Cbse to conduct class 10th and 12th board exams from july 1st to july 15th

ਨਵੀਂ ਦਿੱਲੀ: ਕੋਰੋਨਾ ਵਾਇਰਸ ਕਾਰਨ ਦੇਸ਼ ਵਿੱਚ ਲਾਕਡਾਊਨ ਜਾਰੀ ਹੈ। ਇਹ ਲਾਕਡਾਊਨ 17 ਮਈ ਤੱਕ ਚੱਲੇਗਾ। ਇਸ ਦੌਰਾਨ ਮਨੁੱਖੀ ਸਰੋਤ ਵਿਕਾਸ ਮੰਤਰੀ ਡਾ. ਰਮੇਸ਼ ਪੋਖਰਿਆਲ ਨਿਸ਼ਾਂਕ ਨੇ ਇੱਕ ਟਵੀਟ ਰਾਹੀਂ ਜਾਣਕਾਰੀ ਦਿੱਤੀ ਹੈ ਕਿ ਬੋਰਡ ਦੀਆਂ ਬਾਕੀ ਪ੍ਰੀਖਿਆਵਾਂ ਜੁਲਾਈ ਵਿੱਚ ਹੋਣਗੀਆਂ।

ਨਿਸ਼ਾਂਕ ਨੇ ਕਿਹਾ ਕਿ ਲੰਬੇ ਸਮੇਂ ਤੋਂ ਸੀਬੀਐਸਈ 10 ਵੀਂ ਅਤੇ 12 ਵੀਂ ਦੀਆਂ ਬਾਕੀ ਪ੍ਰੀਖਿਆਵਾਂ ਦੀ ਤਰੀਕ ਦਾ ਇੰਤਜ਼ਾਰ ਸੀ, ਅੱਜ ਇਨ੍ਹਾਂ ਪ੍ਰੀਖਿਆਵਾਂ ਦੀ ਮਿਤੀ 1.07.2020 ਤੋਂ 15.07.2020 ਦੇ ਵਿਚਕਾਰ ਨਿਰਧਾਰਤ ਕੀਤੀ ਗਈ ਹੈ।  ਦੱਸ ਦਈਏ ਕਿ CBSE ਨੇ ਕਿਹਾ ਕਿ ਜੇ ਉਨ੍ਹਾਂ ਨੂੰ ਦਸ ਦਿਨਾਂ ਦਾ ਸਮਾਂ ਦਿੱਤਾ ਜਾਵੇਗਾ ਤਾਂ ਉਹ ਬਾਕੀ ਪ੍ਰੀਖਿਆਵਾਂ ਪੂਰੀ ਕਰ ਕੇ ਮੁਲਾਂਕਣ ਦਾ ਕੰਮ ਸ਼ੁਰੂ ਕਰ ਸਕਦੇ ਹਨ।

ਹੁਣ ਇਨ੍ਹਾਂ ਤਰੀਕਾਂ ਦੇ ਐਲਾਨ ਹੋਣ ਤੋਂ ਬਾਅਦ ਮੰਨਿਆ ਜਾ ਰਿਹਾ ਹੈ ਕਿ CBSE ਵੀ ਅਗਸਤ ਵਿੱਚ ਨਤੀਜਾ ਐਲਾਨ ਕਰੇਗਾ। ਇਸ ਦੇ ਨਾਲ ਹੀ CBSE ਨੇ ਇਹ ਵੀ ਸਪੱਸ਼ਟ ਕਰ ਦਿੱਤਾ ਸੀ ਕਿ 10 ਵੀਂ ਬੋਰਡ ਦੀਆਂ ਬਾਕੀ ਪ੍ਰੀਖਿਆਵਾਂ ਸਿਰਫ ਉੱਤਰ ਪੂਰਬੀ ਜ਼ਿਲ੍ਹੇ ਦਿੱਲੀ ਵਿੱਚ ਹੀ ਹੋਣਗੀਆਂ। ਬਾਕੀ CBSE 12 ਵੀਂ ਜਮਾਤ ਵਿੱਚ 29 ਮੁੱਖ ਵਿਸ਼ਿਆਂ ਦੀ ਪ੍ਰੀਖਿਆ ਲਵੇਗੀ।

