Two mobile snatchers who wearing Delivery boy t shirts

ਨਵੀਂ ਦਿੱਲੀ: ਦਿੱਲੀ ਵਿਚ ਪੁਲਿਸ ਨੇ ਦੋ ਚੋਰਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਫੜੇ ਗਏ ਨੌਜਵਾਨ ਫੂਡ ਡਿਲਵਰੀ ਕੰਪਨੀ ਜ਼ੋਮੈਟੋ ਦੀ ਡ੍ਰੈਸ ਪਾ ਕੇ ਘੁੰਮਦੇ ਸਨ ਅਤੇ ਲੋਕਾਂ ਦੇ ਮੋਬਾਇਲ ਖੋਹ ਲੈਂਦੇ ਸਨ। ਮਾਮਲਾ ਇੰਦਰਪੁਰੀ ਥਾਣੇ ਦਾ ਹੈ। ਪੁਲਿਸ ਨੇ ਦਸਿਆ ਕਿ ਲਾਕਡਾਊਨ ਦੌਰਾਨ ਮੋਬਾਇਲ ਖੋਹੇ ਜਾਣ ਦੀਆਂ ਕਈ ਸ਼ਿਕਾਇਤਾਂ ਆਈਆਂ ਸਨ।

21 ਅਪ੍ਰੈਲ ਨੂੰ ਅਜਿਹੀ ਹੀ ਇਕ ਸ਼ਿਕਾਇਤ ਆਈ ਸੀ। ਹਸਪਤਾਲ ਵਿਚ ਤੈਨਾਤ ਇਕ ਸਿਕਿਊਰਿਟੀ ਗਾਰਡ ਦਾ ਫੋਨ ਖੋਹ ਲਿਆ ਗਿਆ। ਉਹ ਗੰਗਾਰਾਮ ਹਸਪਤਾਲ ਤੋਂ ਫੋਨ ਤੇ ਗੱਲ ਕਰਦੇ ਹੋਏ ਘਰ ਜਾ ਰਿਹਾ ਸੀ। ਉਦੋਂ ਹੀ ਮੋਟਰਸਾਇਕਲ ਤੇ ਆਏ ਦੋ ਨੌਜਵਾਨਾਂ ਨੇ ਉਸ ਦਾ ਮੋਬਾਇਲ ਖੋਹ ਲਿਆ। ਸ਼ਿਕਾਇਤ ਵਿਚ ਕਿਹਾ ਗਿਆ ਹੈ ਕਿ ਆਰੋਪੀ ਜ਼ੋਮੈਟੋ ਦੀ ਟੀਸ਼ਰਟ ਪਹਿਨੇ ਹੋਏ ਸਨ।

ਪੁਲਿਸ ਨੇ ਜ਼ੋਮੈਟੋ ਵਿਚ ਗੱਲ ਕੀਤੀ। ਕੰਪਨੀ ਤੋਂ ਪੁੱਛਿਆ ਗਿਆ ਤਾਂ ਉਹਨਾਂ ਦੇ ਕਿਹੜੇ ਕਰਮਚਾਰੀ ਅਜੇ ਵੀ ਸਰਗਰਮ ਹਨ। ਇਸ ਤੋਂ ਪੁਲਿਸ ਨੂੰ ਜ਼ਰੂਰੀ ਜਾਣਕਾਰੀ ਮਿਲੀ। ਇਸ ਤੋਂ ਬਾਅਦ ਮੁਖਬਰਾਂ ਦੀ ਜਾਣਕਾਰੀ ਦੇ ਆਧਾਰ ਤੇ ਦੋ ਆਰੋਪੀਆਂ ਨੂੰ ਫੜਿਆ ਗਿਆ। ਇਸ ਦੀ ਪਹਿਚਾਣ ਮੋਹਨ ਮਿਸ਼ਰਾ ਅਤੇ ਪਵਨ ਚੌਹਾਨ ਦੇ ਰੂਪ ਵਿਚ ਹੋਈ ਹੈ। ਮੋਹਨ ਪਹਿਲਾਂ ਵੀ ਸਨੈਚਿੰਗ ਕੇਸ ਵਿਚ ਗ੍ਰਿਫ਼ਤਾਰ ਹੋ ਚੁੱਕਾ ਹੈ।

