Robert Vadra on Sam Pitroda's 'racist' remark

Sam Pitroda remark: ਸੈਮ ਪਿਤਰੋਦਾ ਦੇ ਨਸਲੀ ਬਿਆਨ ਨਾਲ ਘਮਾਸਾਨ ਮਚਿਆ ਹੋਇਆ ਹੈ। ਜਦੋਂ ਇਹ ਬਿਆਨ ਅੱਗ ਦੀ ਤਰ੍ਹਾਂ ਫੈਲਿਆ ਤਾਂ ਪਿਤਰੋਦਾ ਨੂੰ ਤੁਰਤ ਅਸਤੀਫ਼ਾ ਦੇਣਾ ਪਿਆ। ਹੁਣ ਕਾਂਗਰਸ ਨੇਤਾ ਪ੍ਰਿਅੰਕਾ ਗਾਂਧੀ ਵਾਡਰਾ ਦੇ ਪਤੀ ਰਾਬਰਟ ਵਾਡਰਾ ਨੇ ਸੈਮ ਪਿਤਰੋਦਾ ਦੀ ‘ਨਸਲਵਾਦੀ’ ਟਿੱਪਣੀ ਨੂੰ ਰੱਦ ਕਰ ਦਿਤਾ ਹੈ।

ਇਸ ਗੱਲ ’ਤੇ ਹੈਰਾਨੀ ਪ੍ਰਗਟ ਕੀਤੀ ਕਿ ਇੰਨਾ ਪੜ੍ਹਿਆ -ਲਿਖਿਆ ਵਿਅਕਤੀ ਅਜਿਹੀਆਂ ਟਿਪਣੀਆਂ ਕਿਵੇਂ ਕਰ ਸਕਦਾ ਹੈ। ਵਾਡਰਾ ਨੇ ਇਹ ਵੀ ਕਿਹਾ ਕਿ ਉਹ ਓਵਰਸੀਜ਼ ਇੰਡੀਆ ਕਾਂਗਰਸ ਦੇ ਸਾਬਕਾ ਪ੍ਰਧਾਨ ਦੀ ਇਸ ਦਲੀਲ ਨਾਲ ਪੂਰੀ ਤਰ੍ਹਾਂ ਅਸਹਿਮਤ ਹਨ ਕਿ ਉਨ੍ਹਾਂ ਨੂੰ ਅਪਣੀਆਂ ਟਿਪਣੀਆਂ ਨਾਲ ਵਧੇਰੇ ਜ਼ਿੰਮੇਵਾਰ ਹੋਣਾ ਚਾਹੀਦਾ ਸੀ।

ਵਾਡਰਾ ਨੇ ਕਿਹਾ, “ਜਦੋਂ ਤੁਸੀਂ ਇਸ (ਗਾਂਧੀ) ਪ੍ਰਵਾਰ ਨਾਲ ਜੁੜੇ ਹੁੰਦੇ ਹੋ, ਤਾਂ ਵੱਡੀ ਤਾਕਤ ਦੇ ਨਾਲ ਵੱਡੀ ਜ਼ਿੰਮੇਵਾਰੀ ਵੀ ਆਉਂਦੀ ਹੈ, ਤੁਹਾਨੂੰ ਕੋਈ ਵੀ ਕਦਮ ਚੁੱਕਣ ਤੋਂ ਪਹਿਲਾਂ ਸੋਚਣਾ ਚਾਹੀਦਾ ਹੈ। ਸੈਮ ਪਿਤਰੋਦਾ ਦੀ ਗੱਲ ਨਾਲ ਮੈਂ ਅਸਹਿਮਤ ਹਾਂ। ਬਕਵਾਸ ਹੀ ਕੀਤੀ ਹੈ... ਕੋਈ ਪੜ੍ਹੇ-ਲਿਖੇ ਵਿਅਕਤੀ ਕਿਵੇਂ ਕੁੱਝ ਵੀ ਕਹਿ ਸਕਦਾ ਹੈ ਇਸ ਤਰ੍ਹਾਂ? ਉਹ ਰਾਜੀਵ ਗਾਂਧੀ ਦੇ ਬਹੁਤ ਕਰੀਬ ਸਨ, ਪਰ ਉਨ੍ਹਾਂ ਨੂੰ ਥੋੜਾ ਹੋਰ ਜ਼ਿੰਮੇਵਾਰ ਹੋਣਾ ਚਾਹੀਦਾ ਹੈ। ਰਾਹੁਲ ਗਾਂਧੀ ਅਤੇ ਪਿ੍ਰਯੰਕਾ ਗਾਂਧੀ ਵਾਡਰਾ ਕੋਸ਼ਿਸ਼ ਕਰ ਰਹੇ ਹਨ, ਪਰ ਉਨ੍ਹਾਂ ਦੇ ਇਕ ਬਿਆਨ ਕਾਰਨ ਭਾਜਪਾ ਨੂੰ ਬੇਲੋੜੇ ਮੁੱਦੇ ਉਠਾਉਣ ਦਾ ਮੌਕਾ ਮਿਲ ਜਾਂਦਾ ਹੈ।

ਵਾਡਰਾ ਨੇ ਕਿਹਾ, “ਤੁਸੀਂ ਇਥੇ ਆਉਂਦੇ ਹੋ ਅਤੇ ਇਸ ਸਰਕਾਰ ਦੀਆਂ ਗ਼ਲਤੀਆਂ ਬਾਰੇ ਗੱਲ ਕਰਦੇ ਹੋ, ਕਮੀਆਂ ਵਲ ਧਿਆਨ ਦਿੰਦੇ ਹੋ। ਪਰ ਤੁਸੀਂ ਸੋਫੇ ’ਤੇ ਬੈਠ ਕੇ ਕੁਝ ਵੀ ਕਹਿ ਰਹੇ ਹੋ, ਜੋ ਕਿ ਪੂਰੀ ਤਰ੍ਹਾਂ ਬਕਵਾਸ ਹੈ। ਮੈਂ ਬਹੁਤ ਖ਼ੁਸ਼ ਹਾਂ ਕਿ ਉਹ ਸੇਵਾਮੁਕਤ ਹੋ ਗਏ ਹਨ। ਮੈਂ ਉਨ੍ਹਾਂ ਨੂੰ ਕੱਲ ਲਿਖਿਆ ਸੀ ਕਿ ਇਹ ਸਭ ਗ਼ਲਤ ਹੈ।’’

(For more Punjabi news apart from Robert Vadra on Sam Pitroda's 'racist' remark, stay tuned to Rozana Spokesman)