Nearly 15% protein supplements unsafe for consumption: Survey

 

ਨਵੀਂ ਦਿੱਲੀ: ਫੂਡ ਸੇਫਟੀ ਐਂਡ ਸਟੈਂਡਰਡ ਅਥਾਰਟੀ ਆਫ ਇੰਡੀਆ (FSSAI) ਦੁਆਰਾ ਕਰਵਾਏ ਗਏ ਇਕ ਸਰਵੇਖਣ ਵਿਚ ਪਾਇਆ ਗਿਆ ਕਿ ਲਗਭਗ 15% ਪ੍ਰੋਟੀਨ ਸਪਲੀਮੈਂਟ ਖਪਤ ਲਈ ਅਸੁਰੱਖਿਅਤ ਪਾਏ ਗਏ ਹਨ। ਸਰਵੇਖਣ ਦੇ ਨਤੀਜਿਆਂ ਦਾ ਹਵਾਲਾ ਦਿੰਦੇ ਹੋਏ ਦੱਸਿਆ ਗਿਆ ਕਿ 2021-22 ਦੇ ਸਰਵੇਖਣ ਦੌਰਾਨ ਟੈਸਟ ਕੀਤੇ ਗਏ 144,345 ਨਮੂਨਿਆਂ ਵਿਚੋਂ 4,890 ਅਸੁਰੱਖਿਅਤ ਪਾਏ ਗਏ ਅਤੇ 16,582 ਨਮੂਨੇ ਘਟੀਆ ਪਾਏ ਗਏ। ਇਸ ਤੋਂ ਇਲਾਵਾ 11,482 ਹੋਰ ਨਮੂਨਿਆਂ ਵਿਚ ਗਲਤ ਲੇਬਲਿੰਗ ਅਤੇ ਪੈਕੇਜਿੰਗ 'ਤੇ ਗੁੰਮਰਾਹਕੁੰਨ ਜਾਣਕਾਰੀ ਪਾਈ ਗਈ।

ਇਹ ਵੀ ਪੜ੍ਹੋ: ਹੁਣ ਬਿਨਾਂ ਸੈੱਟ ਟਾਪ ਬਾਕਸ ਦੂਰਦਰਸ਼ਨ ਚੈਨਲ ਦੇਖ ਸਕਣਗੇ ਟੈਲੀਵਿਜ਼ਨ ਦਰਸ਼ਕ, BIS ਨੇ ਜਾਰੀ ਕੀਤੇ ਨਿਰਦੇਸ਼  

ਪ੍ਰੋਟੀਨ ਪਾਊਡਰ ਨੂੰ ਆਮ ਤੌਰ 'ਤੇ ਮਾਸਪੇਸ਼ੀਆਂ ਬਣਾਉਣ ਲਈ ਖੁਰਾਕ ਪੂਰਕ ਵਜੋਂ ਵਰਤਿਆ ਜਾਂਦਾ ਹੈ। ਲੋਕਾਂ ਨੇ ਦੱਸਿਆ ਕਿ ਫੂਡ ਰੈਗੂਲੇਟਰ ਨੇ ਘੱਟੋ-ਘੱਟ 4,900 ਡਿਫਾਲਟਰਾਂ ਵਿਰੁੱਧ ਅਪਰਾਧਿਕ ਕਾਰਵਾਈ ਸ਼ੁਰੂ ਕੀਤੀ ਹੈ, ਜਦਕਿ 28,906 ਹੋਰ ਮਾਮਲਿਆਂ ਵਿਚ ਸਿਵਲ ਕੇਸ ਸ਼ੁਰੂ ਕੀਤੇ ਗਏ ਹਨ। ਖੁਰਾਕ ਪੂਰਕਾਂ ਤੋਂ ਇਲਾਵਾ ਫੂਡ ਰੈਗੂਲੇਟਰ, ਨਿਊਟਰਾਸਿਊਟੀਕਲਾਂ ਦੇ ਸਰਕੂਲੇਸ਼ਨ 'ਤੇ ਪਾਬੰਦੀਆਂ ਨੂੰ ਲਾਗੂ ਕਰਨ ਲਈ ਹਿੱਸੇਦਾਰਾਂ ਨਾਲ ਵੀ ਕੰਮ ਕਰ ਰਿਹਾ ਹੈ, ਜੋ ਫਾਰਮਾਸਿਊਟੀਕਲ ਅਤੇ ਪੌਸ਼ਟਿਕ ਉਤਪਾਦਾਂ ਦੋਵਾਂ ਦੀਆਂ ਵਿਸ਼ੇਸ਼ਤਾਵਾਂ ਵਾਲੇ ਫਾਰਮਾਸਿਊਟੀਕਲ ਦੇ ਵਿਕਲਪ ਵਜੋਂ ਵੇਚੇ ਜਾਂਦੇ ਹਨ।