ਕੋਰੋਨਾ ਵਾਇਰਸ ਦੇ ਕਾਰਨ ਸੜਕ 'ਤੇ ਪੁਲਿਸ ਦੀ ਮੌਜੂਦਗੀ ਵੱਧ ਗਈ ਸੀ। ਪਰ ਫੂਡ ਡਿਲਵਰੀ ਕਰਨ ਵਾਲੀਆਂ ਕੰਪਨੀਆਂ ਨੂੰ ਕੰਮ ਕਰਨ ਦੀ ਆਗਿਆ ਸੀ। ਅਜਿਹੀ ਸਥਿਤੀ ਵਿੱਚ ਮੋਹਨ ਨੇ ਆਪਣੇ ਦੋਸਤ ਅੰਕਿਤ ਨਾਲ ਗੱਲਬਾਤ ਕੀਤੀ। ਅੰਕਿਤ ਜ਼ੋਮੈਟੋ ਵਿਚ ਕੰਮ ਕਰਦਾ ਸੀ। ਮੋਹਨ ਨੇ ਅੰਕਿਤ ਨੂੰ ਕਿਹਾ ਕਿ ਜੇ ਉਹ ਕੰਮ ਨਹੀਂ ਕਰਦਾ ਤਾਂ ਉਸ ਦੀ ਆਈਡੀ ਨੂੰ ਡਿਐਕਟੀਵੇਟ ਕਰ ਦਿੱਤਾ ਜਾਵੇਗਾ।

ਅਜਿਹੇ ਵਿੱਚ ਅੰਕਿਤ ਨੇ ਆਪਣੀ ਆਈਡੀ ਅਤੇ ਕੱਪੜੇ ਮੋਹਨ ਨੂੰ ਦਿੱਤੇ ਸਨ। ਇਸ ਤੋਂ ਬਾਅਦ ਮੋਹਨ ਨੇ ਪਵਨ ਨਾਲ ਮਿਲ ਕੇ ਮੋਬਾਈਲ ਖੋਹਣੇ ਸ਼ੁਰੂ ਕਰ ਦਿੱਤੇ। ਪੁਲਿਸ ਦੇ ਅਨੁਸਾਰ ਜ਼ੋਮੈਟੇ ਦੇ ਪਹਿਰਾਵੇ ਅਤੇ ਬੈਗ ਨੇ ਉਹਨਾ ਦਾ ਕੰਮ ਹੋਰ ਆਸਾਨ ਕਰ ਦਿੱਤਾ।

ਉਹ ਬਿਨਾਂ ਕਿਸੇ ਪ੍ਰੇਸ਼ਾਨੀ ਦੇ ਪੁਲਿਸ ਬੈਰੀਕੇਡ ਪਾਰ ਕਰਦੇ ਸਨ। ਕਿਉਂਕਿ ਪੁਲਿਸ ਹੋਮ ਡਿਲਵਰੀ ਵਾਲਿਆਂ ਨੂੰ ਘਟ ਰੋਕਦੀ ਹੈ। ਪੁਲਿਸ ਨੇ ਮੁਲਜ਼ਮ ਕੋਲੋਂ ਚਾਰ ਫੋਨ ਬਰਾਮਦ ਕੀਤੇ ਹਨ। ਉਨ੍ਹਾਂ ਉੱਤੇ ਅੱਧੀ ਦਰਜਨ ਘਟਨਾਵਾਂ ਵਿੱਚ ਸ਼ਾਮਲ ਹੋਣ ਦਾ ਆਰੋਪ ਹੈ। ਇਹ ਮੁਲਜ਼ਮ ਕਰਾਵਲ ਨਗਰ ਤੋਂ ਇੰਦਰਪੁਰੀ ਤੱਕ ਦੇ ਜੁਰਮਾਂ ਵਿੱਚ ਸ਼ਾਮਲ ਹੋਏ ਹਨ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ।