ਮਹਾਰਾਸ਼ਟਰ ’ਚ ਕਾਂਗਰਸ, ਐਨਸੀਪੀ ਤੇ ਸ਼ਿਵਸੈਨਾ ਮਿਲ ਕੇ ਬਣਾਉਣਗੇ ਸਰਕਾਰ!
ਮਹਾਰਾਸ਼ਟਰ 'ਚ ਸਰਕਾਰ ਗਠਨ ਅਤੇ ਸਰਕਾਰ 'ਚ ਸਾਂਝੇਦਾਰੀ ਨੂੰ ਲੈ ਕੇ ਭਾਰਤੀ ਜਨਤਾ ਪਾਰਟੀ ਅਤੇ ਸ਼ਿਵਸੈਨਾ ਦੇ ਵਿਚਕਾਰ ਖਿੱਚੋਤਾਣ ਜਾਰੀ ਹੈ।
ਮੁੰਬਈ : ਮਹਾਰਾਸ਼ਟਰ 'ਚ ਸਰਕਾਰ ਗਠਨ ਅਤੇ ਸਰਕਾਰ 'ਚ ਸਾਂਝੇਦਾਰੀ ਨੂੰ ਲੈ ਕੇ ਭਾਰਤੀ ਜਨਤਾ ਪਾਰਟੀ ਅਤੇ ਸ਼ਿਵਸੈਨਾ ਦੇ ਵਿਚਕਾਰ ਖਿੱਚੋਤਾਣ ਜਾਰੀ ਹੈ। ਇਸ ਵਿੱਚ ਮਹਾਰਾਸ਼ਟਰ ਕਾਂਗਰਸ ਦੇ ਸੀਨੀਅਰ ਆਗੂ ਅਤੇ ਸੰਸਦ ਮੈਂਬਰ ਹੁਸੈਨ ਦਲਵਈ ਨੇ ਪਾਰਟੀ ਦੀ ਪ੍ਰਧਾਨ ਸੋਨੀਆ ਗਾਂਧੀ ਨੂੰ ਮਹਾਰਾਸ਼ਟਰ ਵਿੱਚ ਗਠਜੋੜ ਸਰਕਾਰ ਬਣਾਉਣ 'ਤੇ ਪੱਤਰ ਲਿਖਿਆ ਹੈ। ਹੁਸੈਨ ਦਲਵਈ ਨੇ ਸੋਨੀਆ ਗਾਂਧੀ ਨੂੰ ਅਪੀਲ ਕੀਤੀ ਹੈ ਕਿ ਰਾਸ਼ਟਰਵਾਦੀ ਕਾਂਗਰਸ ਪਾਰਟੀ ਕਾਂਗਰਸ ਅਤੇ ਸ਼ਿਵਸੈਨਾ ਨੂੰ ਮਿਲਕੇ ਸਰਕਾਰ ਗਠਨ ਕਰਨਾ ਚਾਹੀਦਾ ਹੈ।
ਕਾਂਗਰਸ ਸੰਸਦ ਮੈਂਬਰ ਨੇ ਕਿਹਾ ਕਿ ਜਿੱਥੇ ਮਹਾਰਾਸ਼ਟਰ ਵਿੱਚ ਸ਼ਿਵਸੈਨਾ ਅਤੇ ਬੀਜੇਪੀ ਵਿੱਚ ਸਰਕਾਰ ਗਠਨ 'ਤੇ ਸਹਿਮਤੀ ਨਹੀਂ ਬਣ ਰਹੀ ਹੈ, ਅਜਿਹੇ ਵਿੱਚ ਕਾਂਗਰਸ, ਘੱਟ ਗਿਣਤੀ ਵਾਲੇ ਲੋਕ, ਗਠਜੋੜ ਵਿੱਚ ਸਾਡੀ ਭਾਈਵਾਲ ਐਨਸੀਪੀ ਅਤੇ ਸ਼ਿਵਸੈਨਾ ਨਾਲ ਮਿਲ ਕੇ ਸਰਕਾਰ ਬਣਾ ਸਕਦੇ ਹਨ। ਕਾਂਗਰਸੀ ਸੰਸਦ ਮੈਂਬਰ ਨੇ ਕਿਹਾ ਕਿ ਇਸ ਤੋਂ ਪਹਿਲਾਂ ਸਾਬਕਾ ਰਾਸ਼ਟਰਪਤੀ ਪ੍ਰਤਿਭਾ ਪਾਟਿਲ ਅਤੇ ਪ੍ਰਣਬ ਮੁਖਰਜੀ ਦੀ ਚੋਣ ਦੌਰਾਨ ਵੀ ਸ਼ਿਵਸੈਨਾ ਨੇ ਸਾਡਾ ਸਾਥ ਦਿੱਤਾ ਸੀ।
ਹਾਲਾਂਕਿ ਉਨ੍ਹਾਂ ਨੇ ਇਸਨੂੰ ਨਿੱਜੀ ਵਿਚਾਰ ਦੱਸਿਆ ਹੈ। ਉਨ੍ਹਾਂ ਨੇ ਲਿਖਿਆ, ਸਭ ਜਾਣਦੇ ਹਾਂ ਕਿ ਵਿਧਾਨ ਸਭਾ ਚੋਣਾਂ ਵਿੱਚ ਬੀਜੇਪੀ ਨੇ ਸਾਡੇ ਕਈ ਵਿਧਾਇਕ ਅਤੇ ਨੇਤਾਵਾਂ ਨੂੰ ਆਪਣੇ ਦਾਇਰੇ ਵਿੱਚ ਸ਼ਾਮਿਲ ਕਰ ਲਿਆ ਸੀ। ਜੇਕਰ ਉਹ ਸਰਕਾਰ ਬਣਾਉਣ ਵਿੱਚ ਸਮਰਥਾਵਾਨ ਹੁੰਦੇ ਹਨ ਤਾਂ ਉਹ ਫਿਰ ਤੋਂ ਅਤੇ ਜ਼ਿਆਦਾ ਸਖਤੀ ਦੇ ਨਾਲ ਅਜਿਹਾ ਕਰਨਗੇ। ਅਜਿਹੇ ਵਿੱਚ ਜੇਕਰ ਅਸੀ ਸ਼ਿਵਸੈਨਾ ਦੇ ਨਾਲ ਸਰਕਾਰ ਬਣਾਉਣ ਵਿੱਚ ਸਮਰਥਾਵਾਨ ਹੁੰਦੇ ਹਾਂ ਤਾਂ ਇਸਨੂੰ ਰੋਕਿਆ ਜਾ ਸਕਦਾ ਹੈ ਅਤੇ ਇਸ ਨਾਲ ਅਸੀਂ ਆਪਣੇ ਆਧਾਰ ਨੂੰ ਮਜਬੂਤ ਕਰ ਪਾਵਾਂਗੇ।
ਉਨ੍ਹਾਂ ਨੇ ਕਿਹਾ ਵਿਸ਼ੇਸ਼ ਰੂਪ ਨਾਲ, ਮਹਾਰਾਸ਼ਟਰ ਵਿੱਚ ਘੱਟ ਗਿਣਤੀ ਵਾਲੇ ਸਮੁਦਾਏ ਮਾਬ ਲਿੰਚਿੰਗ 'ਤੇ ਭਾਜਪਾ ਸਰਕਾਰ ਦੇ ਏਜੰਡੇ ਨੂੰ ਲੈ ਕੇ ਅਤੀਸੰਵੇਦਨਸ਼ੀਲ ਹਨ। ਨਾਲ ਹੀ ਦੇਸ਼ ਭਰ ਵਿੱਚ ਐਨਆਰਸੀ ਨੂੰ ਲਾਗੂ ਕਰਨ ਦੀ ਯੋਜਨਾ ਅਤੇ ਬਾਬਰੀ ਮਸਜਿਦ ਮਾਮਲੇ 'ਤੇ ਕਾਨੂੰਨ ਵਿਵਸਥਾ ਦੀ ਹਾਲਤ 'ਤੇ ਵੀ ਚਿੰਤਤ ਹੈ।