ਕੇਵਾਈਸੀ ਪੂਰਾ ਨਾ ਕਰਨ 'ਤੇ 1 ਦਸੰਬਰ ਨੂੰ ਰੱਦ ਹੋ ਜਾਵੇਗਾ ਤੁਹਾਡਾ ਗੈਸ ਕਨੈਕਸ਼ਨ
ਜੇਕਰ ਤੁਸੀਂ ਕਾਗਜ ਪੂਰੇ ਨਹੀਂ ਕੀਤੇ ਤਾਂ 30 ਨਵੰਬਰ ਤੋਂ ਬਾਅਦ ਮਤਲਬ 1 ਦਿਸੰਬਰ ਤੋਂ ਤੁਹਾਡਾ ਗੈਸ ਕਨੈਕਸ਼ਨ ਰੱਦ ਹੋ ਸਕਦਾ ਹੈ। ਦਰਅਸਲ ਗੈਸ ਕੰਪਨੀ ਭਾਰਤ ਗੈਸ, ....
ਨਵੀਂ ਦਿੱਲੀ (ਭਾਸ਼ਾ) :- ਜੇਕਰ ਤੁਸੀਂ ਕਾਗਜ ਪੂਰੇ ਨਹੀਂ ਕੀਤੇ ਤਾਂ 30 ਨਵੰਬਰ ਤੋਂ ਬਾਅਦ ਮਤਲਬ 1 ਦਿਸੰਬਰ ਤੋਂ ਤੁਹਾਡਾ ਗੈਸ ਕਨੈਕਸ਼ਨ ਰੱਦ ਹੋ ਸਕਦਾ ਹੈ। ਦਰਅਸਲ ਗੈਸ ਕੰਪਨੀ ਭਾਰਤ ਗੈਸ, ਐਚਪੀ ਗੈਸ ਅਤੇ ਇੰਡੇਨ ਗੈਸ ਨੇ 30 ਨਵੰਬਰ ਤੱਕ ਸਾਰੇ ਗਾਹਕਾਂ ਨੂੰ ਕੇਵਾਈਸੀ ਪੂਰਾ ਕਰਨ ਲਈ ਕਿਹਾ ਹੈ।
ਜੇਕਰ ਗਾਹਕਾਂ ਦੇ ਵੱਲੋਂ ਤੈਅ ਤਾਰੀਖ ਤੱਕ ਕੇਵਾਈਸੀ ਅਪਡੇਟ ਨਹੀਂ ਕੀਤਾ ਜਾਂਦਾ ਤਾਂ ਅਜਿਹੇ ਕਸਟਮਰ ਦਾ ਗੈਸ ਕਨੈਕਸ਼ਨ ਰੱਦ ਕੀਤਾ ਜਾ ਸਕਦਾ ਹੈ ਅਤੇ ਉਨ੍ਹਾਂ ਨੂੰ ਦਿਸੰਬਰ ਤੋਂ ਗੈਸ ਦੀ ਡਿਲੀਵਰੀ ਨਹੀਂ ਕੀਤੀ ਜਾਵੇਗੀ।
ਖ਼ਬਰਾਂ ਅਨੁਸਾਰ ਕੇਵਾਈਸੀ ਪੂਰਾ ਨਾ ਹੋਣ ਦੇ ਕਾਰਨ ਸਰਕਾਰ ਦੇ ਵੱਲੋਂ ਅਜਿਹੇ 1 ਕਰੋੜ ਗੈਸ ਕਨੈਕਸ਼ਨਾਂ ਨੂੰ ਰੱਦ ਕਰਨ ਦੀ ਤਿਆਰੀ ਕੀਤੀ ਜਾ ਰਹੀ ਹੈ। ਇਨ੍ਹਾਂ ਲੋਕਾਂ ਨੂੰ ਦਿਸੰਬਰ ਤੋਂ ਰਸੋਈ ਗੈਸ ਸਿਲੰਡਰ ਨਹੀਂ ਦਿੱਤੇ ਜਾਣਗੇ। ਤੁਹਾਨੂੰ ਦੱਸ ਦਈਏ ਕੇਂਦਰ ਸਰਕਾਰ ਨੇ ਗੈਸ ਏਜੰਸੀਆਂ ਤੋਂ ਕੇਵਾਈਸੀ ਦੇ ਤਹਿਤ ਆਧਾਰ ਨੰਬਰ ਜਮ੍ਹਾ ਨਹੀਂ ਕਰਣ ਵਾਲੇ ਅਤੇ ਗਿਵ ਇਟ ਅਪ ਸਕਿਮ ਨੂੰ ਅਪਨਾਉਣ ਵਾਲੇ ਲੋਕਾਂ ਦੀ ਜਾਣਕਾਰੀ ਮੰਗੀ ਹੈ।
