Kangna Support to Victim

ਮੁੰਬਈ : ਕੰਗਨਾ ਰਨੌਤ ਦੀ ਫਿਲਮ ‘ਕਵੀਨ’ ਦਾ ਨਿਰਦੇਸ਼ਨ ਕਰਨ ਵਾਲੇ ਵਿਕਾਸ ਬਹਿਲ ‘ਤੇ ਇਕ ਔਰਤ ਨੇ 3 ਸਾਲ ਪਹਿਲਾਂ ਸੈਕਸ਼ੂਅਲ ਹਿਰਾਸਮੈਂਟ ਦਾ ਦੋਸ਼ ਲਗਾਇਆ ਸੀ। ਇਹ ਮਹਿਲਾ ਹਾਲ ਹੀ ‘ਚ ਇਕ ਵਾਰ ਫਿਰ ਸਾਹਮਣੇ ਆਈ ਅਤੇ ਇਸ ਬਹਿਸ ਉਤੇ ਬਿਆਨ ਦਿਤਾ। ਇਸ ਤੋਂ ਬਾਅਦ ਖ਼ਬਰ ਆਈ ਕਿ ਇਸ ਦੋਸ਼ ਦੇ ਚਲਦੇ ਹੀ ਮਸ਼ਹੂਰ ਪ੍ਰੋਡਕਸ਼ਨ ਕੰਪਨੀ ਫੈਂਟਮ ਨੂੰ ਬੰਦ ਕਰ ਦਿਤਾ ਗਿਆ ਹੈ। ਇਸ ਮਾਮਲੇ ਵਿਚ ਹੁਣ ‘ਕਵੀਨ’ ਅਦਾਕਾਰਾ ਕੰਗਨਾ ਰਨੌਤ ਨੇ ਵੀ ਵਿਕਾਸ ਬਹਿਲ ਉਤੇ ਲੱਗੇ ਦੋਸ਼ ‘ਤੇ ਆਪਣੀ ਗੱਲ ਰੱਖੀ ਹੈ।

ਵਿਕਾਸ ਬਹਿਲ ਦੇ ਨਾਲ ਫਿਲਮ ਕਵੀਨ ਵਿਚ ਕੰਮ ਕਰਨ ਵਾਲੀ ਅਦਾਕਾਰਾ ਕੰਗਨਾ ਦੋਸ਼ ਲਗਾਉਣ ਵਾਲੀ ਉਸ ਔਰਤ ਦੇ ਸਮਰਥਨ ਵਿਚ ਅੱਗੇ ਆਈ ਹੈ। ਕੰਗਨਾ ਦਾ ਕਹਿਣਾ ਹੈ ਕਿ ਉਹ ਔਰਤ ਜੋ ਕਹਿ ਰਹੀ ਹੈ ਉਸ ਉਤੇ ਉਨ੍ਹਾਂ ਨੂੰ ਵਿਸ਼ਵਾਸ ਹੈ। ਮੀਡੀਆ ਨਾਲ ਗੱਲਬਾਤ ‘ਚ ਕੰਗਨਾ ਰਨੌਤ ਫਿਲਮ ਵਿਚ ਕੰਮ ਕਰਨ ਦੇ ਦੌਰਾਨ ਵਿਕਾਸ ਬਹਿਲ ਦੇ ਨਾਲ ਅਪਣੇ ਐਕਸਪੀਰੀਐਂਸ ਨੂੰ ਜਗ ਜ਼ਾਹਿਰ ਕਰਦੀ ਹੈ। ਕੰਗਨਾ ਨੇ ਕਿਹਾ ਕਿ ਵਿਆਹ ਹੋਣ ਦੇ ਬਾਵਜੂਦ ਵਿਕਾਸ ਹਰ ਦਿਨ ਨਵੇਂ ਪਾਰਟਨਰ ਨੂੰ ਮਿਲਦੇ ਸੀ। ਕੰਗਨਾ ਕਹਿੰਦੀ ਹੈ ਕਿ ਉਹ ਉਸ ਔਰਤ ਦੀਆਂ ਕਹੀਆਂ ਗੱਲਾਂ ਤੇ ਵਿਸ਼ਵਾਸ ਕਰਦੀ ਹੈ।

ਸਾਲ 2014 ‘ਚ ਅਸੀਂ ਫਿਲਮ ਕਵੀਨ ਬਣਾ ਰਹੇ ਸੀ। ਇਸ ਦੌਰਾਨ ਉਹ ਅਕਸਰ ਹੀ ਨਵੇਂ ਪਾਰਟਨਰ ਦੇ ਨਾਲ ਦਿਖਣ ਨੂੰ ਮਿਲਦੇ ਸੀ। ਉਹ ਹਰ ਰਾਤ ਪਾਰਟੀ ਕਰਦੇ ਸੀ ਅਤੇ ਇਸ ਤਰ੍ਹਾਂ ਨਾ ਕਰਨ ਲਈ ਸ਼ਰਮਿੰਦਾ ਕਰਦਾ ਸੀ ਕਿ ਤੁਸੀਂ ਰੋਜ਼ ਜਲਦੀ ਸੌ ਜਾਂਦੇ ਹੋ ਇਹ ਠੀਕ ਨਹੀਂ ਹੈ। ਕੰਗਨਾ ਨੇ ਅੱਗੇ ਦੱਸਿਆ ਕਿ ਉਹ ਕਈ ਵਾਰ ਇੰਨੇ ਨਜ਼ਦੀਕ ਆ ਜਾਂਦੇ ਸੀ ਕਿ ਜੋ ਬਿਲਕੁਲ ਠੀਕ ਨਹੀਂ ਲੱਗਦਾ ਸੀ। ਮੈਂ ਕਈ ਵਾਰ ਉਨ੍ਹਾਂ ਨੂੰ ਟੋਕਿਆ।