ਇਹ ਵੀ ਪੜ੍ਹੋ: ਐਨੀਮੇਸ਼ਨ-ਮਲਟੀਮੀਡੀਆ ਕੋਰਸ ਦੇ ਨਾਂਅ 'ਤੇ 2.90 ਲੱਖ ਰੁਪਏ ਦੀ ਠੱਗੀ, ਅਦਾਕਾਰ ਸਣੇ ਚਾਰ ਖ਼ਿਲਾਫ਼ FIR ਦੇ ਹੁਕਮ

2016 ਵਿਚ, ਰੈਗੂਲੇਟਰ ਨੇ ਭੋਜਨ ਦੀਆਂ ਅੱਠ ਸ਼੍ਰੇਣੀਆਂ ਲਈ ਨਿਯਮ ਤਿਆਰ ਕਰਕੇ ਇਹਨਾਂ ਉਤਪਾਦਾਂ ਦੀ ਵਿਕਰੀ ਨੂੰ ਨਿਯੰਤ੍ਰਿਤ ਕਰਨ ਦੀ ਪ੍ਰਕਿਰਿਆ ਸ਼ੁਰੂ ਕੀਤੀ।  ਇਸ ਵਿਚ ਸ਼ਾਮਲ ਸ਼੍ਰੇਣੀਆਂ ਵਿਚ ਸਿਹਤ ਪੂਰਕ, ਨਿਊਟਰਾਸਿਊਟੀਕਲ, ਵਿਸ਼ੇਸ਼ ਖੁਰਾਕ ਦੀ ਵਰਤੋਂ ਲਈ ਭੋਜਨ, ਵਿਸ਼ੇਸ਼ ਡਾਕਟਰੀ ਉਦੇਸ਼ਾਂ ਲਈ ਭੋਜਨ, ਪੌਦਿਆਂ ਜਾਂ ਬਨਸਪਤੀ ਪਦਾਰਥਾਂ ਵਾਲੇ ਵਿਸ਼ੇਸ਼ ਭੋਜਨ, ਪ੍ਰੋਬਾਇਓਟਿਕਸ ਵਾਲੇ ਭੋਜਨ, ਪ੍ਰੀਬਾਇਓਟਿਕਸ ਵਾਲੇ ਭੋਜਨ ਅਤੇ ਨਵੇਂ ਭੋਜਨ ਸ਼ਾਮਲ ਸਨ।

ਇਹ ਵੀ ਪੜ੍ਹੋ: ਮਾਸਕੋ ਤੋਂ ਗੋਆ ਆ ਰਹੇ ਜਹਾਜ਼ ’ਚ ਬੰਬ ਹੋਣ ਦੀ ਮਿਲੀ ਧਮਕੀ, 10 ਘੰਟੇ ਦੀ ਤਲਾਸ਼ੀ ਮਗਰੋਂ ਕੁਝ ਵੀ ਸ਼ੱਕੀ ਨਹੀਂ ਮਿਲਿਆ

ਫੂਡ ਸੇਫਟੀ ਸਟੈਂਡਰਡਜ਼ ਐਂਡ ਰੈਗੂਲੇਸ਼ਨਜ਼ 2016 ਦੇ ਨਿਯਮਾਂ ਤਹਿਤ ਇਹਨਾਂ ਭੋਜਨਾਂ ਵਿਚ ਹਾਰਮੋਨ, ਸਟੀਰੌਇਡ ਜਾਂ ਮਨੋਵਿਗਿਆਨਕ ਤੱਤ ਸ਼ਾਮਲ ਹੋਣ ਦੀ ਇਜਾਜ਼ਤ ਨਹੀਂ ਸੀ। ਕੇਂਦਰ ਸਰਕਾਰ ਦੇ ਇਕ ਸੀਨੀਅਰ ਅਧਿਕਾਰੀ ਨੇ ਕਿਹਾ, "ਬਾਜ਼ਾਰ ਵਿਚ ਉਤਪਾਦਾਂ ਦੀ ਗੁਣਵੱਤਾ ਦਾ ਭਰੋਸਾ ਭੋਜਨ ਰੈਗੂਲੇਟਰ ਦੀ ਮੁੱਖ ਚਿੰਤਾ ਹੈ ਅਤੇ ਸਰਵੇਖਣ ਅਕਸਰ ਜ਼ਮੀਨੀ ਸਥਿਤੀ ਨੂੰ ਜਾਣਨ ਲਈ ਕੀਤੇ ਜਾਂਦੇ ਹਨ ਜਿਵੇਂ ਕਿ ਕੁਝ ਸਾਲ ਪਹਿਲਾਂ ਇਕ ਰਾਸ਼ਟਰੀ ਪੱਧਰ ਦਾ ਦੁੱਧ ਸਰਵੇਖਣ ਵੀ ਸ਼ੁਰੂ ਕੀਤਾ ਗਿਆ ਸੀ, ਜਿਸ ਜ਼ਰੀਏ ਇਹ ਪਤਾ ਲਗਾਉਣ ਦੀ ਕੋਸ਼ਿਸ਼ ਕੀਤੀ ਗਈ ਕਿ ਬਾਜ਼ਾਰਾਂ ਵਿਚ ਕੀ ਵੇਚਿਆ ਜਾ ਰਿਹਾ ਹੈ।”