ਟ੍ਰੇਨ ਦੇ ਇੰਜਣ 'ਤੇ ਚੜ੍ਹਿਆ ਸਿਰਫਿਰਾ, ਪੁੱਛਿਆ ਚੰਦਰਯਾਨ 2 ਮਿਸ਼ਨ ਫੇਲ ਕਿਉਂ ਹੋਇਆ ?
ਮੱਧ ਪ੍ਰਦੇਸ਼ ਦੇ ਸਾਗਰ ਜਿਲ੍ਹੇ ਦੇ ਨਰਯਾਵਲੀ ਰੇਲਵੇ ਸਟੇਸ਼ਨ 'ਤੇ ਇੱਕ ਸਰਫਿਰੇ ਨੌਜਵਾਨ ਨੇ ਟ੍ਰੇਨ ਦੀ ਛੱਤ 'ਤੇ ਚੜ੍ਹਕੇ ਖੂਬ ਹੰਗਾਮਾ ਕੀਤਾ। ਕਟਨੀ - ਬੀਨਾ
ਨਵੀਂ ਦਿੱਲੀ : ਮੱਧ ਪ੍ਰਦੇਸ਼ ਦੇ ਸਾਗਰ ਜਿਲ੍ਹੇ ਦੇ ਨਰਯਾਵਲੀ ਰੇਲਵੇ ਸਟੇਸ਼ਨ 'ਤੇ ਇੱਕ ਸਰਫਿਰੇ ਨੌਜਵਾਨ ਨੇ ਟ੍ਰੇਨ ਦੀ ਛੱਤ 'ਤੇ ਚੜ੍ਹਕੇ ਖੂਬ ਹੰਗਾਮਾ ਕੀਤਾ। ਕਟਨੀ - ਬੀਨਾ ਪੈਸੇਂਜਰ ਟ੍ਰੇਨ ਦੇ ਡੀਜ਼ਲ ਇੰਜਣ ਦੀ ਛੱਤ 'ਤੇ ਚੜ੍ਹੇ ਇਸ ਨੌਜਵਾਨ ਨੇ ਕਰੀਬ ਅੱਧੇ ਘੰਟੇ ਤੱਕ ਜੰਮਕੇ ਹੰਗਾਮਾ ਕੀਤਾ। ਇਹ ਨੌਜਵਾਨ ਵਾਰ - ਵਾਰ ਚੰਦਰਯਾਨ 2 ਫੇਲ ਹੋਣ ਨਾਲ ਨਾਰਾਜ਼ਗੀ ਜਤਾ ਰਿਹਾ ਸੀ।
ਜਦੋਂ ਵੀ ਉਸਨੂੰ ਕੋਈ ਹੇਠਾਂ ਉਤਾਰਨ ਦੀ ਕੋਸ਼ਿਸ਼ ਕਰਦਾ ਤਾਂ ਉਹ ਗਾਲ੍ਹ ਦੇ ਕੇ ਉਸ ਤੋਂ ਪੁੱਛਦਾ ਦੀ ਚੰਦਰਯਾਨ 2 ਫੇਲ ਕਿਉਂ ਹੋਇਆ ? ਨੌਜਵਾਨ ਇਸ ਵਜ੍ਹਾ ਨਾਲ ਅੱਧੇ ਘੰਟੇ ਤੱਕ ਹੰਗਾਮਾ ਕਰਦਾ ਰਿਹਾ। ਉਥੇ ਹੀ ਇਸ ਨੌਜਵਾਨ ਨੂੰ ਹੇਠਾਂ ਉਤਾਰਨ ਲਈ ਕਿਸੇ ਵੀ ਹਾਦਸੇ ਤੋਂ ਬਚਣ ਲਈ ਹਾਈਟੈਂਸ਼ਨ ਓਵਰਹੇਡ ਲਾਈਨ ਦੀ ਪਾਵਰ ਸਪਲਾਈ ਬੰਦ ਕਰਨੀ ਪਈ।
