Chairperson of Delhi Women's Commission Swati Jaihind

ਨਵੀਂ ਦਿੱਲੀ : ਮਨੁੱਖ ਤਸਕਰੀ ਨੂੰ ਲੈ ਕੇ ਦਿੱਲੀ ਮਹਿਲਾ ਕਮਿਸ਼ਨ ਕਾਫ਼ੀ ਸਰਗਰਮ ਹੈ। ਅੱਧੀ ਰਾਤ ਨੂੰ ਕਮਿਸ਼ਨ ਦੀ ਪ੍ਰਧਾਨ ਸਵਾਤੀ ਜੈਹਿੰਦ ਨੇ ਪਹਾੜਗੰਜ ਦੇ ਇਕ ਹੋਟਲ ਤੋਂ 39 ਕੁੜੀਆਂ ਨੂੰ ਰਿਹਾਅ ਕਰਵਾਇਆ ਗਿਆ। ਜਿਨ੍ਹਾਂ ਨੂੰ ਦੇਹ ਵਪਾਰ ਦੇ ਦਲਦਲ ਵਿਚ ਧਕੇਲਣ ਲਈ ਨੇਪਾਲ ਤੋਂ ਲਿਆਇਆ ਗਿਆ ਸੀ। ਇਸ ਤੋਂ ਪਹਿਲਾਂ ਮੰਗਲਵਾਰ ਨੂੰ ਹੀ ਦਿੱਲੀ ਦੇ ਮੈਦਾਨਗੜੀ ਇਲਾਕੇ ਤੋਂ ਵੀ 16 ਨੇਪਾਲੀ ਅਤੇ ਦੋ ਭਾਰਤੀ ਕੁੜੀਆਂ ਨੂੰ ਇਕ ਤਸਕਰ ਗਿਰੋਹ ਦੇ ਚੰਗੁਲ ਤੋਂ ਰਿਹਾਅ ਕਰਵਾਇਆ ਗਿਆ ਸੀ। ਇਨ੍ਹਾਂ 18 ਕੁੜੀਆਂ ਨੂੰ ਦੇਸ਼ ਤੋਂ ਬਾਹਰ ਭੇਜਣ ਦੀ ਤਿਆਰੀ ਚੱਲ ਰਹੀ ਸੀ।  

ਕੁੱਝ ਦਿਨ ਪਹਿਲਾਂ ਕਮਿਸ਼ਨ ਨੇ ਦਿੱਲੀ ਦੇ ਮੁਨੀਰਕਾ ਇਲਾਕੇ ਤੋਂ ਕਈ ਨੇਪਾਲੀ ਕੁੜੀਆਂ ਨੂੰ ਦੇਹ ਵਪਾਰ ਦੇ ਜਾਲ ਵਿਚ ਫਸਣ ਤੋਂ ਬਚਾਇਆ ਸੀ। ਇਸ ਦੇ ਨਾਲ ਇਕ ਹਫ਼ਤੇ ਵਿਚ ਕਮਿਸ਼ਨ ਵਲੋਂ 73 ਕੁੜੀਆਂ ਨੂੰ ਰਿਹਾਅ ਜਾ ਚੁੱਕਿਆ ਹੈ। ਮੰਗਲਵਾਰ ਸ਼ਾਮ ਬਨਾਰਸ ਪੁਲਿਸ ਨੇ ਦਿੱਲੀ ਮਹਿਲਾ ਕਮਿਸ਼ਨ ਦੀ ਮਦਦ ਨਾਲ ਮੈਦਾਨਗੜੀ ਦੇ ਘਰ ਵਿਚ ਛਾਪਾ ਮਾਰ ਕੇ 18 ਕੁੜੀਆਂ ਨੂੰ ਰਿਹਾਅ ਕਰਵਾਇਆ ਗਿਆ। ਜਿਸ ਘਰ ਤੋਂ ਇਨ੍ਹਾਂ ਨੂੰ ਰਿਹਾਅ ਕਰਵਾਇਆ ਗਿਆ,  ਉਥੇ ਤੋਂ 68 ਪਾਸਪੋਰਟ ਵੀ ਮਿਲੇ ਹਨ, ਜਿਨ੍ਹਾਂ ਵਿਚ 61 ਨੇਪਾਲੀ ਅਤੇ 7 ਭਾਰਤੀਆਂ ਦੇ ਹਨ। ਕੁੜੀਆਂ ਨੂੰ ਸ਼ੈਲਟਰ ਹੋਮ ਭੇਜ ਦਿਤਾ ਗਿਆ ਹੈ।  

ਦਿੱਲੀ ਮਹਿਲਾ ਕਮਿਸ਼ਨ ਦੀ ਚੇਅਰਪਰਸਨ ਸਵਾਤੀ ਜੈਹਿੰਦ ਨੇ ਦਸਿਆ ਕਿ ਮਨੁੱਖ ਤਸਕਰੀ ਦੇ ਇਸ ਮਾਮਲੇ ਵਿਚ ਬਨਾਰਸ ਪੁਲਿਸ ਨੇ ਕਮਿਸ਼ਨ ਨਾਲ ਸੰਪਰਕ ਕੀਤਾ ਗਿਆ। ਬਨਾਰਸ ਪੁਲਿਸ ਨੇ ਮੈਦਾਨਗੜੀ ਇਲਾਕੇ ਦੇ ਇਕ ਘਰ  ਦੇ ਆਲੇ ਦੁਆਲੇ ਦੋ-ਤਿੰਨ ਰੇਕੀ ਕੀਤੀ ਤੇ ਫਿਰ ਮੰਗਲਵਾਰ ਨੂੰ ਛਾਪਾ ਮਾਰ ਕੇ 18 ਕੁੜੀਆਂ ਰਿਹਾ ਕਰਵਾਇਆਂ ਗਈਆਂ। ਤਿੰਨ ਦੋਸ਼ੀਆਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ, ਜਿਨ੍ਹਾਂ ਵਿਚ ਇਕ ਕੁੜੀ ਹੈ। ਸਵਾਤੀ ਨੇ ਕਿਹਾ ਕਿ  ਸਾਰੀਆਂ 18 ਕੁੜੀਆਂ ਨੂੰ ਸਟੋਰ ਵਿਚ ਰਖਿਆ ਗਿਆ ਸੀ। ਇਨ੍ਹਾਂ ਕੁੜੀਆਂ ਨੂੰ ਦੇਹ ਵਪਾਰ ਲਈ ਖਾੜੀ ਦੇਸ਼ਾਂ ਵੱਲ ਭੇਜਣ ਦੀ ਤਿਆਰੀ ਸੀ।

ਇਨ੍ਹਾਂ ਵਿਚੋਂ 16 ਲੜਕੀਆਂ ਨੂੰ ਨੇਪਾਲ ਅਤੇ ਬਾਕੀ ਦੋ ਨੂੰ ਪੱਛਮ ਬੰਗਾਲ ਤੋਂ ਲਿਆਇਆ ਗਿਆ ਸੀ। ਇਹਨਾਂ ਦੀ ਉਮਰ 18 ਤੋਂ 30 ਸਾਲ ਦੇ ਵਿਚ ਹੈ। ਸਵਾਤੀ ਨੇ ਦਸਿਆ ਕਿ ਲੜਕੀਆਂ ਨੇ ਦਸਿਆ ਕਿ ਉਨ੍ਹਾਂ ਨੂੰ ਨੌਕਰੀ ਦਿਵਾਉਣ ਦੇ ਨਾਮ 'ਤੇ ਦਿੱਲੀ ਲਿਆਇਆ ਗਿਆ ਸੀ। ਉਨ੍ਹਾਂ ਨੇ ਦਸਿਆ ਕਿ ਉਹ ਨੇਪਾਲ ਦੇ ਭੂਚਾਲ ਪ੍ਰਭਾਵਤ ਇਲਾਕਿਆਂ ਤੋਂ ਹੈ। ਜ਼ਿਆਦਾਤਰ ਨੇ ਪਰਵਾਰ ਨੂੰ ਭੁਚਾਲ ਦੇ ਦੌਰਾਨ ਖੋਹ ਦਿਤਾ ਹੈ। ਜਦੋਂ ਇਸ ਲੜਕੀਆਂ ਨੂੰ ਦਿੱਲੀ ਲਿਆਇਆ ਜਾ ਰਿਹਾ ਸੀ ਤਾਂ ਇਕ ਕੁੜੀ ਭੱਜਣ ਵਿਚ ਸਫ਼ਲ ਹੋ ਗਈ। ਇਹ ਕੁੜੀ ਬਨਾਰਸ ਚਲੀ ਗਈ ਅਤੇ ਉਥੇ ਹੀ ਪੁਲਿਸ ਵਿਚ ਇਸ ਨੇ ਅਪਣੀ ਸ਼ਿਕਾਇਤ ਦਰਜ ਕਰਵਾਈ।

