ਗਰਮੀਆਂ ਦਾ ਸੀਜ਼ਨ ਸ਼ੁਰੂ ਹੋ ਗਿਆ ਹੈ ਅਤੇ ਪਾਰਾ ਵਧਣ ਲੱਗਿਆ ਹੈ ਜਿਸ ਕਰਕੇ ਲੋਕ ਗਰਮੀ ਤੋਂ ਬੇਹਾਲ ਹੋ ਰਹੇ ਹਨ। ਗਰੀਬ ਲੋਕਾਂ ਦੇ ਫਰਿੱਜ਼ ਘੜੇ ਨੂੰ ਦੱਸਿਆ ਜਾਂਦਾ ਹੈ ਜੋ ਨਾ ਸਿਰਫ ਠੰਡਾ ਪਾਣੀ ਦਿੰਦਾ ਹੈ ਸਗੋਂ ਕਈ ਬਿਮਾਰੀਆਂ ਤੋਂ ਲੋਕਾਂ ਨੂੰ ਦੂਰ ਵੀ ਰੱਖਦਾ ਹੈ। ਲੁਧਿਆਣਾ ਦੇ ਵਿਚ ਇੰਨੀ ਦਿਨੀਂ ਘੜੇ ਵੇਚਣ ਵਾਲਿਆਂ ਦੀ ਚਾਂਦੀ ਹੋ ਰਹੀ ਹੈ ਕਿਉਂਕਿ ਲੋਕ ਹੁਣ ਰਵਾਇਤੀ ਘੜਿਆਂ ਵੱਲ ਮੁੜ ਤੋਂ ਰੁੱਖ ਕਰਨ ਲੱਗੇ ਹਨ।

ਖਰੀਦਦਾਰਾਂ ਦਾ ਕਹਿਣਾ ਹੈ ਕਿ ਜਿਥੇ ਇਕ ਪਾਸੇ ਘੜਾ ਠੰਡਾ ਪਾਣੀ ਦਿੰਦਾ ਹੈ ਉੱਥੇ ਹੀ ਉਹ ਕਈ ਤਰ੍ਹਾਂ ਦੀਆਂ ਬਿਮਾਰੀਆਂ ਤੋਂ ਉਨ੍ਹਾਂ ਨੂੰ ਬਚਾਉਂਦਾ ਵੀ ਹੈ। ਘੜਾ ਖਰੀਦਣ ਆਏ ਖਰੀਦਦਾਰਾਂ ਨੇ ਦੱਸਿਆ ਹੈ ਕਿ ਘੜੇ ਦੇ ਨਾਲ ਕਈ ਤਰ੍ਹਾਂ ਦੀਆਂ ਬੀਮਾਰੀਆਂ ਜੜ੍ਹੋਂ ਖਤਮ ਹੁੰਦੀਆਂ ਨੇ ਅਤੇ ਇਸ ਦਾ ਪਾਣੀ ਵੀ ਫਿਲਟਰ ਦੇ ਪਾਣੀ ਨਾਲੋਂ ਕਿਤੇ ਵਧੀਆ ਹੁੰਦਾ ਹੈ। ਘੜਾ ਖ਼ਰੀਦਣਾ ਇਕ ਨੌਜਵਾਨ ਨੇ ਦੱਸਿਆ ਕਿ ਉਸ ਦੇ ਪਿਤਾ ਨੂੰ ਕੈਂਸਰ ਦੀ ਬੀਮਾਰੀ ਹੈ..

...ਅਤੇ ਉਸ ਨੇ ਪੂਰੀ ਪੜਤਾਲ ਕਰਨ ਤੋਂ ਬਾਅਦ ਪਤਾ ਲੱਗਾ ਕਿ ਜੋ ਪਲਾਸਟਿਕ ਦੀਆਂ ਚੀਜ਼ਾਂ ਅਸੀਂ ਰੋਜ਼ਾਨਾ ਦੀ ਜ਼ਿੰਦਗੀ ਚ ਵਰਤਦੇ ਹਾਂ ਉਸ ਨਾਲ ਹੀ ਕੈਂਸਰ ਦੀ ਬੀਮਾਰੀ ਸਭ ਤੋਂ ਵੱਧ ਫੈਲਦੀ ਹੈ। ਉਧਰ ਘੜੇ ਵੇਚਣ ਵਾਲੇ ਦੁਕਾਨਦਾਰਾਂ ਨੇ ਦੱਸਿਆ ਕਿ ਗਰਮੀ ਦਾ ਸੀਜ਼ਨ ਸ਼ੁਰੂ ਹੁੰਦਿਆਂ ਹੀ ਉਨ੍ਹਾਂ ਕੋਲ ਗਾਹਕ ਆਉਣੇ ਸ਼ੁਰੂ ਹੋ ਜਾਂਦੇ ਹਨ ਅਤੇ ਲੋਕਾਂ ਦੀ ਸਹੂਲਤ ਲਈ ਉਨ੍ਹਾਂ ਨੇ ਹੁਣ ਘੜਿਆਂ ਅਤੇ ਟੂਟੀਆਂ ਲਾਉਣੀਆਂ ਵੀ ਸ਼ੁਰੂ ਕਰ ਦਿੱਤੀਆਂ ਹਨ। ਉਨ੍ਹਾਂ ਨੇ ਕਿਹਾ ਹੈ ਕਿ ਟੂਟੀ ਵਾਲੇ ਘੜੇ ਲੋਕ ਜ਼ਿਆਦਾ ਪਸੰਦ ਕਰਦੇ ਨੇ ਨਾਲ ਉਨ੍ਹਾਂ ਘੜਿਆਂ ਦੇ ਫਾਇਦੇ ਵੀ ਦੱਸੇ।