ਗਿਵ ਇਟ ਅਪ ਅਪਨਾਉਣ ਵਾਲੇ ਗਾਹਕਾਂ ਨੂੰ ਕੇਵਾਈਸੀ ਇਸ ਲਈ ਪੂਰਾ ਕਰਨ ਲਈ ਕਿਹਾ ਗਿਆ ਹੈ ਤਾਂਕਿ ਫਰਜੀ ਗਾਹਕਾਂ ਦਾ ਕਨੈਕਸ਼ਨ ਬੰਦ ਕੀਤਾ ਜਾਵੇ ਅਤੇ ਅਸਲ ਗਾਹਕਾਂ ਨੂੰ ਗੈਸ ਸਿਲੰਡਰ ਆਸਾਨੀ ਨਾਲ ਮਿਲ ਸਕੇ। ਸਰਕਾਰ ਨੇ ਤਿੰਨ ਸਾਲ ਪਹਿਲਾਂ ਗੈਸ ਕਨੈਕਸ਼ਨਾਂ ਨੂੰ ਬੈਂਕ ਖਾਂਤੇ ਨਾਲ ਜੋੜਨ ਦੀ ਯੋਜਨਾ ਸ਼ੁਰੂ ਕੀਤੀ ਸੀ, ਤਾਂਕਿ ਸਬਸਿਡੀ ਦਾ ਮੁਨਾਫ਼ਾ ਸਿੱਧੇ ਲਾਭਾਰਥੀ ਨੂੰ ਮਿਲ ਸਕੇ ਪਰ 3 ਸਾਲ ਬਾਅਦ ਵੀ ਬਹੁਤ ਸਾਰੇ ਲੋਕਾਂ ਨੇ ਆਪਣੇ ਕੇਵਾਈਸੀ ਅਪਡੇਟ ਨਹੀਂ ਕੀਤੇ ਹਨ ਅਤੇ ਇਹ ਲੋਕ ਗੈਸ ਸਬਸਿਡੀ ਦਾ ਮੁਨਾਫ਼ਾ ਵੀ ਨਹੀਂ ਉਠਾ ਪਾ ਰਹੇ ਹਨ।
ਇਸ ਤੋਂ ਇਲਾਵਾ ਅਜਿਹੇ ਲੋਕ ਵੀ ਸਬਸਿਡੀ ਦਾ ਫਾਇਦਾ ਲੈ ਰਹੇ ਹਨ ਜਿਨ੍ਹਾਂ ਦੀ ਇਨਕਮ 10 ਲੱਖ ਰੁਪਏ ਸਾਲਾਨਾ ਤੋਂ ਜਿਆਦਾ ਹੈ। ਜਿਨ੍ਹਾਂ ਲੋਕਾਂ ਨੇ ਕੇਵਾਈਸੀ ਅਪਡੇਟ ਨਹੀਂ ਕੀਤਾ ਹੈ ਉਨ੍ਹਾਂ ਵਿਚ ਸਭ ਤੋਂ ਜ਼ਿਆਦਾ ਦਿੱਲੀ, ਉੱਤਰ ਪ੍ਰਦੇਸ਼ ਅਤੇ ਮਹਾਰਾਸ਼ਟਰ ਦੇ ਲੋਕ ਸ਼ਾਮਿਲ ਹਨ। ਕੇਵਾਈਸੀ ਲਈ ਤੁਸੀਂ ਆਧਾਰ, ਡਰਾਇਵਿੰਗ ਲਾਇਸੈਂਸ, ਲੀਜ ਐਗਰੀਮੈਂਟ, ਵੋਟਰ ਆਈਡੀ, ਟੇਲੀਫੋਨ/ਇਲੇਕਟਰਿਸਿਟੀ/ਵਾਟਰ ਬਿਲ, ਪਾਸਪੋਰਟ, ਰਾਸ਼ਨ ਕਾਰਡ, ਫਲੈਟ ਅਲਾਟਮੈਂਟ ਅਤੇ ਪਜੇਸ਼ਨ ਲੇਟਰ, ਐਲਆਈਸੀ ਪਾਲਿਸੀ, ਬੈਂਕ/ਕਰੇਡਿਟ ਕਾਰਡ ਦੀ ਸਟੇਟਮੈਂਟ ਆਦਿ ਦੇ ਸਕਦੇ ਹਨ।