Cbi files case against 4 officials of mahanadi coalfields and 25 companies

ਨਵੀਂ ਦਿੱਲੀ: ਅਡਾਨੀ ਗਰੁੱਪ ਦੀ ਮੁੱਖ ਕੰਪਨੀ ਅਡਾਨੀ ਇੰਟਰਪ੍ਰਾਈਜੇਸ ਲਿਮਿਟੇਡ ਤੇ ਸੀਬੀਆਈ ਨੇ ਮੁਕੱਦਮਾ ਦਰਜ ਕੀਤਾ ਹੈ। ਇਹ ਮਾਮਲਾ 2010 ਵਿਚ ਆਯਾਤ ਕੀਤੇ ਗਏ ਕੋਲੇ ਦੀ ਸਪਲਾਈ ਦੇ ਠੇਕੇ ਨੂੰ ਲੈ ਕੇ ਦਰਜ ਕੀਤਾ ਗਿਆ ਹੈ। ਕੰਪਨੀ ਤੇ ਧੋਖਾਧੜੀ ਦਾ ਆਰੋਪ ਲਗਾਇਆ ਗਿਆ ਹੈ।

ਸੀਬੀਆਈ ਦੀ ਐਫਆਈਆਰ ਵਿਚ ਅਡਾਨੀ ਇੰਟਰਪ੍ਰਾਈਜੇਸ ਲਿਮਿਟੇਡ ਦੇ ਨਾਲ-ਨਾਲ ਨੈਸ਼ਨਲ ਕੋਆਪਰੇਟਿਵ ਕੰਜ਼ਿਊਮਰ ਫੈਡਰੇਸ਼ਨ ਆਫ ਇੰਡੀਆ ਲਿਮਿਟੇਡ ਦੇ ਤਿੰਨ ਸੀਨੀਅਰ ਅਧਿਕਾਰੀਆਂ ਦੇ ਨਾਮ ਵੀ ਦਰਜ ਹਨ। ਅਧਿਕਾਰੀਆਂ ਤੇ ਕਥਿਤ ਭ੍ਰਿਸ਼ਟਾਚਾਰ ਨੂੰ ਲੈ ਕੇ ਮੁਕੱਦਮਾ ਦਰਜ ਕੀਤਾ ਗਿਆ ਹੈ।

ਸੀਬੀਆਈ ਦੇ ਅਧਿਕਾਰੀਆਂ ਨੇ ਦਸਿਆ ਕਿ ਇਹ ਮਾਮਲਾ ਆਂਧਰਾ ਪ੍ਰਦੇਸ਼ ਪਾਵਰ ਜੈਨਰੇਸ਼ਨ ਕਾਰਪੋਰੇਸ਼ਨ ਨੂੰ ਆਯਾਤ ਕੋਇਲੇ ਦੀ ਸਪਲਾਈ ਕਰਨ ਦੇ ਠੇਕੇ ਵਿਚ ਭ੍ਰਿਸ਼ਟਾਚਾਰ ਦੇ ਆਰੋਪਾਂ ਨਾਲ ਜੁੜਿਆ ਹੈ। ਸੀਬੀਆਈ ਮੁਤਾਬਕ ਅਡਾਨੀ ਇੰਟਰਪ੍ਰਾਈਜੇਸ ਨੂੰ ਨਾ ਸਿਰਫ ਟੈਂਡਰ ਦੀਆਂ ਸ਼ਰਤਾਂ ਦਾ ਉਲੰਘਣ ਕਰ ਕੇ ਠੇਕਾ ਦਿੱਤਾ ਗਿਆ ਸੀ ਬਲਕਿ NCCF ਦੇ ਅਧਿਕਾਰੀਆਂ ਨੇ ਦੂਜੀਆਂ ਕੰਪਨੀਆਂ ਦੁਆਰਾ ਲਗਾਈ ਗਈ ਕੀਮਤ ਦੀ ਜਾਣਕਾਰੀ ਵੀ ਅਡਾਨੀ ਗਰੁੱਪ ਤਕ ਪਹੁੰਚਾਈ।