ਜਿਸ ਤੋਂ ਬਾਅਦ ਰੇਲ ਕਰਮਚਾਰੀਆਂ ਨੇ ਬੜੀ ਮੁਸ਼ਕਿਲ ਨਾਲ ਨੌਜਵਾਨ ਨੂੰ ਟ੍ਰੇਨ ਦੀ ਛੱਤ ਤੋਂ ਹੇਠਾਂ ਉਤਾਰਿਆ ਅਤੇ ਫਿਰ ਉਸਨੂੰ ਆਰਪੀਐੱਫ ਨੂੰ ਸੌਂਪ ਦਿੱਤਾ। ਇੱਕ ਚਸ਼ਮਦੀਦ ਜਿਤੇਂਦਰ ਯਾਦਵ ਨੇ ਦੱਸਿਆ ਕਿ ਅਸੀ ਸਾਗਰ ਜਾ ਰਹੇ ਸੀ ਤਾਂ ਨੌਜਵਾਨ ਨਸ਼ੇ ਦੀ ਹਾਲਤ 'ਚ ਟ੍ਰੇਨ 'ਤੇ ਚੜ੍ਹਕੇ ਤਾਰ ਫੜਨ ਦੀ ਕੋਸ਼ਿਸ਼ ਕਰ ਰਿਹਾ ਸੀ। ਉਹ ਚੰਦਰਯਾਨ 2 ਦੇ ਬਾਰੇ ਵਿਚ ਕੁਝ ਬੜਬੜਾ ਰਿਹਾ ਸੀ।
ਇਹ ਸ਼ਖਸ 20 - 25 ਮਿੰਟ ਤੱਕ ਹੰਗਾਮਾ ਕਰਦਾ ਰਿਹਾ। ਫਿਰ ਬੜੀ ਮੁਸ਼ਕਲ ਨਾਲ ਲੋਕਾਂ ਨੇ ਉਸਨੂੰ ਹੇਠਾਂ ਉਤਾਰਿਆ।ਇਸ ਤੋਂ ਬਾਅਦ ਮਾਨਸਿਕ ਰੂਪ ਤੋਂ ਪ੍ਰੇਸ਼ਾਨ ਨੌਜਵਾਨ ਦਾ ਆਰਪੀਐਫ ਨੇ ਮੈਡੀਕਲ ਕਰਵਾਇਆ ਅਤੇ ਫਿਰ ਉਸਦੇ ਪਰਿਵਾਰਿਕ ਮੈਂਬਰਾਂ ਨੂੰ ਬੁਲਾ ਕੇ ਉਨ੍ਹਾਂ ਦੇ ਹਵਾਲੇ ਕਰਾ ਦਿੱਤਾ।
ਇਸ ਘਟਨਾ ਨਾਲ ਟ੍ਰੇਨ ਅੱਧਾ ਘੰਟੇ ਲੇਟ ਹੋਈ। ਨੌਜਵਾਨ ਸਾਗਰ ਦੇ ਸ਼ੁਕਰਵਾਰੀ ਖੇਤਰ ਦਾ ਰਹਿਣ ਵਾਲਾ ਦੱਸਿਆ ਜਾ ਰਿਹਾ ਹੈ। ਗਨੀਮਤ ਰਹੀ ਕਿ ਟ੍ਰੇਨ ਦੇ ਇੰਜਣ 'ਤੇ ਚੜ੍ਹਿਆ ਨੌਜਵਾਨ ਬਿਜਲੀ ਲਾਈਨ ਦੇ ਸੰਪਰਕ 'ਚ ਨਹੀਂ ਆਇਆ ਨਹੀਂ ਤਾਂ ਕਿਸੇ ਵੱਡੀ ਦੁਰਘਟਨਾ ਤੋਂ ਇਨਕਾਰ ਨਹੀਂ ਕੀਤਾ ਜਾ ਸਕਦਾ ਸੀ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।