SBI

ਨਵੀਂ ਦਿੱਲੀ- ਜੇ ਤੁਹਾਡੇ ਕੋਲ ਐਸਬੀਆਈ ਦਾ ਡੈਬਿਟ ਕਾਰਡ ਹੈ, ਤਾਂ ਇਸ ਖ਼ਬਰ ਨੂੰ ਪੜ੍ਹਨਾ ਬਹੁਤ ਜ਼ਰੂਰੀ ਹੈ। ਕਿਉਂਕਿ 1 ਜੁਲਾਈ ਤੋਂ ਬੈਂਕ ਦੇ ਏਟੀਐਮਜ਼ ਤੋਂ ਕੈਸ਼ ਕਢਵਾਉਣ ਦੇ ਨਿਯਮ ਬਦਲ ਗਏ ਹਨ। ਇਹ ਇਸ ਲਈ ਹੈ ਕਿਉਂਕਿ ਤਾਲਾਬੰਦੀ ਦੇ ਸਮੇਂ ਏਟੀਐਮ ਤੋਂ ਕੈਸ਼ ਕਢਵਾਉਣ ਦੇ ਨਿਯਮਾਂ ਨੂੰ ਬਦਲ ਦਿੱਤਾ ਗਿਆ ਸੀ। ਇਹ ਮਿਆਦ 30 ਜੂਨ 2020 ਨੂੰ ਖ਼ਤਮ ਹੋ ਗਈ ਹੈ। ਹੁਣ ਐਸਬੀਆਈ ਨੇ ਏਟੀਐਮ ਤੋਂ ਦੁਬਾਰਾ ਕੈਸ਼ ਕਢਵਾਉਣ ਲਈ ਨਿਯਮਾਂ ਵਿੱਚ ਤਬਦੀਲੀ ਕੀਤੀ ਹੈ। ਐਸਬੀਆਈ ਖਾਤਾ ਧਾਰਕ ਜਿਨ੍ਹਾਂ ਦੀ ਔਸਤਨ ਮਾਸਿਕ ਬਕਾਇਆ 25000 ਰਹਿੰਦਾ ਹੈ ਉਹ ਬੈਂਕ ਸ਼ਾਖਾ ਤੋਂ 8 ਵਾਰ ਮੁਫਤ ਕੈਸ਼ ਕਢਵਾ ਸਕਦੇ ਹਨ। ਜਿਸ ਵਿੱਚ

ਐਸਬੀਆਈ ਏਟੀਐਮ ਤੋਂ 5 ਵਾਰ ਅਤੇ ਹੋਰ ਏਟੀਐਮ ਤੋਂ 3 ਵਾਰ ਪੈਸੇ ਕਢਵਾਏ ਜਾ ਸਕਦੇ ਹਨ। 
25000 ਤੋਂ 50000 ਦੇ ਔਸਤਨ ਬਕਾਏ ਵਾਲੇ ਖਾਤਾ ਧਾਰਕ 10 ਵਾਰ ਮੁਫਤ ਕੈਸ਼ ਕਢਵਾ ਸਕਦੇ ਹਨ। 
50000 ਰੁਪਏ ਤੋਂ ਲੈ ਕੇ 1,00,000 ਰੁਪਏ ਤਕ ਦੇ ਔਸਤਨ ਬਕਾਏ ਵਾਲੇ ਖਾਤਾ ਧਾਰਕ 8 ਵਾਰ ਬੈਂਕ ਸ਼ਾਖਾ ਤੋਂ ਮੁਫਤ ਕੈਸ਼ ਲੈ ਸਕਦੇ ਹਨ।

1,00,000 ਰੁਪਏ ਤੋਂ ਵੱਧ ਔਸਤਨ ਬਕਾਏ ਵਾਲੇ ਖਾਤਾਧਾਰਕਾਂ ਨੂੰ ਬੈਂਕ ਸ਼ਾਖਾ ਤੋਂ ਕੈਸ਼ ਕਢਵਾਉਣ ਦੇ ਲਈ ਕੋਈ ਪਾਬੰਧੀ ਨਹੀਂ ਹੈ। 
ਐਸਬੀਆਈ ਮੁਫ਼ਤ ਸੀਮਾ ਤੋਂ ਬਾਅਦ ਕੈਸ਼ ਕਢਵਾਉਣ 'ਤੇ 5 ਤੋਂ 8 ਰੁਪਏ ਅਤੇ ਜੀਐਸਟੀ ਲੈਂਦਾ ਹੈ। ਸਟੇਟ ਬੈਂਕ ਆਫ਼ ਇੰਡੀਆ (ਐਸਬੀਆਈ) sbi.co.in ਦੀ ਅਧਿਕਾਰਤ ਵੈਬਸਾਈਟ 'ਤੇ ਉਪਲਬਧ ਜਾਣਕਾਰੀ ਦੇ ਅਨੁਸਾਰ, ਮੈਟਰੋ ਸ਼ਹਿਰਾਂ ਵਿਚ, ਐਸਬੀਆਈ ਆਪਣੇ ਨਿਯਮਤ ਬਚਤ ਖਾਤਾ ਧਾਰਕਾਂ ਨੂੰ ਇੱਕ ਮਹੀਨੇ ਵਿੱਚ 8 ਮੁਫਤ ਟ੍ਰਾਂਜੈਕਸ਼ਨ ਕਰਨ ਦੀ ਆਗਿਆ ਦਿੰਦਾ ਹੈ। ਇਸ ਤੋਂ ਇਲਾਵਾ, ਗਾਹਕਾਂ ਤੋਂ ਹਰ ਲੈਣ-ਦੇਣ 'ਤੇ ਖਰਚਾ ਆਉਂਦਾ ਹੈ।

ਇਨ੍ਹਾਂ 8 ਟ੍ਰਾਜੈਕਸ਼ਨਸ ਵਿਚੋਂ 5 ਟ੍ਰਾਂਜੈਕਸ਼ਨ ਐਸਬੀਆਈ ਏ ਟੀ ਐਮ ਤੋਂ ਕੀਤੇ ਜਾ ਸਕਦੇ ਹਨ ਅਤੇ ਬਾਕੀ 3 ਟ੍ਰਾਂਜੈਕਸ਼ਨ ਦੂਜੇ ਏਟੀਐਮ ਤੋਂ ਮੁਫਤ ਕੀਤੇ ਜਾ ਸਕਦੇ ਹਨ। ਗੈਰ ਮੈਟਰੋ ਸ਼ਹਿਰਾਂ ਵਿਚ 10 ਮੁਫਤ ਏਟੀਐਮ ਟ੍ਰਾਂਜੈਕਸ਼ਨ ਹਨ, ਜਿਸ ਵਿਚ ਐਸਬੀਆਈ ਅਤੇ ਹੋਰ ਬੈਂਕਾਂ ਤੋਂ 5-5 ਟ੍ਰਾਂਜੈਕਸ਼ਨ ਕੀਤੇ ਜਾ ਸਕਦੇ ਹਨ।