ਨਵੀਂ ਦਿੱਲੀ : ਜੇਕਰ ਤੁਸੀ ਵੀ ਹੋਲੀ ਤੇ ਘਰ ਜਾਣ ਲਈ ਹੁਣ ਤੱਕ ਟਿਕਟ ਲਈ ਟਰਾਈ ਕਰ ਰਹੇ ਹੋ ਤਾਂ ਇਹ ਖਬਰ ਤੁਹਾਨੂੰ ਜਰੂਰ ਰਾਹਤ ਦੇਵੇਗੀ। ਹੋਲੀ ਤੇ ਯਾਤਰੀਆਂ ਦੀ ਵਧਦੀ ਗਿਣਤੀ ਨੂੰ ਧਿਆਨ ਵਿਚ ਰੱਖ ਕੇ ਤੇ ਜ਼ਿਆਦਾ ਭੀੜ ਦੇ ਦਬਾਅ ਨੂੰ ਘੱਟ ਕਰਨ ਲਈ ਰੇਲਵੇ ਨੇ ਹੋਲੀ ਵਿਸ਼ੇਸ਼ ਏਸੀ ਟ੍ਰੇਨ ਚਲਾਉਣ ਦਾ ਫੈਸਲਾ ਕੀਤਾ ਹੈ। ਯਾਤਰੀਆਂ ਦੀਆਂ ਸਹੂਲਤਾਂ ਲਈ ਇਸ ਟ੍ਰੇਨ ਨੂੰ ਬਾਂਦਰਾ ਟਰਮਿਨਸ ਤੇ ਪਾਲਿਤਾਨਾ ਦੇ ਵਿਚ ਹੋਲੀ ਵਿਸ਼ੇਸ਼ ਏਸੀ ਟ੍ਰੇਨ ਦੇ ਦੋ ਗੇੜੇ ਵਿਸ਼ੇਸ਼ ਕਿਰਾਏ ਦੇ ਨਾਲ ਚਲਾਉਣ ਦਾ ਫ਼ੈਸਲਾ ਲਿਆ ਗਿਆ ਹੈ।     

ਰੇਲ ਮੰਤਰਾਲਾ ਦੁਆਰਾ ਟ੍ਰੇਨ ਨੰਬਰ 14803 / 14804 ਭਗਤ ਦੀ ਕੌਠੀ - ਅਹਿਮਦਾਬਾਦ (ਹਫ਼ਤਾਵਾਰ) ਐਕਸਪ੍ਰੈਸ ਨੂੰ 01 ਮਾਰਚ 2019 ਤੋਂ ਉੱਤਰ ਪੱਛਮ ਰੇਲਵੇ ਦੇ ਜੋਧਪੁਰ ਮੰਡਲ ਦੇ ਦੂੰਦਾਰਾ ਸਟੇਸ਼ਨ ਤੇ ਪ੍ਰਾਯੋਗਿਕ ਤੌਰ ਤੇ ਅਗਲੇ ਛੇ ਮਹੀਨੇ ਲਈ ਸਟੋਪੇਜ ਮੁਹੱਈਆ ਕੀਤਾ ਜਾ ਰਿਹਾ ਹੈ। ਯਾਤਰੀਆਂ ਦੀ ਸਹੂਲਤ ਲਈ ਪੱਛਮ ਰੇਲਵੇ ਵੱਲੋ ਟ੍ਰੇਨ ਨੰਬਰ 22927 / 22928 ਬਾਂਦਰਾ ਟਰਮਿਨਸ - ਅਹਿਮਦਾਬਾਦ ਲੋਕਸ਼ਕਤੀ ਐਕਸਪ੍ਰੈਸਟ੍ਰੇਨ ਨੂੰ 24 ਫਰਵਰੀ, 2019 ਤੋਂ ਪ੍ਰਯੋਗਾਤਮਕ ਤੌਰ ਤੇ 6 ਮਹੀਨਿਆਂ ਲਈ ਉਮਬਰਗਾਂਵ ਸਟੇਸ਼ਨ ਤੇ ਠਹਿਰਾਅ ਮੁਹੱਈਆ ਕਰਨ ਦਾ ਫ਼ੈਸਲਾ ਲਿਆ ਗਿਆ ਹੈ।

ਬਾਂਦਰਾ ਤੋਂ ਅਹਿਮਦਾਬਾਦ ਲਈ ਚੱਲਣ ਤੇ ਇਹ ਗੱਡੀ ਲਗਪਗ 10.16 ਵਜੇ ਰਾਤ ਉਮਬਰਗਾਂਵ ਪਹੁੰਚੇਗੀ। ਇੱਥੋਂ ਇਹ ਗੱਡੀ ਦੋ ਮਿੰਟ ਰੁਕਣ ਤੋਂ ਬਾਅਦ 10.18 ਵਜੇ ਚੱਲੇਗੀ, ਉਥੇ ਹੀ ਅਹਿਮਦਾਬਾਦ ਤੋਂ ਚੱਲਣ ਤੇ ਇਹ ਗੱਡੀ ਦੁਪਹਿਰ 3.21 ਵਜੇ ਇਸ ਸਟੇਸ਼ਨ ਤੇ ਪਹੁੰਚੇਗੀ ਤੇ ਦੋ ਮਿੰਟ ਦੇ ਸਟਾਪੇਜ ਤੋਂ ਬਾਅਦ 3.23 ਵਜੇ ਚੱਲੇਗੀ।