ਨਵੀਂ ਦਿੱਲੀ (ਭਾਸ਼ਾ) :- ਕਰੋੜਾਂ ਰੁਪਏ ਦੀਆਂ ਗੱਡੀਆਂ ਦੇ ਬਾਰੇ ਵਿਚ ਤਾਂ ਤੁਸੀਂ ਕਈ ਵਾਰ ਸੁਣਿਆ ਹੋਵੇਗਾ ਪਰ ਕਰੋੜਾਂ ਰੁਪਏ ਦੀ ਨੰਬਰ ਪਲੇਟ ਦੇ ਬਾਰੇ ਵਿਚ ਸ਼ਾਇਦ ਹੀ ਸੁਣਿਆ ਹੋਵੇ। ਯੂਕੇ ਵਿਚ ਇਨੀ ਦਿਨੀ ਇਕ ਨੰਬਰ ਪਲੇਟ ਦੀ ਕੀਮਤ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ, ਜਿਸ ਨੂੰ ਜਾਣ ਕੇ ਤੁਹਾਡੇ ਹੋਸ਼ ਉੱਡ ਜਾਣਗੇ। ਲੋਕ ਕਰੋੜਾਂ ਰੁਪਏ ਦੀਆਂ ਗੱਡੀਆਂ ਤਾਂ ਖਰੀਦਦੇ ਹੀ ਹਨ ਜਿਸ ਵਜ੍ਹਾ ਨਾਲ ਕੁੱਝ ਲੋਕ ਚਰਚਾ ਵਿਚ ਵੀ ਆਉਂਦੇ ਹਨ।

ਯੂਕੇ ਵਿਚ ਇਕ ਸਪੈਸ਼ਲ ਨੰਬਰ ਪਲੇਟ ਦੀ ਕੀਮਤ ਕਰੀਬ 90 ਕਰੋੜ ਰੁਪਏ ਲਗਾਈ ਗਈ ਪਰ ਇਸ ਨਬੰਰ ਪਲੇਟ ਦੇ ਮਾਲਿਕ ਨੇ ਇਹ ਆਫਰ ਠੁਕਰਾ ਦਿਤਾ ਹੈ। ਇਸ ਪਲੇਟ ਦਾ ਰਜਿਸਟਰੇਸ਼ਨ ਨੰਬਰ F1 ਹੈ। ਤੁਹਾਨੂੰ ਦੱਸ ਦਈਏ ਕਿ  F1 ਨੰਬਰ ਫਾਰਮੂਲਾ 1 ਦਾ ਛੋਟਾ ਰੂਪ ਹੈ। ਜਿਸ ਵਜ੍ਹਾ ਨਾਲ ਇਸ ਦੀ ਕੀਮਤ ਇੰਨੀ ਜ਼ਿਆਦਾ ਹੈ। F1 ਪਲੇਟ UK ਦੇ ਸੱਭ ਤੋਂ ਮਸ਼ਹੂਰ ਕਾਰ ਕਸਟਮਾਈਜਰ ਕੰਪਨੀ ਦੇ ਮਾਲਿਕ ਅਫ਼ਜ਼ਲ ਖਾਨ ਇਸਤੇਮਾਲ ਕਰਦੇ ਹਨ। ਉਨ੍ਹਾਂ ਨੇ ਕਰੀਬ 10 ਸਾਲ ਪਹਿਲਾਂ ਇਸ ਨੂੰ 4 ਕਰੋੜ ਰੁਪਏ ਵਿਚ ਖਰੀਦਿਆ ਸੀ।

ਅਫਜ਼ਲ ਨੇ ਦਸਿਆ ਕਿ ਉਨ੍ਹਾਂ ਦੇ ਕੋਲ 60 ਤੋਂ ਜ਼ਿਆਦਾ ਯੂਨਿਕ ਰਜਿਸਟਰੇਸ਼ਨ ਨੰਬਰ ਹਨ ਅਤੇ ਹਰ ਇਕ ਰਜਿਸਟਰੇਸ਼ਨ ਨੰਬਰ ਦੀ ਇਕ ਵੱਖਰੀ ਕਹਾਣੀ ਹੈ। ਖਬਰ ਦੇ ਮੁਤਾਬਕ ਜੇਕਰ ਅਫਜ਼ਲ ਇਸ ਨੂੰ ਵੇਚਣ ਨੂੰ ਤਿਆਰ ਹੋ ਜਾਂਦੇ ਹਨ ਤਾਂ ਉਹ ਦੁਨੀਆ ਦਾ ਸਭ ਤੋਂ ਮਹਿੰਗਾ ਰਜਿਸਟਰੇਸ਼ਨ ਪਲੇਟ ਵੇਚਣ ਦਾ ਇਕ ਨਵਾਂ ਰਿਕਾਰਡ ਬਣਾ ਸਕਦੇ ਹਨ।