ਅਗਲੇ ਚਾਰ ਸਾਲ 'ਚ ਭਾਰਤ ਕੁਦਰਤੀ ਗੈਸ ਦਾ ਉਤਪਾਦਨ ਕਰੇਗਾ ਦੁੱਗਣਾ
ਭਾਰਤ 2022 ਤੱਕ ਕੁਦਰਤੀ ਗੈਸ ਉਤਪਾਦਨ ਦਾ ਦੁੱਗਣਾ ਕਰੇਗਾ ਤਾਕਿ ਆਯਾਤ 'ਤੇ ਨਿਰਭਰਤਾ ਘੱਟ ਕੀਤੀ ਜਾ ਸਕੇ। ਹਾਈਡ੍ਰੋਕਾਰਬਨ ਖੇਤਰ ਵਿਚ ਮ...
ਸਿੰਗਾਪੁਰ : (ਪੀਟੀਆਈ) ਭਾਰਤ 2022 ਤੱਕ ਕੁਦਰਤੀ ਗੈਸ ਉਤਪਾਦਨ ਦਾ ਦੁੱਗਣਾ ਕਰੇਗਾ ਤਾਕਿ ਆਯਾਤ 'ਤੇ ਨਿਰਭਰਤਾ ਘੱਟ ਕੀਤੀ ਜਾ ਸਕੇ। ਹਾਈਡ੍ਰੋਕਾਰਬਨ ਖੇਤਰ ਵਿਚ ਮਹਾਨਿਰਦੇਸ਼ਕ ਵੀਪੀ ਜਾਵੇ ਨੇ ਸ਼ੁਕਰਵਾਰ ਨੂੰ ਇਸ ਟਿਚੇ ਨੂੰ ਸਾਹਮਣੇ ਰੱਖਿਆ। ਸਿੰਗਾਪੁਰ ਵਿਚ ਨਿਵੇਸ਼ਕਾਂ ਨੂੰ ਬੁਲਾਉਂਦੇ ਹੋਏ ਜਾਯ ਨੇ ਕਿਹਾ ਕਿ ਤੇਲ ਅਤੇ ਗੈਸ ਦਾ ਭਾਰੀ ਮਾਤਰਾ ਵਿਚ ਆਯਾਤ ਮਾਲੀ ਹਾਲਤ ਲਈ ਮੁਸ਼ਕਲਾਂ ਖੜੀ ਕਰ ਰਿਹਾ ਹੈ। ਇਸ ਲਈ ਗੈਸ ਉਤਪਾਦਨ 22 ਬਿਲੀਅਨ ਕਿਊਬਿਕ ਮੀਟਰ ਤੋਂ 60 ਕਿਊਬਿਕ ਮੀਟਰ ਕਰਨ ਦਾ ਟੀਚਾ ਰੱਖਿਆ ਗਿਆ ਹੈ।
ਉਨ੍ਹਾਂ ਨੇ ਕਿਹਾ ਕਿ ਭਾਰਤ ਅਗਲੇ ਤਿੰਨ ਤੋਂ ਪੰਜ ਸਾਲ ਵਿਚ ਡੂੰਘੇ ਪਾਣੀ ਅਤੇ ਬਹੁਤ ਦੂਰ ਕਿਨਾਰੀ ਖੇਤਰ ਵਿਚ ਗੈਸ ਉਤਪਾਦਨ ਵਧਾਉਣ ਲਈ ਦੋ ਅਰਬ ਡਾਲਰ ਖਰਚ ਕਰੇਗਾ। ਅਧਿਕਾਰੀ ਨੇ ਕਿਹਾ ਕਿ ਭਾਰਤ ਵਿਚ ਕੁਦਰਤੀ ਗੈਸ ਦੀ ਖਪਤ ਵੀ ਤੇਜੀ ਨਾਲ ਵੱਧ ਰਹੀ ਹੈ ਅਤੇ ਮੰਗ ਨੂੰ ਪੂਰਾ ਕਰਨ ਲਈ ਵੀ ਉਤਪਾਦਨ ਵਿਚ ਵਾਧਾ ਜ਼ਰੂਰੀ ਹੈ। ਭਾਰਤ ਇਸ ਲਈ ਤੇਲ ਦੇ ਰਣਨੀਤਿਕ ਭੰਡਾਰ ਨੂੰ ਵੀ ਵਧਾਉਣ ਵਿਚ ਲਗਿਆ ਹੈ। ਭਾਰਤ ਚੀਨ, ਅਮਰੀਕਾ ਅਤੇ ਰੂਸ ਤੋਂ ਬਾਅਦ ਦੁਨੀਆਂ ਵਿਚ ਚੌਥਾ ਸੱਭ ਤੋਂ ਵੱਡਾ ਤੇਲ - ਗੈਸ ਦਾ ਖਪਤਕਾਰ ਹੈ।
ਉਸ ਨੇ 2022 ਤੱਕ ਕੁਦਰਤੀ ਗੈਸ ਉਤਪਾਦਨ ਵਿਚ 15 ਫ਼ੀ ਸਦੀ ਹਿਸੇਦਾਰੀ ਦਾ ਟੀਚਾ ਹੈ। ਭਾਰਤ ਦਾ ਕੋਲਾ ਆਧਾਰਿਤ ਮੀਥੇਨ ਉਤਪਾਦਨ ਵੀ ਅਗਲੇ ਚਾਰ ਤੋਂ ਪੰਜ ਸਾਲ ਵਿਚ ਅਜੋਕੇ 20 ਲੱਖ ਕਿਊਬਿਕ ਮੀਟਰ ਪ੍ਰਤੀ ਦਿਨ ਤੋਂ 50 ਲੱਖ ਕਿਊਬਿਕ ਮੀਟਰ ਪ੍ਰਤੀ ਦਿਨ ਹੋਣ ਦਾ ਅੰਦਾਜ਼ਾ ਹੈ। ਭਾਰਤ ਅਗਲੇ ਚਾਰ ਪੰਜ ਸਾਲ ਵਿਚ ਖੁਦਾਈ ਦੇ 120 ਨਵੇਂ ਖੂਹਾਂ ਤੋਂ ਡ੍ਰਿਲਿੰਗ ਵੀ ਸ਼ੁਰੂ ਕਰੇਗਾ।