Priyanka Chopra Wedding

ਨਵੀਂ ਦਿੱਲੀ (ਭਾਸ਼ਾ) : ਦੇਸ਼ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਫ਼ਿਲਮੀ ਸਿਤਾਰਿਆਂ ਦੀ ਜ਼ਿੰਦਗੀ ਤੋਂ ਕਾਫੀ ਪ੍ਰਭਾਵਿਤ ਲੱਗਦੇ ਹਨ ਅਤੇ ਉਨ੍ਹਾਂ ਦੇ ਵਿਆਹ ਸ਼ਾਦੀਆਂ 'ਤੇ ਜਾਣ ਦਾ ਕੋਈ ਮੌਕਾ ਨਹੀਂ ਛੱਡਦੇ। ਹਾਲ ਹੀ ਵਿਚ ਪ੍ਰਧਾਨ ਸੇਵਕ ਮੋਦੀ ਫ਼ਿਲਮੀ ਸਿਤਾਰੇ ਪ੍ਰਿਯੰਕਾ ਚੋਪੜਾ ਅਤੇ ਨਿੱਕ ਜੋਨਸ ਦੇ ਵਿਆਹ ਦਾ ਆਨੰਦ ਮਾਣਦੇ ਨਜ਼ਰ ਆਏ। ਪ੍ਰਿਯੰਕਾ ਅਤੇ ਨਿੱਕ ਦੇ ਵਿਆਹ ਦੀਆਂ ਤਸਵੀਰਾਂ ਵਾਇਰਲ ਹੋ ਰਹੀਆਂ ਹਨ ਜਿਨ੍ਹਾਂ ਵਿਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਬਹੁਤ ਖੁਸ਼ ਲੱਗ ਰਹੇ ਹਨ ਅਤੇ ਨਵੀ ਵਿਆਹੀ ਜੋੜੀ ਨਾਲ ਹੱਸ ਹੱਸ ਕੇ ਗੱਲਾਂ ਕਰ ਰਹੇ ਹਨ।

ਇਹ ਕੋਈ ਪਹਿਲਾ ਵਿਆਹ ਨਹੀਂ ਹੈ ਜਿਸ ਵਿਚ ਨਰਿੰਦਰ ਮੋਦੀ ਨੇ ਸ਼ਿਰਕਤ ਕੀਤੀ ਹੈ, ਇਸ ਤੋਂ ਪਹਿਲਾਂ ਦੇਸ਼ ਦੇ ਪ੍ਰਧਾਨ ਮੰਤਰੀ ਅਨੁਸ਼ਕਾ ਸ਼ਰਮਾ ਅਤੇ ਵਿਰਾਟ ਕੋਹਲੀ ਦੇ ਵਿਆਹ 'ਤੇ ਨਜ਼ਰ ਆਏ ਸਨ। ਇਸ ਤੋਂ ਇਲਾਵਾ ਭਾਰਤੀ ਕ੍ਰਿਕਟਰ ਹਰਭਜਨ ਸਿੰਘ ਦੇ ਵਿਆਹ ਵਿਚ ਵੀ ਨਰਿੰਦਰ ਮੋਦੀ ਨੇ ਹਾਜਰੀ ਭਰੀ ਸੀ, ਅਤੇ ਇਹ ਤਸਵੀਰਾਂ ਵੀ ਸੋਸ਼ਲ ਮੀਡਿਆ 'ਤੇ ਬਹੁਤ ਵਾਇਰਲ ਹੋਈਆਂ ਸਨ। ਇਨ੍ਹਾਂ ਸਭ ਤਸਵੀਰਾਂ ਨੂੰ ਦੇਖ ਕੇ ਲੱਗਦਾ ਹੈ ਕਿ ਦੇਸ਼ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਵਿਦੇਸ਼ ਘੁੰਮਣ ਦੇ ਨਾਲ ਨਾਲ ਕਲਾਕਾਰਾਂ, ਅਦਾਕਾਰਾਂ ਅਤੇ ਖਿਡਾਰੀਆਂ ਦੇ ਵਿਆਹਾਂ 'ਤੇ ਜਾਣ ਦਾ ਵੀ ਸ਼ੌਂਕ ਹੈ।

ਪਰ ਪ੍ਰਧਾਨ ਸੇਵਕ ਕਦੇ ਕਿਸੇ ਕਿਸਾਨ ਜਾਂ ਫਿਰ ਆਮ ਵਿਅਕਤੀ ਦੇ ਵਿਆਹ 'ਤੇ ਨਜ਼ਰ ਨਹੀਂ ਆਏ,, ਨਾ ਹੀ ਕਦੇ ਗੰਭੀਰ ਮੁੱਦਿਆਂ ਨੂੰ ਹੱਲ ਕੀਤਾ ਹੈ। ਫ਼ਿਲਮੀ ਸਿਤਾਰੇ ਅਤੇ ਖਿਡਾਰੀਆਂ ਦੀ ਐਸ਼ੋ ਅਰਾਮ ਵਾਲੀ ਜ਼ਿੰਦਗੀ ਚੋ ਬਾਹਰ ਨਿਕਲ ਕੇ ਪ੍ਰਧਾਨ ਮੰਤਰੀ ਕਦੇ ਆਮ ਜਨਤਾ ਵਿਚ ਖੜੇ ਨਜ਼ਰ ਨਹੀਂ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਅਜਿਹੇ ਸ਼ੌਂਕ ਸੋਚਣ 'ਤੇ ਮਜਬੂਰ ਕਰਦੇ ਹਨ ਕਿ ਦੇਸ਼ ਦੀ ਜਨਤਾ ਦੀ ਸੇਵਾ ਤੋਂ ਭੱਜਣ ਵਾਲੇ ਮੋਦੀ ਕਿਸ ਮੂੰਹ ਨਾਲ ਖੁਦ ਨੂੰ ਪ੍ਰਧਾਨ ਸੇਵਕ ਕਹਿੰਦੇ ਹਨ ?