ਨਮਾਜ਼ ਪੜ੍ਹੋ ਤੇ ਹਿੰਦੂ ਕੁੜੀਆਂ ਨਾਲ ਪਾਪ ਕਰੋ, ਇਹੀ ਮੁਸਲਮਾਨਾਂ ਨੂੰ ਸਿਖਾਇਆ ਜਾਂਦਾ ਹੈ : ਬਾਬਾ ਰਾਮਦੇਵ

Ramdev

 

ਬਾੜਮੇਰ  : ਯੋਗ ਗੁਰੂ ਬਾਬਾ ਰਾਮਦੇਵ ਨੇ ਵੀਰਵਾਰ ਨੂੰ ਬਾੜਮੇਰ ’ਚ ਵਿਵਾਦਿਤ ਬਿਆਨ ਦਿਤਾ। ਹਿੰਦੂ-ਮੁਸਲਿਮ-ਈਸਾਈ ਧਰਮਾਂ ਦੀ ਤੁਲਨਾ ਕਰਦਿਆਂ ਉਨ੍ਹਾਂ ਕਿਹਾ, “ਭਾਵੇਂ ਕੋਈ ਮੁਸਲਮਾਨ ਅਤਿਵਾਦੀ ਹੋਵੇ ਜਾਂ ਅਪਰਾਧੀ, ਉਹ ਜ਼ਰੂਰ ਨਮਾਜ ਅਦਾ ਕਰਦਾ ਹੈ। ਉਹ ਇਸਲਾਮ ਨੂੰ ਸਿਰਫ਼ ਨਮਾਜ ਤਕ ਹੀ ਸਮਝਦੇ ਹਨ। ਸਿਰਫ਼ 5 ਵਾਰ ਨਮਾਜ ਪੜ੍ਹੋ ਅਤੇ ਉਸ ਤੋਂ ਬਾਅਦ ਜੋ ਵੀ ਮਨ ਵਿਚ ਆਵੇ ਕਰੋ। ਹਿੰਦੂ ਕੁੜੀਆਂ ਨੂੰ ਚੁੱਕੋ ਅਤੇ ਜੋ ਵੀ ਪਾਪ ਕਰਨਾ ਹੈ, ਉਹ ਕਰੋ।’’ ਦਰਅਸਲ, ਬਾਬਾ ਰਾਮਦੇਵ ਇਥੇ ਇਕ ਮੰਦਰ ਦੇ ਪ੍ਰੋਗਰਾਮ ਵਿਚ ਪੁੱਜੇ ਸਨ।

ਰਾਮਦੇਵ ਨੇ ਕਿਹਾ ਕਿ ਮੈਂ ਕਿਸੇ ਦੀ ਆਲੋਚਨਾ ਨਹੀਂ ਕਰ ਰਿਹਾ ਹਾਂ ਪਰ ਕੋਈ ਇਸ ਦੁਨੀਆਂ ਨੂੰ ਇਸਲਾਮ ਅਤੇ ਕੋਈ ਇਸਾਈ ਧਰਮ ਵਿਚ ਤਬਦੀਲ ਕਰਨਾ ਚਾਹੁੰਦੇ ਹੈ। ਪਰ ਤਬਦੀਲ ਕਰ ਕੇ ਕਰੋਗੇ ਕੀ? ਯੋਗ ਗੁਰੂ ਨੇ ਕਿਹਾ ਕਿ ਇਸਲਾਮ ਵਿਚ ਸਵਰਗ ਦਾ ਮਤਲਬ ਹੈ ਗਿੱਟੇ ਤੋਂ ਉੱਪਰ ਪਜਾਮਾ ਪਹਿਨਣਾ। ਅਪਣੀਆਂ ਮੁੱਛਾਂ ਕੱਟ ਕੇ ਦਾੜ੍ਹੀ ਵਧਾਓ। ਇਕ ਟੋਪੀ ਪਹਿਨੋ ਕੀ ਕੁਰਾਨ ਅਜਿਹਾ ਕਹਿੰਦਾ ਹੈ? ਫਿਰ ਵੀ ਲੋਕ ਅਜਿਹਾ ਕਰ ਰਹੇ ਹਨ। ਫਿਰ ਉਹ ਕਹਿੰਦੇ ਹਨ ਕਿ ਸਵਰਗ ਵਿਚ ਉਨ੍ਹਾਂ ਦੀ ਜਗ੍ਹਾ ਪੱਕੀ ਹੋ ਗਈ ਹੈ।

