Big Sale

ਨਵੀਂ ਦਿੱਲੀ: ਤਿਉਹਾਰੀ ਸੀਜ਼ਨ ਤੋਂ ਪਹਿਲਾਂ ਈ-ਕਾਮਰਸ ਦਿੱਗਜਾਂ ਦੀ ਸ਼ੁਰੂ ਹੋ ਰਹੀ ਵੱਡੀ ਸੇਲ 'ਚ ਲੱਖਾਂ ਗਾਹਕਾਂ ਨੂੰ ਡਿਸਕਾਊਂਟ 'ਤੇ ਪਸੰਦੀਦਾ ਸਮਾਨ ਖਰੀਦਣ ਦਾ ਮੌਕਾ ਮਿਲਣ ਜਾ ਰਿਹਾ ਹੈ। ਫਲਿੱਪਕਾਰਟ ਤੇ ਐਮਾਜ਼ੋਨ ਦੀ ਆਨਲਾਈਨ ਸੇਲ ਦਾ ਸਾਲਾਨਾ ਜਲਸਾ ਸ਼ਨੀਵਾਰ ਰਾਤ 12 ਵਜੇ ਤੋਂ ਸ਼ੁਰੂ ਹੋ ਜਾਵੇਗਾ। ਇਨ੍ਹਾਂ ਦੋਹਾਂ ਵੱਲੋਂ ਇਕੋ ਹੀ ਸਮੇਂ ਸ਼ੁਰੂ ਕੀਤੀ ਜਾ ਰਹੀ ਸੇਲ 4 ਅਕਤੂਬਰ ਤਕ ਚੱਲੇਗੀ।

ਫਲਿੱਪਕਾਰਟ 29 ਸਤੰਬਰ ਨੂੰ ਫੈਸ਼ਨ, ਟੀ. ਵੀ, ਘਰੇਲੂ ਸਜਾਵਟੀ ਸਮਾਨ ਤੇ ਫਰਨੀਚਰ, ਸਪੋਰਟਸ ਸਮਾਨ, ਖਿਡੌਣੇ, ਕਿਤਾਬਾਂ, ਸਮਾਰਟ ਡਿਵਾਈਸ, ਪਰਸਨਲ ਕੇਅਰ ਵਰਗੇ ਪ੍ਰਾਡਕਟਸ ਦੀ ਸੇਲ ਲਾਉਣ ਜਾ ਰਿਹਾ ਹੈ। 30 ਸਤੰਬਰ ਨੂੰ ਮੋਬਾਇਲ ਤੇ ਇਲੈਕਟ੍ਰਾਨਿਕ ਸਮਾਨਾਂ 'ਤੇ ਡਿਸਕਾਊਂਟ ਦਿੱਤਾ ਜਾਵੇਗਾ। ਡੈਬਟਿ, ਕ੍ਰੈਡਿਟ ਕਾਰਡ ਧਾਰਕਾਂ ਲਈ ਇਹ ਸੇਲ ਹੋਰ ਵੀ ਸ਼ਾਨਦਾਰ ਰਹਿਣ ਵਾਲੀ ਹੈ।

ਐਮਾਜ਼ੋਨ ਪ੍ਰਾਈਮ ਯੂਜ਼ਰਸ ਲਈ ਸ਼ਨੀਵਾਰ ਦੁਪਹਿਰ 12 ਵਜੇ ਤੋਂ ਹੀ ਸੇਲ ਓਪਨ ਹੋ ਜਾਵੇਗੀ। ਉੱਥੇ ਹੀ, ਫਲਿੱਪਕਾਰਟ ਪਲੱਸ ਗਾਹਕਾਂ ਰਾਤ 8 ਵਜੇ ਤੋਂ ਇਸ ਸੇਲ ਤਹਿਤ ਖਰੀਦਦਾਰੀ ਕਰ ਸਕਦੇ ਹਨ। ਐਮਾਜ਼ੋਨ ਭਾਰਤੀ ਸਟੇਟ ਬੈਂਕ ਦੇ ਡੈਬਿਟ ਤੇ ਕ੍ਰੈਡਿਟ ਕਾਰਡ ਨਾਲ ਸ਼ਾਪਿੰਗ ਕਰਨ ਵਾਲੇ ਗਾਹਕਾਂ ਨੂੰ 10 ਫੀਸਦੀ ਹੋਰ ਵਾਧੂ ਛੋਟ ਦੇਣ ਜਾ ਰਿਹਾ ਹੈ।

ਸਮਾਰਟ ਫੋਨਾਂ ਤੋਂ ਲੈ ਕੇ ਫਰਿੱਜਾਂ, ਟੀ. ਵੀ. ਅਤੇ ਹੋਰ ਕਈ ਸਾਰੇ ਪ੍ਰਾਡਕਟਸ 'ਤੇ ਲੱਗਣ ਵਾਲੀ ਇਸ ਮਹਾਸੇਲ 'ਚ ਗਾਹਕ ਪਸੰਦੀਦਾ ਦਾ ਸਮਾਨ ਡਿਸਕਾਊਂਟ 'ਤੇ ਖਰੀਦ ਸਕਦੇ ਹਨ। ਡਲਿਵਰੀ ਨੂੰ ਸਮੇਂ 'ਤੇ ਪਹੁੰਚਾਉਣ ਲਈ ਇਨ੍ਹਾਂ ਦਿੱਗਜਾਂ ਨੇ ਕਈ ਕਰਮਚਾਰੀ ਤਿਉਹਾਰੀ ਸੀਜ਼ਨ ਤਕ ਲਈ ਰੱਖੇ ਹਨ।