ਅਲਵਰ: ਪੁਲਿਸ ਅਤੇ ਵਕੀਲਾਂ ਦੇ ਵਿੱਚ ਦਿੱਲੀ ਦੀ ਜੰਗ ਹੁਣ ਦੂਜੇ ਰਾਜਾਂ ਵਿੱਚ ਵੀ ਫੈਲ ਗਈ ਹੈ। ਰਾਜਸਥਾਨ ਦੀ ਅਲਵਰ ਕੋਰਟ ਵਿੱਚ ਵਕੀਲਾਂ ਅਤੇ ਪੁਲਿਸ ਦੇ ਵਿੱਚ ਭੇੜ ਹੋ ਗਿਆ ਹੈ। ਅਲਵਰ ਕੋਰਟ ਵਿੱਚ ਵਕੀਲਾਂ ਨੇ ਹਰਿਆਣਾ ਪੁਲਿਸ ਦੇ ਇੱਕ ਜਵਾਨ ਉੱਤੇ ਹਮਲਾ ਬੋਲਿਆ ਹੈ। ਦੱਸ ਦਈਏ ਕਿ ਦਿੱਲੀ ਵਿੱਚ ਅੱਜ ਵੱਖ-ਵੱਖ ਹਿੱਸਿਆਂ ਵਿੱਚ ਵਕੀਲ ਪੁਲਿਸ ਦੇ ਖਿਲਾਫ ਪ੍ਰਦਰਸ਼ਨ ਕਰ ਰਹੇ ਹਨ।   ਜਿਸ ਤਰ੍ਹਾਂ ਦਿੱਲੀ ਪੁਲਿਸ ਦੇ ਸਮਰਥਨ ਵਿੱਚ ਹੋਰ IPS ਸੰਗਠਨ ਆ ਰਹੇ ਹਨ, ਉਂਜ ਹੀ ਵਕੀਲਾਂ ਦੇ ਸਮਰਥਨ ਵਿੱਚ ਹੋਰ ਰਾਜਾਂ  ਦੇ ਵਕੀਲ ਆ ਰਹੇ ਹਨ।