ਜੰਨਤ ਵਿਚ ਹੂਰਾਂ ਮਿਲ ਜਾਣਗੀਆਂ। ਉਹ ਪੂਰੀ ਜਮਾਤ ਨੂੰ ਇਸਲਾਮ ਵਿਚ ਤਬਦੀਲ ਕਰਨਾ ਚਾਹੁੰਦੇ ਹਨ। ਰਾਮਦੇਵ ਨੇ ਕਿਹਾ ਕਿ ਮੁਸਲਮਾਨ 5 ਵਾਰ ਨਮਾਜ ਅਦਾ ਕਰਦੇ ਹਨ। ਜੇਕਰ ਉਨ੍ਹਾਂ ਨੂੰ ਪੁਛਿਆ ਜਾਵੇ ਕਿ ਤੁਹਾਡਾ ਧਰਮ ਕੀ ਸਿਖਾਉਂਦਾ ਹੈ ਤਾਂ ਉਨ੍ਹਾਂ ਦਾ ਜਵਾਬ ਹੁੰਦਾ ਹੈ ਕਿ ਨਮਾਜ ਪੜ੍ਹੋ ਅਤੇ ਫਿਰ ਜੋ ਮਨ ਵਿਚ ਆਵੇ ਕਰੋ। ਹਿੰਦੂ ਕੁੜੀਆਂ ਨੂੰ ਚੁੱਕੋ ਅਤੇ ਜੋ ਮਰਜੀ ਪਾਪ ਕਰੋ। ਬਹੁਤ ਸਾਰੇ ਮੁਸਲਮਾਨ ਅਜਿਹਾ ਕਰਦੇ ਹਨ, ਪਰ ਨਮਾਜ ਪੜ੍ਹਦੇ ਹਨ। ਉਹ ਅਤਿਵਾਦੀ ਬਣ ਜਾਂਦੇ ਹਨ, ਪਰ ਨਮਾਜ ਜ਼ਰੂਰ ਪੜ੍ਹਦੇ ਹਨ।

ਉਨ੍ਹਾਂ ਨੂੰ ਸਿਖਾਇਆ ਜਾਂਦਾ ਹੈ ਕਿ ਇਸਲਾਮ ਦਾ ਮਤਲਬ ਇਹ ਹੈ ਪਰ ਹਿੰਦੂ ਧਰਮ ਵਿਚ ਅਜਿਹਾ ਬਿਲਕੁਲ ਨਹੀਂ ਹੈ। ਈਸਾਈ ਅਤੇ ਹਿੰਦੂ ਧਰਮ ਦੀ ਤੁਲਨਾ ਕਰਦਿਆਂ ਉਨ੍ਹਾਂ ਕਿਹਾ ਕਿ ਚਰਚ ਜਾ ਕੇ ਮੋਮਬੱਤੀ ਜਗਾਓ ਅਤੇ ਯਿਸ਼ੂ ਮਸੀਹ ਦੇ ਸਾਹਮਣੇ ਖੜ੍ਹੇ ਹੋਵੋ। ਸਾਰੇ ਪਾਪ ਨਾਸ਼ ਹੋ ਜਾਂਦੇ ਹਨ। ਪਰ ਹਿੰਦੂ ਧਰਮ ਵਿਚ ਅਜਿਹਾ ਨਹੀਂ ਹੈ। ਰਾਮਦੇਵ ਨੇ ਅੰਤ ਵਿਚ ਹਿੰਦੂ ਧਰਮ ਦਾ ਅਰਥ ਵੀ ਸਮਝਾਇਆ। ਉਨ੍ਹਾਂ ਕਿਹਾ ਕਿ ਸਨਾਤਨ ਧਰਮ ਬ੍ਰਹਮ ਮੁਹੂਰਤ ’ਤੇ ਸਵੇਰੇ ਉੱਠਣ ਨੂੰ ਕਹਿੰਦਾ ਹੈ। ਰੱਬ ਦਾ ਨਾਂ ਲੈ ਕੇ ਯੋਗ ਕਰੋ। ਹਿੰਦੂ ਧਰਮ ਸਾਨੂੰ ਜ਼ਿੰਦਗੀ ਨੂੰ ਚੰਗੀ ਤਰ੍ਹਾਂ ਜਿਊਣ ਦਾ ਤਰੀਕਾ ਸਿਖਾਉਂਦਾ ਹੈ। ਸਾਨੂੰ ਨੇਕੀ ਨਾਲ ਵਿਹਾਰ ਕਰਨਾ ਚਾਹੀਦਾ ਹੈ ਅਤੇ ਕੰਮ ਕਰਨਾ ਚਾਹੀਦਾ ਹੈ। ਹਿੰਸਾ, ਝੂਠ, ਲੜਾਈ, ਪਾਪ, ਅਪਰਾਧ ਤੋਂ ਦੂਰ ਰਹਿਣਾ ਚਾਹੀਦਾ ਹੈ। ਇਹ ਸੱਭ ਹਿੰਦੂ ਧਰਮ ਸਿਖਾਉਂਦਾ ਹੈ।