ਨਵੀਂ ਦਿੱਲੀ : ਪਿਛਲੇ ਹਫ਼ਤੇ ਆਗਰਾ ਜ਼ਿਲ੍ਹੇ ਨਾਗਲਾ ਪਿੰਡ ਤੇਜਾ ਦੇ ਪ੍ਰਾਇਮਰੀ ਸਕੂਲ ਵਿਚ ਇਕ ਹਿੱਸੇ ਦੀ ਛੱਤ ਡਿੱਗ ਗਈ। ਦਸਿਆ ਜਾ ਰਿਹਾ ਹੈ ਕੇ ਕਿਸਮਤ ਨਾਲ ਇਸ ਦੀ ਚਪੇਟ ਵਿਚ ਕੋਈ ਬੱਚਾ ਨਹੀਂ ਆਇਆ। ਪਰ ਜ਼ਰੂਰੀ ਨਹੀਂ ਹੈ ਕਿ ਬੱਚਿਆਂ ਦੀ ਕਿਸਮਤ ਹਰ ਵਾਰ ਉਨ੍ਹਾਂ ਦਾ ਸਾਥ ਦੇਵੇ। ਦੇਸ਼ ਵਿਚ ਕਰੀਬ ਡੇਢ  ਲੱਖ ਸਕੂਲਾਂ ਦੀ ਇਮਾਰਤਾਂ ਦੀ  ਹਾਲਤ ਨਾਜ਼ੁਕ ਹੈ।  ਯੂਨੀਫ਼ਾਇਡ ਡਿਸਟ੍ਰਿਕਟ ਇਨਫ਼ਰਮਿਸ਼ਨ ਸਿਸਟਮ ਫ਼ਾਰ ਐਜੂਕੇਸ਼ਨ  (ਯੂ-ਡਾਇਸ)  ਦੇ 2016-17 ਅੰਕੜਿਆਂ ਨਾਲ ਇਹ ਖੁਲਾਸਾ ਹੋਇਆ ਹੈ।

ਦੇਸ਼ ਵਿਚ ਕੁਲ 17.28 ਲੱਖ ਸਕੂਲ ਹਨ। ਇਸ ਵਿਚ 14.67 ਲੱਖ ਪ੍ਰਾਇਮਰੀ ਸਕੂਲ ਹਨ, ਜਦੋਂ ਕਿ ਦੋ ਲੱਖ 60 ਹਜ਼ਾਰ ਦੇ ਲਗਭਗ ਮਿਡਲ ਸਕੂਲ ਹਨ। ਯੂ-ਡਾਇਸ  ਦੇ ਅੰਕੜਿਆਂ ਮੁਤਾਬਕ  ਇਸ ਵਿਚ 11,577 ਸਕੂਲਾਂ ਦੀਆਂ ਇਮਾਰਤਾਂ ਖਸਤਾ ਹਾਲ ਹਨ, ਜਿਨ੍ਹਾਂ ਨੂੰ ਨਵੇਂ ਸਿਰੇ ਤੋਂ ਬਣਾਏ ਜਾਣ ਦੀ ਜ਼ਰੂਰਤ ਹੈ, ਜਦੋਂ ਕਿ ਤਕਰੀਬਨ ਇਕ ਲੱਖ 40 ਹਜ਼ਾਰ ਸਕੂਲਾਂ ਦੀ 6.98 ਲੱਖ ਜਮਾਤਾਂ ਨੂੰ ਵੱਡੇ ਪੈਮਾਨੇ 'ਤੇ ਮੁਰੰਮਤ ਦੀ ਦਰਕਾਰ ਹੈ। ਕਈ ਸ਼ਹਿਰਾਂ ਤੇ ਪਿੰਡਾਂ ਵਿਚ ਸਕੂਲਾਂ ਦੀਆਂ ਜ਼ਰਜ਼ਰ ਇਮਾਰਤਾਂ ਕਾਰਨ ਲੋਕ ਅਪਣੇ ਬੱਚਿਆਂ ਨੂੰ ਸਕੂਲ ਭੇਜਣ ਤੋਂ ਡਰਦੇ ਹਨ।

ਉਥੇ ਹੀ ਤਮਾਮ ਸਕੂਲ ਅਜਿਹੇ ਹਨ, ਜਿੱਥੇ ਮੀਂਹ ਪੈਂਦਿਆਂ ਹੀ ਸਕੂਲ ਦੀ ਛੱਤ ਟਪਕਣ ਲੱਗਦੀ ਹੈ।  ਇਸ ਮਾਮਲੇ ਸਬੰਧੀ ਮਨੁੱਖ ਸੰਸਾਧਨ ਵਿਕਾਸ ਮੰਤਰਾਲਾ ਦੇ ਇਕ ਉਚ ਅਧਿਕਾਰੀ ਨੇ ਕਿਹਾ ਕਿ ਇਸ ਸਾਲ ਸਿੱਖਿਆ ਅਭਿਆਨ ਵਿਚ ਸਕੂਲਾਂ ਵਿਚ ਅਧੋ-ਸੰਰਚਨਾ ਸੁਧਾਰ ਦਾ ਵੀ ਪ੍ਰਬੰਧ ਰੱਖਿਆ ਗਿਆ ਹੈ।  (ਏਜੰਸੀ)
ਦਸਿਆ ਜਾ ਰਿਹਾ ਹੈ ਕੇ ਨੇ ਇਸ ਦੇ ਲਈ ਪ੍ਰਸਤਾਵ ਵੀ ਭੇਜੇ ਹਨ , ਜਿਨ੍ਹਾਂ ਉੱਤੇ ਵਿਚਾਰ ਦੇ ਬਾਅਦ ਕੇਂਦਰ ਮਨਜ਼ੂਰੀ  ਦੇ ਦੇਵੇਗਾ।

2014 ਵਿੱਚ ਕੇਂਦਰ ਸਰਕਾਰ ਨੇ ਰਾਜਾਂ ਨੂੰ ਨਿਰਦੇਸ਼ ਜਾਰੀ ਕੀਤੇ ਸਨ ਜਿਸ ਵਿੱਚ ਸਕੂਲਾਂ ਵਿੱਚ ਬਚਿਆ ਦੀ ਸੁਰੱਖਿਆ ਨੂੰ ਲੈ ਕੇ ਸੁਚੇਤ ਕੀਤਾ ਗਿਆ ਸੀ। ਇਸ ਦਿਸ਼ਾ - ਨਿਰਦੇਂਸਾਂ  ਵਿੱਚ ਸਾਫ਼ ਕਿਹਾ ਗਿਆ ਹੈ ਕਿ ਸਾਰੇ ਸਕੂਲਾਂ ਦੀਆਂ ਇਮਾਰਤਾਂ ਦਾ ਸੁਰੱਖਿਆ ਆਡਿਟ ਹੋਣਾ ਚਾਹੀਦਾ ਹੈ ।  ਸਕੂਲਾਂ ਦੀਆਂ ਇਮਾਰਤਾਂ ਭੁਚਾਲ ਰੋਧੀ ਹੋਣੀਆਂ ਚਾਹੀਦੀਆਂ ਹਨ ਅਤੇ ਅੱਗ ਅਤੇ ਹੜ੍ਹ ਤੋਂ ਵੀ ਸੁਰੱਖਿਅਤ ਹੋਣੀਆਂ ਚਾਹੀਦੀਆਂ ਹਨ।   (ਏਜੰਸੀ)