ਕੁੜੀ ਦੀ ਸ਼ਿਕਾਇਤ 'ਤੇ ਐਫ਼ਆਈਆਰ ਦਰਜ ਕੀਤੀ ਗਈ। ਉਸ ਤੋਂ ਮਿਲੀ ਸੂਚਨਾ ਦੇ ਅਧਾਰ 'ਤੇ ਬਨਾਰਸ ਪੁਲਿਸ ਦਿੱਲੀ ਪਹੁੰਚੀ ਅਤੇ ਇਸ ਗਿਰੋਹ ਦਾ ਪਤਾ ਲਗਾਇਆ।  ਲੜਕੀਆਂ ਨੂੰ ਦੇਹ ਵਪਾਰ ਦੇ ਧੰਧੇ ਵਿਚ ਉਤਾਰਨ ਦਾ ਕੰਮ ਕਰਨ ਵਾਲਾ ਇਹ ਗਿਰੋਹ ਹੁਣ ਤਕ ਕਈ ਜਥਿਆਂ ਵਿਚ ਹੁਣ ਤਕ 1000 ਤੋਂ ਜ਼ਿਆਦਾ ਲੜਕੀਆਂ ਦੀ ਤਸਕਰੀ ਕਰ ਚੁੱਕਿਆ ਹੈ। ਦੱਸ ਦਈਏ ਕਿ ਕੁੱਝ ਦਿਨ ਪਹਿਲਾਂ ਹੀ ਡੀਸੀਡਬਲਿਊ ਪ੍ਰਧਾਨ ਸਵਾਤੀ ਜੈਹਿੰਦ ਨੇ ਦਿੱਲੀ ਦੇ ਮੁਨੀਰਕਾ ਇਲਾਕੇ ਤੋਂ 16 ਲੜਕੀਆਂ ਨੂੰ ਰਿਹਾਅ ਕਰਵਾਇਆ ਗਿਆ ਸੀ ਤੇ ਉਨ੍ਹਾਂ ਨੂੰ ਇਰਾਕ ਭੇਜੇ ਜਾਣ ਦੀ ਤਿਆਰੀ ਸੀ।

ਸਵਾਤੀ ਨੇ ਕਿਹਾ ਕਿ ਬਨਾਰਸ ਪੁਲਿਸ ਨੇ ਦਸਿਆ ਕਿ ਮੈਦਾਨਗੜੀ ਦੇ ਇਸ ਘਰ ਦੀ ਵਰਤੋਂ ਕੁੱਝ ਸਾਲਾਂ ਤੋਂ ਲੜਕੀਆਂ ਦੀ ਤਸਕਰੀ ਲਈ ਕੀਤਾ ਜਾ ਰਿਹਾ ਹੈ। ਸਵਾਤੀ ਕਹਿੰਦੀ ਹੈ ਕਿ ਇਹ ਹੈਰਾਨੀ ਦੀ ਗੱਲ ਹੈ ਕਿ ਲੋਕਲ ਪੁਲਿਸ ਨੂੰ ਇਸ ਬਾਰੇ ਵਿਚ ਕੋਈ ਖ਼ਬਰ ਨਹੀਂ। ਪਿਛਲੇ ਇਕ ਹਫ਼ਤੇ ਵਿਚ 34 ਨੇਪਾਲੀ ਲੜਕੀਆਂ ਦਿੱਲੀ ਤੋ ਰਿਹਾਅ ਕਰਵਾਇਆਂ ਗਈਆਂ ਹਨ ਪਰ ਦਿੱਲੀ ਪੁਲਿਸ ਸੋ ਰਹੀ ਹੈ। ਮੈਂ ਕਈ ਵਾਰ ਹੋਮ ਮਿਨਿਸਟਰ ਰਾਜਨਾਥ ਸਿੰਘ ਜੀ ਤੋਂ ਬੇਨਤੀ ਕਰ ਚੁਕੀ ਹਾਂ ਕਿ ਦਿੱਲੀ ਪੁਲਿਸ ਦੀ ਜਵਾਬਦੇਹੀ ਤੈਅ ਕੀਤੀ ਜਾਵੇ ਪਰ ਉਨ੍ਹਾਂ ਨੇ ਹੁਣ ਤੱਕ ਕੋਈ ਜਵਾਬ ਤੱਕ ਨਹੀਂ ਦਿਤਾ।