ਉਥੇ ਹੀ ਕਈ ਮੁੱਦਿਆਂ 'ਤੇ ਸ਼ਿਵਸੈਨਾ ਨੂੰ ਭਾਜਪਾ ਤੋਂ ਵੱਖ ਦੇਖਿਆ ਗਿਆ ਹੈ, ਹਾਲਾਂਕਿ ਉਨ੍ਹਾਂ ਨੇ ਇਕੱਠੇ ਸੱਤਾ ਸਾਂਝੀ ਕੀਤੀ ਹੈ। ਜੇਕਰ ਅਸੀ ਮਿਲਕੇ ਸਰਕਾਰ ਬਣਾਈਏ ਤਾਂ ਅਜਿਹਾ ਹੋਣ ਤੋਂ ਰੋਕਿਆ ਜਾ ਸਕਦਾ ਹੈ।
ਉਨ੍ਹਾਂ ਨੇ ਲਿਖਿਆ, ਸਾਨੂੰ ਯਾਦ ਰੱਖਣਾ ਚਾਹੀਦਾ ਹੈ ਕਿ ਬੀਜੇਪੀ ਨੇ ਲਗਾਤਾਰ ਇੱਕ ਰਾਸ਼ਟਰ, ਇੱਕ ਨੇਤਾ, ਇੱਕ ਪਾਰਟੀ, ਇੱਕ ਧਰਮ ਦੇ ਆਰਐਸਐਸ ਦੇ ਸਿਧਾਂਤ ਦਾ ਪਾਲਣ ਕੀਤਾ ਹੈ ਪਰ ਹਾਲ ਦੇ ਦਿਨਾਂ 'ਚ ਸ਼ਿਵਸੈਨਾ ਦਾ ਜਿਆਦਾ ਸਮਾਵੇਸ਼ੀ ਰੁਖ਼ ਦੇਖਿਆ ਗਿਆ ਹੈ। ਉਨ੍ਹਾਂ ਨੇ ਲਿਖਿਆ ਵੋਟਰਾਂ ਨੇ ਵੀ ਭਾਜਪਾ ਨੂੰ ਸਪੱਸ਼ਟ ਬਹੁਮਤ ਤੋਂ ਵਾਂਝੇ ਕਰ ਦਿੱਤਾ ਹੈ ਜੋ ਉਨ੍ਹਾਂ ਦੇ ਦੁਆਰਾ ਨਫ਼ਰਤ ਦੀ ਰਾਜਨੀਤੀ ਦੇ ਰੁੱਖ ਨੂੰ ਦਰਸ਼ਾਉਦਾ ਹੈ। ਇਸ ਲਈ ਭਾਜਪਾ ਨੂੰ ਸੱਤਾ ਵਿੱਚ ਆਉਣੋ ਰੋਕਣਾ ਜ਼ਰੂਰੀ ਹੈ। ਨਾਲ ਹੀ ਉਨ੍ਹਾਂ ਨੇ ਕਿਹਾ ਕਿ ਸ਼ਿਵਸੈਨਾ ਦੇ ਨਾਲ ਸਰਕਾਰ ਬਣਾਉਣ ਲਈ ਭਾਈਵਾਲ ਐਨਸੀਪੀ ਨੂੰ ਵਿਸ਼ਵਾਸ ਕਰਕੇ ਹੀ ਅਜਿਹਾ ਫ਼ੈਸਲਾ ਲੈਣਾ ਚਾਹੀਦਾ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।