ਅਧਿਕਾਰੀਆਂ ਨੇ ਦਸਿਆ ਕਿ ਸੀਬੀਆਈ ਨੇ ਆਰੋਪਾਂ ਦੀ ਸ਼ੁਰੂਆਤੀ ਜਾਂਚ ਤੋਂ ਬਾਅਦ ਬੁੱਧਵਾਰ ਨੂੰ ਇਸ ਮਾਮਲੇ ਦੀ ਐਫਆਈਆਰ ਦਰਜ ਕੀਤੀ ਹੈ। ਜਾਂਚ ਏਜੰਸੀ ਨੇ ਅਡਾਨੀ ਐਂਟਰਪ੍ਰਾਈਜਜ਼, ਉਸ ਵੇਲੇ ਦੇ ਐਨਸੀਸੀਐਫ ਦੇ ਚੇਅਰਮੈਨ ਵਰਿੰਦਰ ਸਿੰਘ ਅਤੇ ਤਤਕਾਲੀ ਪ੍ਰਬੰਧ ਨਿਰਦੇਸ਼ਕ ਜੀਪੀ ਗੁਪਤਾ ਅਤੇ ਤਤਕਾਲੀ ਸੀਨੀਅਰ ਸਲਾਹਕਾਰ ਐਸ ਸੀ ਸਿੰਗਲ ਨੂੰ ਭ੍ਰਿਸ਼ਟਾਚਾਰ ਰੋਕੂ ਐਕਟ ਦੀਆਂ ਧਾਰਾਵਾਂ ਅਤੇ ਆਈਪੀਸੀ ਦੀਆਂ ਧਾਰਾਵਾਂ ਤਹਿਤ ਧੋਖਾਧੜੀ ਅਤੇ ਅਪਰਾਧਿਕ ਸਾਜ਼ਿਸ਼ਾਂ ਦੇ ਦੋਸ਼ਾਂ ਤਹਿਤ ਦਾਇਰ ਕੀਤੇ ਕੇਸ ਵਿੱਚ ਨਾਮਜ਼ਦ ਕੀਤਾ ਹੈ।

ਅਡਾਨੀ ਐਂਟਰਪ੍ਰਾਈਜ਼ ਲਿਮਟਿਡ ਨੇ ਫਿਲਹਾਲ ਐਫਆਈਆਰ ਦਾ ਜਵਾਬ ਨਹੀਂ ਦਿੱਤਾ। ਸੀ ਬੀ ਆਈ ਨੇ ਕਿਹਾ ਹੈ ਕਿ ਜਿਸ ਢੰਗ ਨਾਲ ਐਨਸੀਸੀਐਫ ਦੇ ਅਧਿਕਾਰੀਆਂ ਨੇ ਆਪਣਾ ਕੰਮ ਘਟਾ ਦਿੱਤਾ ਹੈ, ਉਹ ਲੱਗਦੇ ਹਨ ਕਿ ਸਰਕਾਰੀ ਕਰਮਚਾਰੀ ਹੋਣ ਦੇ ਨਾਤੇ ਉਨ੍ਹਾਂ ਦੀ ਜ਼ਿੰਮੇਵਾਰੀ ਨੂੰ ਸਹੀ ਤਰੀਕੇ ਨਾਲ ਪੂਰਾ ਨਹੀਂ ਕੀਤਾ ਗਿਆ ਹੈ ਅਤੇ ਉਨ੍ਹਾਂ ਨੇ ਕੰਪਨੀ ਨਾਲ ਸਾਜਿਸ਼ ਰਚੀ ਹੈ।

ਐਫਆਈਆਰ ਵਿੱਚ ਕਿਹਾ ਗਿਆ ਹੈ ਕਿ ਅਧਿਕਾਰੀਆਂ ਨੇ ਬੋਲੀਕਾਰਾਂ ਦੀ ਚੋਣ ਵਿੱਚ ਹੇਰਾਫੇਰੀ ਕੀਤੀ ਅਤੇ ਅਯੋਗ ਅਡਾਨੀ ਐਂਟਰਪ੍ਰਾਈਜਜ ਨੂੰ ਗਲਤ ਤਰੀਕੇ ਨਾਲ ਠੇਕੇਦਾਰੀ ਦਿੱਤੀ। ਆਂਧਰਾ ਪ੍ਰਦੇਸ਼ ਪਾਵਰ ਜਨਰੇਸ਼ਨ ਕਾਰਪੋਰੇਸ਼ਨ ਨੇ 29 ਜੂਨ 2010 ਨੂੰ ਨਾਰਲਾ ਟਾਟਾ ਰਾਓ ਥਰਮਲ ਪਾਵਰ ਪਲਾਂਟ, ਵਿਜੇਵਾੜਾ ਅਤੇ ਰਿਆਲਸੀਮਾ ਥਰਮਲ ਪਾਵਰ ਪਲਾਂਟ, ਕੜੱਪਾ ਨੂੰ 6 ਲੱਖ ਟਨ ਦਰਾਮਦ ਕੋਇਲੇ ਦੀ ਸਪਲਾਈ ਲਈ ਸੀਮਤ ਟੈਂਡਰ ਜਾਰੀ ਕੀਤੇ ਸਨ। ਇਹ ਕੋਲਾ ਬੰਦਰਗਾਹ ਰਾਹੀਂ ਆਉਣਾ ਸੀ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ।