File Photo

ਨਵੀਂ ਦਿੱਲੀ : ਅੱਜ ਵੀਰਵਾਰ ਨੂੰ ਦਿੱਲੀ ਦੇ ਮੁੱਖ ਅਰਵਿੰਦ ਕੇਜਰੀਵਾਲ ਨੇ ਆਪਣੀ ਸਰਕਾਰ ਦਾ ਰਿਪੋਰਟ ਕਾਰਡ ਪੇਸ਼ ਕਰਦੇ ਸਮੇਂ ਜਵਾਹਰ ਲਾਲ ਨਹਿਰੂ ਵਿਚ ਹੋਈ ਹਿੰਸਾ ਨੂੰ ਲੈ ਕੇ ਕੇਂਦਰ ਸਰਕਾਰ 'ਤੇ ਨਿਸ਼ਾਨਾ ਸਾਧਿਆ ਹੈ। ਕੇਜਰੀਵਾਲ ਨੇ ਕਿਹਾ ਕਿ ਕੇਂਦਰ ਸਰਕਾਰ ਦਿੱਲੀ ਪੁਲਿਸ ਨੂੰ ਜਿਵੇ ਹੁਕਮ ਦਿੰਦੀ ਹੈ ਉਹ ਇਵੇਂ ਹੀ ਕੰਮ ਕਰਦੀ ਹੈ।

ਜੇਐਨਯੂ ਹਿੰਸਾ 'ਤੇ ਕੇਜਰੀਵਾਲ ਨੇ ਕੇਂਦਰ ਸਰਕਾਰ ਨੂੰ ਆੜੇ ਹੱਥੀ ਲੈਂਦਿਆ ਕਿਹਾ ਕਿ ''ਇਸ ਵਿਚ ਦਿੱਲੀ ਪੁਲਿਸ ਦੀ ਗਲਤੀ ਨਹੀਂ ਹੈ। ਉਨ੍ਹਾਂ ਨੂੰ ਤਾਂ ਉੱਪਰ ਤੋਂ  ਹੁਕਮ ਆਉਂਦਾ ਹੈ, ਕਿਹਾ ਜਾਂਦਾ ਹੈ ਕਿ ਹਿੰਸਾ ਹੋਣ ਦੇਵੋ, ਹਮਲਾ ਕਰਕੇ ਹਮਲਾਵਾਰ ਨੂੰ ਨਿਕਲਣ ਦੇਵੋ''।

ਅਰਵਿੰਦ ਕੇਜਰੀਵਾਲ ਨੇ ਕਿਹਾ ਕਿ ''ਦਿੱਲੀ ਪੁਲਿਸ ਕੀ ਕਰ ਸਕਦੀ ਹੈ? ਉੱਪਰ ਤੋਂ ਜੇਕਰ ਹੁਕਮ ਆਇਆ ਹੈ ਕਿ ਹਿੰਸਾ ਰੋਕਣੀ ਨਹੀਂ ਹੈ, ਲਾਅ ਐਡ ਆਰਡਰ ਠੀਕ ਨਹੀਂ ਕਰਨਾ ਹੈ ਤਾਂ ਉਹ ਬਿਚਾਰੇ ਕੀ ਕਰਨਗੇ। ਜੇਕਰ ਆਰਡਰ ਨਹੀਂ ਮੰਨਣਗੇ ਤਾਂ ਸਸਪੈਂਡ ਹੋ ਜਾਣਗੇ''।

ਉਨ੍ਹਾਂ ਨੇ ਆਪਣੀ ਸਰਕਾਰ ਦਾ ਰਿਪੋਰਟ ਕਾਰਡ ਪੇਸ਼ ਕਰਦੇ ਹੋਏ ਐਮਸੀਡੀ ਅਤੇ ਭਾਰਤੀ ਜਨਤਾ ਪਾਰਟੀ ਨੂੰ ਵੀ ਘੇਰਿਆ। ਉਨ੍ਹਾਂ ਨੇ ਕਿਹਾ ਕਿ ਦਿੱਲੀ ਦੇ ਸਰਕਾਰੀ ਸਕੂਲਾਂ ਦੀ ਹਾਲਤ ਐਮਸੀਡੀ ਦੇ ਸਕੂਲਾਂ ਦੇ ਨਾਲ-ਨਾਲ ਪ੍ਰਾਈਵੇਟ ਸਕੂਲਾਂ ਤੋਂ ਵੀ ਵਧੀਆ ਹੈ। ਕੇਜਰੀਵਾਲ ਨੇ ਆਪਣੀ ਸਰਕਾਰ ਦੀ ਉੱਪਲਬਧੀਆ ਗਿਣਾਉਂਦਿਆ ਕਿਹਾ ਕਿ ''ਡੋਰ ਸਟੈਪ ਸਰਵਿਸ ਨਾਲ ਰਿਸ਼ਵਤ ਬੰਦ ਕੀਤੀ ਹੈ। ਸਰਕਾਰ ਹਰ ਪ੍ਰੋਜੈਕਟ ਵਿਚ ਪੈਸੇ ਬਚਾ ਰਹੀ ਹੈ''। ਉਨ੍ਹਾਂ ਨੇ ਕਿਹਾ ਕਿ ਵਜੀਰਪੁਰ ਫਲਾਈਓਵਰ ਵਿਚ ਲਗਭਗ 100 ਕਰੋੜ ਰੁਪਏ ਬਚਾਏ ਗਏ ਹਨ।