Kashmiris worry for family no contact to jammu kashmir

ਨਵੀਂ ਦਿੱਲੀ: ਪਿਛਲੇ ਕਈ ਦਿਨਾਂ ਤੋਂ ਕਸ਼ਮੀਰ ਵਿਚ ਹਫੜਾ-ਦਫੜੀ ਦਾ ਮਾਹੌਲ ਹੈ। ਪਹਿਲਾਂ ਸਰਕਾਰ ਨੇ ਅਮਰਨਾਥ ਯਾਤਰੀਆਂ ਨੂੰ ਤੁਰੰਤ ਵਾਪਸ ਆਉਣ ਦਾ ਆਦੇਸ਼ ਜਾਰੀ ਕੀਤਾ। ਸੈਲਾਨੀਆਂ ਨੂੰ ਵਾਪਸ ਜਾਣ ਲਈ ਵੀ ਕਿਹਾ ਗਿਆ ਸੀ। ਫਿਰ ਕਸ਼ਮੀਰ ਵਿਚ ਭਾਰੀ ਮਾਤਰਾ ਵਿਚ ਸੁਰੱਖਿਆਬਲਾਂ ਨੂੰ ਤੈਨਾਤ ਕਰ ਦਿੱਤਾ। ਬਾਅਦ ਵਿਚ ਜੰਮੂ ਕਸ਼ਮੀਰ ਦੇ ਜ਼ਿਆਦਾਤਰ ਹਿੱਸਿਆਂ ਵਿਚ ਕਰਫਿਊ ਲਗਾ ਦਿੱਤਾ ਅਤੇ ਇੰਟਰਨੈਟ ਅਤੇ ਮੋਬਾਇਲ ਕਨੈਕਟਿਵਿਟੀ ਵੀ ਬੰਦ ਕਰ ਦਿੱਤੀ।

ਜਦੋਂ ਤੋਂ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਸੰਸਦ ਵਿਚ ਜੰਮੂ ਕਸ਼ਮੀਰ ਦੇ ਵਿਸ਼ੇਸ਼ ਦਰਜਾ ਦੇਣ ਵਾਲੇ ਸੰਵਿਧਾਨ ਦੇ ਆਰਟੀਕਲ 370 ਨੂੰ ਹਟਾਉਣ ਲਈ ਰਾਜ ਸਭਾ ਵਿਚ ਪ੍ਰਸਤਾਵ ਪੇਸ਼ ਕੀਤਾ ਹੈ। ਉਦੋਂ ਤੋਂ ਜੰਮੂ ਕਸ਼ਮੀਰ ਦਾ ਬਾਕੀ ਦੀ ਦੁਨੀਆ ਨਾਲੋਂ ਸਬੰਧ ਟੁੱਟ ਗਿਆ ਹੈ। ਅਮਿਤ ਸ਼ਾਹ ਲਿਖਦੇ ਹਨ ਕਿ ਉਹ ਕਸ਼ਮੀਰ ਵਿਚ ਮੌਜੂਦ ਅਪਣੇ ਪਰਵਾਰਨ ਨਾਲ ਗੱਲ ਨਹੀਂ ਕਰ ਸਕੇ। ਹਰ ਕਿਸੇ ਦੀ ਕਸ਼ਮੀਰ ਨੂੰ ਲੈ ਕੇ ਚਿੰਤਾ ਦਿਨ-ਬ-ਦਿਨ ਵਧਦੀ ਜਾ ਰਹੀ ਹੈ।

ਪੀਐਮ ਨੂੰ ਅਪੀਲ ਹੈ ਕਿ ਉਹ ਸੁਨਿਸ਼ਚਿਤ ਕਰਨ ਕਿ ਉਹ ਪਰਵਾਰ ਨਾਲ ਸੰਪਰਕ ਕਰ ਸਕਣ। ਇਕ ਯੂਜ਼ਰ ਲਿਖਦੇ ਹਨ ਕਿ ਉਹ ਕਸ਼ਮੀਰ ਤੋਂ ਹੈ। ਹੁਣ ਰਾਜਸਥਾਨ ਵਿਚ ਹੈ। ਅਪਣੇ ਪਰਵਾਰ ਨਾਲ ਗੱਲ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ ਪਰ ਕੋਈ ਸੰਪਰਕ ਨਹੀਂ ਹੋ ਰਿਹਾ ਕਿ ਉਹ ਠੀਕ ਹੈ ਜਾਂ ਨਹੀਂ। ਮਿਰਜਾ ਵਹੀਦ ਲਿਖਦੇ ਹਨ ਕਿ ਲਗਾਤਾਰ ਦੂਜਾ ਦਿਨ ਹੈ ਕਿ ਕਸ਼ਮੀਰ ਵਿਚ ਕਿਸੇ ਤੋਂ ਕੋਈ ਸੰਪਰਕ ਨਹੀਂ ਹੋ ਰਿਹਾ। ਪੂਰੀ ਤਰ੍ਹਾ ਸਨਾਟਾ ਹੈ।

ਦਸ ਦਈਏ ਕਿ ਅੱਜ ਕਾਂਗਰਸ ਆਗੂ ਗੁਲਾਮ ਨਬੀ ਆਜ਼ਾਦ ਨੇ ਵੀ ਕਿਹਾ ਕਿ ਉਸ ਦਾ ਜੰਮੂ ਵਿਚ ਅਪਣੇ ਭਰਾ ਨਾਲ ਸੰਪਰਕ ਨਹੀਂ ਹੋ ਰਿਹਾ। ਆਜ਼ਾਦ ਮੁਤਾਬਕ ਸਰਕਾਰ ਅਤੇ ਮੈਨਸਟ੍ਰੀਮ ਮੀਡੀਆ ਦਿਖਾ ਰਹੀ ਹੈ ਕਿ ਕਸ਼ਮੀਰ ਵਿਚ ਸ਼ਾਂਤੀ ਹੈ ਪਰ ਹਕੀਕਤ ਇਹ ਹੈ ਕਿ ਕਸ਼ਮੀਰ ਦੇ 22 ਵਿਚੋਂ 20 ਜ਼ਿਲ੍ਹਿਆਂ ਵਿਚ ਕਰਫਿਊ ਹੈ, ਮੋਬਾਇਲ, ਟੈਲੀਫੋਨ, ਇੰਟਰਨੈਟ, ਸੱਭ ਬੰਦ ਹਨ।  

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook ਤੇ ਲਾਈਕ Twitter  ਤੇ follow ਕਰੋ।