Assam TMC Chief Divipen Pathak

ਗੁਹਾਟੀ : ਤ੍ਰਿਣਮੂਲ ਕਾਂਗਰਸ ਦੀ ਅਸਾਮ ਇਕਾਈ ਦੇ ਪ੍ਰਧਾਨ ਦਵਿਪੇਨ ਪਾਠਕ ਅਤੇ ਦੋ ਹੋਰ ਨੇਤਾਵਾਂ ਨੇ ਐਨਆਰਸੀ ਦੇ ਆਖ਼ਰੀ ਮਸੌਦੇ ਦੇ ਪ੍ਰਤੀ ਪਾਰਟੀ ਸੁਪਰੀਮੋ ਮਮਤਾ ਬੈਨਰਜੀ ਦੇ ਰੁਖ਼ ਦੇ ਵਿਰੁਧ ਪਾਰਟੀ ਤੋਂ ਅਸਤੀਫ਼ਾ ਦੇ ਦਿਤਾ ਹੈ। ਤ੍ਰਿਣਮੂਲ ਕਾਂਗਰਸ ਦੇ ਰੁਖ਼ 'ਤੇ ਅਸਾਮ ਦੇ ਕਈ ਦਲਾਂ ਅਤੇ ਸੰਗਠਨਾਂ ਨੇ ਤਿੱਖੀ ਪ੍ਰਤੀਕਿਰਿਆ ਜ਼ਾਹਿਰ ਕੀਤੀ ਹੈ। ਪਾਠਕ ਦਾ ਅਸਤੀਫ਼ਾ ਬੰਗਾਲੀ ਬਹੁਤਾਤ ਵਾਲੀ ਬਰਾਕ ਘਾਟੀ ਵਿਚ ਸਿਲਚਰ ਹਵਾਈ ਅੱਡੇ 'ਤੇ ਤ੍ਰਿਣਮੂਲ ਕਾਂਗਰਸ ਦੇ ਵਫ਼ਦ ਦੇ ਪਹੁੰਚਣ ਅਤੇ ਪੁਲਿਸ ਵਲੋਂ ਉਸ ਨੂੰ ਬਾਹਰ ਕੱਢਣ ਤੋਂ ਰੋਕੇ ਜਾਣ ਦੇ ਕੁੱਝ ਹੀ ਘੰਟੇ ਦੇ ਅੰਦਰ ਆਇਆ।