CBSE ਦੇ ਸਕੱਤਰ ਅਨੁਰਾਗ ਤ੍ਰਿਪਾਠੀ ਨੇ ਸਪੱਸ਼ਟ ਕੀਤਾ ਸੀ ਕਿ CBSE ਬੋਰਡ ਉੱਤਰ ਪੂਰਬੀ ਦਿੱਲੀ ਨੂੰ ਛੱਡ ਕੇ ਕਿਤੇ ਵੀ ਦਸਵੀਂ ਜਮਾਤ ਦੀ ਪ੍ਰੀਖਿਆ ਨਹੀਂ ਲਵੇਗਾ। ਸਚਿਵ ਨੇ ਕਿਹਾ ਸੀ ਕਿ ਇਸ ਸਮੇਂ 10 ਵੀਂ ਬੋਰਡ ਦੀ ਪ੍ਰੀਖਿਆ ਵਿਚ ਸਿਰਫ 1-2 ਪ੍ਰੀਖਿਆਵਾਂ ਬਚੀਆਂ ਹਨ। ਇਸ ਦੇ ਲਈ ਉਹ ਪਹਿਲਾਂ ਤੋਂ ਲਈ ਗਈ ਪ੍ਰੀਖਿਆ ਦਾ ਅੰਦਰੂਨੀ ਮੁਲਾਂਕਣ ਕਰਨਗੇ ਜਿਸ ਵਿੱਚ ਉਹ ਬਾਕੀ ਪ੍ਰੀਖਿਆ ਲਈ ਔਸਤ ਅਤੇ ਹੋਰ ਫਾਰਮੂਲੇ ਤੋਂ ਰਿਜ਼ਲਟ ਦੇਣਗੇ।

CBSE ਸੈਕਟਰੀ ਨੇ ਕਿਹਾ ਕਿ ਇਸ ਵੇਲੇ 10 ਵੀਂ ਜਮਾਤ ਲਈ ਕੋਈ ਨਵੀਂ ਪ੍ਰੀਖਿਆ ਜ਼ਰੂਰੀ ਨਹੀਂ ਹੈ। ਇਹ ਬਾਕੀ ਪ੍ਰੀਖਿਆਵਾਂ ਸਿਰਫ ਉੱਤਰ-ਪੂਰਬੀ ਜ਼ਿਲ੍ਹੇ ਦੇ ਦਿੱਲੀ ਵਿੱਚ ਹੀ ਲਈਆਂ ਜਾਣਗੀਆਂ ਕਿਉਂਕਿ ਫਿਰਕੂ ਹਿੰਸਾ ਕਾਰਨ ਬੱਚਿਆਂ ਦੀ ਵੱਡੀ ਗਿਣਤੀ ਵਿੱਚ ਇਮਤਿਹਾਨ ਰਹਿ ਗਏ ਸਨ।

ਉੱਥੇ ਹੀ ਤੁਹਾਨੂੰ 12 ਵੀਂ ਬਾਰੇ ਦਸ ਦਈਏ ਕਿ CBSE ਸਿਰਫ 29 ਮੁੱਖ ਵਿਸ਼ਿਆਂ ਦੀ ਪ੍ਰੀਖਿਆ ਲਵੇਗੀ। ਅਨੁਰਾਗ ਤ੍ਰਿਪਾਠੀ ਨੇ ਕਿਹਾ ਕਿ ਉਹ ਕੇਂਦਰ ਸਰਕਾਰ ਨੂੰ ਅਪੀਲ ਕਰ ਰਹੇ ਹਨ ਕਿ ਸੋਸ਼ਲ ਡਿਸਟੈਂਸਟਿੰਗ ਦੇ ਨਿਯਮਾਂ ਨੂੰ ਮੰਨਦੇ ਹੋਏ ਬੋਰਡ ਪ੍ਰੀਖਿਆ ਦੀ ਕਾਪੀ ਦਾ ਮੁਲਾਂਕਣ ਕਰਨ ਦੇਣ। 70 ਫ਼ੀਸਦੀ ਤੋਂ ਵਧ ਮੁਲਾਂਕਣ ਕੀਤਾ ਜਾਣਾ ਹੈ। ਇਸ ਨੂੰ ਪੂਰਾ ਕਰਨ ਲਈ 1.5 ਮਹੀਨਿਆਂ ਦਾ ਸਮਾਂ ਚਾਹੀਦਾ ਹੈ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ।