Fire At Hospital In Nagpur

ਨਾਗਪੁਰ : ਮਹਾਰਾਸ਼ਟਰ ਦੇ ਨਾਗਪੁਰ ਵਿਚ ਕਿੰਗਸਵੇ ਰੋਡ 'ਤੇ ਸਥਿਤ ਇਕ ਹਸਪਤਾਲ ਵਿਚ ਬੁੱਧਵਾਰ ਨੂੰ ਅੱਗ ਲੱਗ ਗਈ।  ਖਬਰ ਦੇ ਮੁਤਾਬਕ 20 ਲੋਕ ਹਸਪਤਾਲ ਵਿਚ ਫਸ ਗਏ। ਹਸਪਤਾਲ ਵਿਚ ਉਸਾਰੀ ਕਾਰਜ ਚੱਲ ਰਿਹਾ ਸੀ।

ਘਟਨਾ ਥਾਂ 'ਤੇ ਦਮਕਲ ਦੀਆਂ 10 ਗਡੀਆਂ ਮੌਜੂਦ ਹਨ। ਖਬਰ ਹੈ ਕਿ ਹਾਲਤ ਹੁਣ ਕਾਬੂ ਵਿਚ ਹਨ। ਫੌਜ ਦੇ ਜਵਾਨਾਂ ਨੇ ਅੱਗ ਨੂੰ ਬੁਝਾਉਣ ਵਿਚ ਮਦਦ ਕੀਤੀ। ਕਥਿਤ ਤੌਰ 'ਤੇ ਸ਼ਾਰਟ ਸਰਕਿਟ ਦੇ ਕਾਰਨ ਅੱਗ ਲੱਗ ਗਈ।

7 ਲੋਕਾਂ ਦੇ ਜ਼ਖ਼ਮੀ ਹੋਣ ਦੀ ਖਬਰ ਹੈ,  ਜਿਸ ਵਿਚੋਂ 2 ਦੀ ਹਾਲਤ ਗੰਭੀਰ ਹੈ। 10 ਮੰਜ਼ਿਲਾ ਹਸਪਤਾਲ ਦੀ ਇਮਾਰਤ ਕੱਚ ਨਾਲ ਬਣੀ ਸੀ, ਅਜਿਹੇ 'ਚ ਦਮਕਲ ਕਰਮੀਆਂ ਨੂੰ ਅੱਗ ਨੂੰ ਬੁਝਾਉਣ ਵਿਚ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ।

ਅੱਗ ਲੱਗਣ ਨਾਲ ਭਾਰੀ ਨੁਕਸਾਨ ਦਾ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ। ਸ਼ਾਰਟ ਸਰਕਿਟ ਨਾਲ ਲੱਗੀ ਅੱਗ ਨਾਲ ਇਲਾਕੇ ਵਿਚ ਧੁੰਆ - ਧੁੰਆ ਹੋ ਗਿਆ।