4 including newly married couple died due to drowning

 

ਭੋਪਾਲ: ਮੱਧ ਪ੍ਰਦੇਸ਼ ਦੇ ਰਤਲਾਮ 'ਚ ਨਵੇਂ ਵਿਆਹੇ ਜੋੜੇ ਸਮੇਤ 4 ਲੋਕਾਂ ਦੀ ਮੌਤ ਹੋ ਗਈ। ਇਸ ਜੋੜੇ ਦਾ ਇਕ ਮਹੀਨਾ ਪਹਿਲਾਂ ਹੀ ਵਿਆਹ ਹੋਇਆ ਸੀ। ਔਰਤ ਹੋਲੀ ਮਨਾਉਣ ਆਪਣੇ ਪੇਕੇ ਪਿੰਡ ਇਸਰਾਥੁਨੀ ਆਈ ਹੋਈ ਸੀ। ਮਰਨ ਵਾਲਿਆਂ ਵਿਚ ਉਸ ਦੇ ਦੋ ਭਰਾ ਵੀ ਸ਼ਾਮਲ ਹਨ। ਇਹ ਹਾਦਸਾ ਖੇਤ 'ਚ ਸਿੰਚਾਈ ਲਈ ਬਣੇ ਛੱਪੜ 'ਚ ਵਾਪਰਿਆ। ਔਰਤ ਦੇ ਪਰਿਵਾਰਕ ਮੈਂਬਰ ਖੇਤ ਵਿਚ ਮਜ਼ਦੂਰੀ ਦਾ ਕੰਮ ਕਰਦੇ ਹਨ।

ਇਹ ਵੀ ਪੜ੍ਹੋ: ਚਾਬਹਾਰ ਬੰਦਰਗਾਹ ਰਾਹੀਂ ਅਫਗਾਨਿਸਤਾਨ ਨੂੰ 20,000 ਮੀਟ੍ਰਿਕ ਟਨ ਕਣਕ ਭੇਜੇਗਾ ਭਾਰਤ

ਦੱਸਿਆ ਜਾ ਰਿਹਾ ਹੈ ਕਿ ਔਰਤ ਦੇ ਦੋ ਭਰਾਵਾਂ ਵਿਚੋਂ ਇਕ ਨਹਾਉਂਦੇ ਸਮੇਂ ਡੁੱਬਣ ਲੱਗਿਆ। ਉਸ ਨੂੰ ਬਚਾਉਣ ਦੀ ਕੋਸ਼ਿਸ਼ ਵਿਚ ਚਾਰੇ ਡੁੱਬ ਗਏ। ਪੁਲੀਸ ਅਤੇ ਪਿੰਡ ਦੇ ਲੋਕਾਂ ਨੇ ਚਾਰਾਂ ਨੂੰ ਬਾਹਰ ਕੱਢ ਕੇ ਜ਼ਿਲ੍ਹਾ ਹਸਪਤਾਲ ਪਹੁੰਚਾਇਆ, ਜਿੱਥੇ ਡਾਕਟਰਾਂ ਨੇ ਉਹਨਾਂ ਨੂੰ ਮ੍ਰਿਤਕ ਐਲਾਨ ਦਿੱਤਾ।

ਇਹ ਵੀ ਪੜ੍ਹੋ: ਗੁਰਦਾਸਪੁਰ: ਭਾਰਤ-ਪਾਕਿਸਤਾਨ ਸਰਹੱਦ 'ਤੇ ਡਰੋਨ ਦੀ ਦਸਤਕ: BSF ਨੇ ਕੀਤੇ 19 ਰਾਉਂਡ ਫਾਇਰ

ਐਸਪੀ ਅਭਿਸ਼ੇਕ ਤਿਵਾਰੀ ਨੇ ਦੱਸਿਆ ਕਿ ਹੁਣ ਤੱਕ ਦੀ ਜਾਂਚ ਵਿਚ ਸਾਹਮਣੇ ਆਇਆ ਹੈ ਕਿ 11-12 ਸਾਲ ਦੇ ਬੱਚੇ ਛੱਪੜ ਵਿਚ ਗਏ ਸਨ, ਉਹਨਾਂ ਨੂੰ ਬਚਾਉਣ ਲਈ ਨਵਵਿਆਹੁਤਾ ਜੋੜਾ ਵੀ ਛੱਪੜ ਵਿਚ ਵੜ ਗਿਆ ਸੀ। ਵਿਨੋਦ ਕਟਾਰਾ (23), ਪਤਨੀ ਰੂਪਾ ਕਟਾਰਾ (22), ਲਖਨ ਉਰਫ ਲੱਡੂ ਦੇਵਦਾ (12), ਕਿਸ਼ੋਰ ਉਰਫ ਆਲੂ ਦੇਵਦਾ (11) ਦੀ ਡੁੱਬਣ ਕਾਰਨ ਮੌਤ ਹੋ ਗਈ ਹੈ। ਲਖਨ ਅਤੇ ਕਿਸ਼ੋਰ ਰੂਪਾ ਦੇ ਭਰਾ ਹਨ।

ਇਹ ਵੀ ਪੜ੍ਹੋ: ਮਾਨਿਕ ਸਾਹਾ ਨੇ ਤ੍ਰਿਪੁਰਾ ਦੇ ਮੁੱਖ ਮੰਤਰੀ ਵਜੋਂ ਲਿਆ ਹਲਫ਼, ਪ੍ਰਧਾਨ ਮੰਤਰੀ ਵੀ ਸਮਾਰੋਹ ਵਿਚ ਹੋਏ ਸ਼ਾਮਲ

ਮੁੱਖ ਮੰਤਰੀ ਸ਼ਿਵਰਾਜ ਸਿੰਘ ਨੇ ਮ੍ਰਿਤਕਾਂ ਦੇ ਪਰਿਵਾਰ ਨੂੰ 4-4 ਲੱਖ ਰੁਪਏ ਦੀ ਸਹਾਇਤਾ ਦੇਣ ਦਾ ਐਲਾਨ ਕੀਤਾ ਹੈ। ਘਟਨਾ 'ਤੇ ਦੁੱਖ ਪ੍ਰਗਟ ਕਰਦੇ ਹੋਏ ਮੁੱਖ ਮੰਤਰੀ ਨੇ ਟਵੀਟ ਕੀਤਾ - ਰਤਲਾਮ ਦੇ ਜਾਮਥੁਨ ਵਿਚ ਇਕ ਤਲਾਬ ਵਿਚ ਇਕ ਕਬਾਇਲੀ ਪਰਿਵਾਰ ਦੇ ਚਾਰ ਮੈਂਬਰਾਂ ਦੇ ਡੁੱਬਣ ਦੀ ਘਟਨਾ ਬਹੁਤ ਦੁਖਦਾਈ ਹੈ। ਸਰਕਾਰ ਇਸ ਦੁੱਖ ਦੀ ਘੜੀ ਵਿਚ ਨਾਲ ਖੜੀ ਹੈ।