਕੇ ‘ਤੇ ਪੇਟੀਐਮ ਪੇਮੈਂਟਸ ਬੈਂਕ ਦੇ ਐਮਡੀ ਅਤੇ ਸੀਈਓ ਸਤੀਸ਼ ਕੁਮਾਰ ਗੁਪਤਾ ਨੇ ਕਿਹਾ ਕਿ ਨਵਾਂ ਐਪ ਅਪਣੇ ਬੈਂਕ ਦੇ ਗਾਹਕਾਂ ਲਈ ਸੂਚੀਬੱਧ ਤਰੀਕੇ ਨਾਲ ਬੈਂਕਿੰਗ ਸੇਵਾਵਾਂ ਪ੍ਰਦਾਨ ਕਰਨ ਲਈ ਪੇਸ਼ ਕੀਤਾ ਗਿਆ ਹੈ।

ਨਵੇਂ ਐਪ ਦਾ ਉਦੇਸ਼ ਮੌਜੂਦ ਐਪ ਤੋਂ ਅਪਣੇ ਸੰਚਾਲਨ ਨੂੰ ਵੱਖ ਕਰਨ ਦਾ ਹੈ। ਇਸ ਦੀ ਸਹਾਇਤਾ ਨਾਲ ਦੂਜੀਆਂ ਸੰਸਥਾਵਾਂ ਵਿਚ ਗਾਹਕਾਂ ਨੂੰ ਬੈਕਿੰਗ ਕਰਨ ਵਿਚ ਆਸਾਨੀ ਹੋਵੇਗੀ।