ਰਾਇਪੁਰ: ਸੜਕ ਤੇ ਘੁੰਮਦੇ ਬੇਸਹਾਰਾ ਪਸ਼ੂ ਰਾਇਪੁਰ ਨਗਰ ਨਿਗਮ ਲਈ ਵੱਡੀ ਮੁਸੀਬਤ ਬਣ ਚੁੱਕੇ ਹਨ। ਜਦੋਂ ਇਹਨਾਂ ਤੋਂ ਪਸ਼ੂ ਪਾਲਕਾਂ ਨੂੰ ਕੋਈ ਫ਼ਾਇਦਾ ਨਹੀਂ ਹੁੰਦਾ ਤਾਂ ਲੋਕ ਇਹਨਾਂ ਨੂੰ ਛੱਡ ਦਿੰਦੇ ਹਨ। ਇਸ ਤੋਂ ਬਾਅਦ ਇਹ ਪਸ਼ੂ ਸੜਕਾਂ ਤੇ ਹੀ ਡੇਰਾ ਲਾ ਲੈਂਦੇ ਹਨ। ਇਸ ਨਾਲ ਹਰ ਰੋਜ਼ ਹਾਦਸੇ ਹੁੰਦੇ ਰਹਿੰਦੇ ਹਨ ਜਿਸ ਵਿਚ ਕਈ ਲੋਕਾਂ ਨੂੰ ਅਪਣੀ ਜਾਨ ਵੀ ਗੁਆਉਣੀ ਪਈ ਹੈ। ਇਸ ਪਰੇਸ਼ਾਨੀ ਨੂੰ ਦੂਰ ਕਰਨ ਲਈ ਨਗਰ ਨਿਗਮ ਨੇ ਇਕ ਨਵਾਂ ਵਿਚਾਰ ਤਿਆਰ ਕੀਤਾ ਹੈ।
ਹੁਣ ਇਹਨਾਂ ਪਸ਼ੂਆਂ ਦੇ ਕੰਨ ਵਿਚ ਪਹਿਚਾਣ ਲਈ ਆਈਡੀ ਨੰਬਰ ਲਗਾਇਆ ਜਾਵੇਗਾ। ਰਾਜਧਾਨੀ ਰਾਇਪੁਰ ਦੀਆਂ ਸੜਕਾਂ ਤੇ ਘੁੰਮਣ ਵਾਲੇ ਪਸ਼ੂਆਂ ਨੂੰ ਵੀ ਹੁਣ ਯੂਨਿਕ ਆਈਡੀ ਨੰਬਰ ਮਿਲਣ ਵਾਲਾ ਹੈ। ਨਗਰ ਨਿਗਮ ਪ੍ਰਸ਼ਾਸਨ ਨੇ ਅਜਿਹੇ ਪਸ਼ੂਆਂ ਤੇ ਨਜ਼ਰ ਰੱਖਣ ਲਈ ਉਹਨਾਂ ਦੇ ਕੰਨ ਵਿਚ ਟੈਗ ਲਗਾਉਣ ਦਾ ਫ਼ੈਸਲਾ ਲਿਆ ਹੈ ਜਿਸ ਵਿਚ ਪਸ਼ੂਆਂ ਦਾ ਆਈਡੀ ਨੰਬਰ ਹੋਵੇਗਾ। ਇਸ ਵਿਚ ਮਾਲਕ ਦਾ ਨਾਮ ਅਤ ਪਤਾ ਵੀ ਦਰਜ ਹੋਵੇਗਾ।
ਟੈਗ ਵਿਚ ਪਸ਼ੂਆਂ ਦੇ ਨਾਲ ਹੀ ਉਸ ਦੇ ਮਾਲ ਦੀ ਜਾਣਕਾਰੀ ਵੀ ਹੋਵੇਗੀ। ਅਜਿਹੇ ਵਿਚ ਨਿਗਮ ਪ੍ਰਸ਼ਾਸਨ ਪਸ਼ੂਆਂ ਦੇ ਮਾਲਕਾਂ ਵਿਰੁਧ ਆਸਾਨੀ ਨਾਲ ਕਾਰਵਾਈ ਕਰ ਸਕਣਗੇ। ਨਿਗਮ ਪ੍ਰਸ਼ਾਸਨ ਨੇ ਪਸ਼ੂ ਪਾਲਕਾਂ ਦੀ ਮੌਜੂਦਗੀ ਵਿਚ ਫ਼ੈਸਲਾ ਲਿਆ ਹੈ ਕਿ ਜੇ ਸੜਕਾਂ ਤੇ ਪਸ਼ੂ ਘੁੰਮਦੇ ਨਜ਼ਰ ਆਏ ਤਾਂ 500 ਰੁਪਏ ਵਸੂਲੀ ਕੀਤੀ ਜਾਵੇਗੀ। ਇਸ ਮਾਮਲੇ ਤੇ ਮੇਅਰ ਪ੍ਰਮੋਦ ਦੁਬੇ ਦਾ ਕਹਿਣਾ ਹੈ ਕਿ ਪਸ਼ੂ ਮਾਲਕਾਂ ਨੂੰ ਸਮਝਾਇਆ ਗਿਆ ਹੈ ਅਤੇ ਉਹਨਾਂ ਤੋ ਸੁਝਾਅ ਵੀ ਲਿਆ ਗਿਆ ਹੈ।
ਪਸ਼ੂਆਂ ਦੀ ਜੀਓ ਟੈਗਿੰਗ ਕੀਤੀ ਜਾਵੇਗੀ ਇਸ ਨਾਲ ਉਸ ਦੀ ਪਹਿਚਾਣ ਆਸਾਨੀ ਨਾਲ ਹੋ ਸਕੇਗੀ। ਨਗਰ ਨਿਗਮ ਨੇ ਅਵਾਰਾ ਪਸ਼ੂਆਂ ਬਾਰੇ ਇੱਕ ਮੁਹਿੰਮ ਚਲਾਈ ਹੈ, ਜਿਸ ਵਿਚ ਉਨ੍ਹਾਂ ਨਾਲ ਗਲਤ ਹੁੰਦਾ ਹੈ। ਸੱਚਾਈ ਇਹ ਵੀ ਹੈ ਕਿ ਜੇ ਪਸ਼ੂ ਪਾਲਕਾਂ ਨੂੰ ਮਹਿੰਗੇ ਭਾਅ ਦਾ ਚਾਰਾ ਮਿਲਦਾ ਹੈ ਤਾਂ ਉਨ੍ਹਾਂ ਲਈ ਪਸ਼ੂ ਪਾਲਣ ਵਿਚ ਮੁਸ਼ਕਲ ਆਉਂਦੀ ਹੈ।
ਨਿਗਮ ਦੇ ਮੇਅਰ ਅਤੇ ਅਧਿਕਾਰੀਆਂ ਨਾਲ ਗੱਲਬਾਤ ਵਿਚ ਪਸ਼ੂ ਪਾਲਕਾਂ ਨੇ ਜ਼ੁਰਮਾਨੇ ‘ਤੇ ਆਪਣੀ ਨਾਰਾਜ਼ਗੀ ਜ਼ਾਹਰ ਕੀਤੀ ਹੈ। ਪਸ਼ੂ ਪਾਲਕਾਂ ਦਾ ਕਹਿਣਾ ਹੈ ਕਿ ਪਸ਼ੂਆਂ ਦਾ ਚਾਰਾ ਅਤੇ ਤੂੜੀ ਮਹਿੰਗੀ ਹੋ ਗਈ ਹੈ। ਸ਼ਹਿਰ ਵਿਚ ਪਸ਼ੂਆਂ ਨੂੰ ਖਵਾਉਣ ਲਈ ਇੰਨਾ ਚਾਰਾ ਨਹੀਂ ਹੈ। ਇਸ ਲਈ ਪਸ਼ੂਆਂ ਦੁਆਰਾ ਤੂੜੀ 'ਤੇ ਸਬਸਿਡੀ ਦੀ ਮੰਗ ਨੂੰ ਉਤਸ਼ਾਹ ਦਿੱਤਾ ਜਾ ਰਿਹਾ ਹੈ ਅਤੇ ਨਿਗਮ ਦੇ ਵਤੀਰੇ ਪ੍ਰਤੀ ਡੂੰਘੀ ਨਾਰਾਜ਼ਗੀ ਜ਼ਾਹਰ ਕੀਤੀ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।