ਹੈਦਰਾਬਾਦ: ਜਮਾਤ ਦੇ ਲੜਕਿਆਂ ਤੋਂ ਪਰੇਸ਼ਾਨ ਹੋ ਕੇ 10ਵੀਂ ਦਾ ਵਿਦਿਆਰਥੀ ਅਪਣੇ ਘਰ ਵਿਚ ਖ਼ੁਦਕੁਸ਼ੀ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਸੀ। ਪੁਲਿਸ ਮੁਤਾਬਕ ਲੜਕੇ ਦੀ ਜਮਾਤ ਵਿਚ ਪੜ੍ਹਨ ਵਾਲੇ ਲੜਕੇ ਉਸ ਨੂੰ ਪਰੇਸ਼ਾਨ ਕਰਦੇ ਸਨ ਅਤੇ ਉਸ ਕੋਲੋ ਪੈਸੇ ਮੰਗਦੇ ਸਨ। ਇਹ ਮਾਮਲਾ ਹੈਦਰਾਬਾਦ ਦਾ ਹੈ। ਖ਼ਬਰ ਮੁਤਾਬਕ ਤਿੰਨ ਜੁਲਾਈ ਨੂੰ 15 ਸਾਲ ਦਾ ਇਕ ਲੜਕਾ ਅਪਣੇ ਘਰ ਵਿਚ ਪੱਖੇ ਨਾਲ ਲਟਕ ਕੇ ਖੁਦਕੁਸ਼ੀ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਸੀ ਪਰ ਉਸ ਸਮੇਂ ਉਸ ਦੇ ਪਰਵਾਰ ਨੇ ਉਸ ਨੂੰ ਦੇਖ ਲਿਆ ਸੀ ਅਤੇ ਉਸ ਨੂੰ ਹਸਪਤਾਲ ਲੈ ਕੇ ਗਏ।
ਮੈਡੀਕਲ ਜਾਂਚ ਤੋਂ ਪਤਾ ਚਲਿਆ ਹੈ ਕਿ ਉਹ ਪੂਰੀ ਤਰ੍ਹਾਂ ਠੀਕ ਹੈ। ਪੁਲਿਸ ਮੁਤਾਬਕ ਬਾਅਦ ਵਿਚ ਲੜਕੇ ਨੇ ਅਪਣੇ ਪਰਵਾਰ ਨੂੰ ਦਸਿਆ ਕਿ ਉਸ ਦੀ ਜਮਾਤ ਦੇ ਤਿੰਨ ਲੜਕੇ ਉਸ ਨੂੰ ਖਿਝਾਉਂਦੇ ਹਨ ਅਤੇ ਉਸ ਕੋਲੋਂ ਇਕ ਹਜ਼ਾਰ ਮੰਗ ਰਹੇ ਹਨ। ਇਸ ਗੱਲ ਤੋਂ ਪਰੇਸ਼ਾਨ ਹੋ ਕੇ ਉਸ ਨੇ ਆਤਮ ਹੱਤਿਆ ਕਰਨ ਦੀ ਕੋਸ਼ਿਸ਼ ਕੀਤੀ।
ਲੜਕੇ ਦੇ ਪਿਤਾ ਨੀ ਸ਼ਿਕਾਇਤ ਤੋਂ ਬਾਅਦ ਪੁਲਿਸ ਨੇ ਐਂਟੀ ਰੈਗਿੰਗ ਐਕਟ ਅਤੇ ਆਈਪੀਸੀ ਦੀ ਧਾਰਾ 384 ਤਹਿਤ ਤਿੰਨ ਲੜਕਿਆਂ ਵਿਰੁਧ ਮਾਮਲਾ ਦਰਜ ਕਰ ਲਿਆ ਹੈ। ਪੁਲਿਸ ਮੁਤਾਬਕ ਤਿੰਨਾਂ ਲੜਕਿਆਂ ਨੂੰ ਮੰਗਲਵਾਰ ਨੂੰ ਫੜ ਲਿਆ ਗਿਆ ਹੈ।