ਗਾਜੀਆਬਾਦ- ਦਿੱਲੀ ਨਾਲ ਸਟੇ ਗਾਜੀਆਬਾਦ ਵਿੱਚ ਇੰਜੀਨੀਅਰਿੰਗ ਦੇ ਵਿਦਿਆਰਥੀ ਨੂੰ ਜੋਮੈਟੋ ਉੱਤੇ ਕਾਠੀ ਰੋਲ ਅਤੇ ਇੱਕ ਰੁਮਾਲੀ ਰੋਟੀ ਆਰਡਰ ਕਰਨ ਦੀ ਕੀਮਤ 91 ਹਜ਼ਾਰ ਚੁਕਾਉਣੀ ਪਈ | ਦਰਅਸਲ,  ਇੱਕ ਫੋਨ ਕਾਲ ਨੇ ਇਸ ਵਿਦਿਆਰਥੀ ਨਾਲ ਗੱਲ ਕਰਦੇ ਹੋਏ ਇਸਦੇ ਅਕਾਊਂਟ ਤੋਂ ਇਹ ਰਕਮ ਉੱਡਾ ਦਿੱਤੀ | ਵਿਦਿਆਰਥੀ ਵੱਲੋਂ ਪੁਲਿਸ ਨੂੰ ਸੂਚਨਾ ਦੇਣ ਤੋਂ ਬਾਅਦ ਪੁਲਿਸ ਨੇ ਮੁਕੱਦਮਾ ਦਰਜ ਕਰ ਜਾਂਚ ਸ਼ੁਰੂ ਕਰ ਦਿੱਤੀ ਹੈ | 

ਰਾਮਪ੍ਰਸਥ ਕਲੋਨੀ ਵਿੱਚ ਰਹਿਣ ਵਾਲੇ ਸਿੱਦਾਰਥ  ਦੇ ਪਿਤਾ ਸੁਪ੍ਰੀਮ ਕੋਰਟ ਵਿੱਚ ਐਡਵੋਕੇਟ ਹਨ ਅਤੇ ਮਾਂ ਨਿਜੀ ਹਸਪਤਾਲ ਵਿੱਚ ਡਾਕਟਰ ਹਨ  |  ਸਿੱਧਾਰਥ ਆਪ ਇੰਜੀਨੀਅਰਿੰਗ ਦਾ ਪਹਿਲੇ ਸਾਲ ਦਾ ਵਿਦਿਆਰਥੀ ਹੈ |  ਜੋਮੈਟੋ ਦਾ ਕੈਸ਼ ਵਾਪਸ ਕਰਨ ਦੇ ਨਾਮ ਉੱਤੇ ਕਿਸੇ ਨੇ ਸਿੱਧਾਰਥ ਬੰਸਲ ਦੇ 91 ਹਜ਼ਾਰ 196 ਰੁਪਏ ਕੱਢ ਲਏ, ਇਸ ਦੌਰਾਨ ਕੁਲ 7 ਟਰਾਂਜੈਕਸ਼ਨ ਹੋਏ |  ਜਦੋਂ ਤੱਕ ਫੋਨ ਉੱਤੇ ਆਏ ਮੈਸੇਜ ਨੂੰ ਉਹ ਵੇਖ ਪਾਉਂਦਾ, ਬਹੁਤ ਦੇਰ ਹੋ ਚੁੱਕੀ ਸੀ  | 

ਜ਼ਿਕਰਯੋਗ ਹੈ ਕਿ ਇੱਕ ਖਪਤਕਾਰ ਅਦਾਲਤ ਨੇ ਫੂਡ ਡਿਲਵਰੀ ਪਲੇਟਫਾਰਮ ਜੋਮੈਟੋ ਅਤੇ ਇੱਕ ਹੋਟਲ ਉੱਤੇ ਸ਼ਾਕਾਹਾਰੀ ਦੀ ਜਗ੍ਹਾ ਮਾਸਾਹਾਰੀ ਭੋਜਨ ਡਿਲਵਰੀ ਕਰਣ ਉੱਤੇ 55 ਹਜ਼ਾਰ ਰੁਪਏ ਦਾ ਜੁਰਮਾਨਾ ਲਗਾ ਚੁੱਕਿਆ ਹੈ | ਮੀਡੀਆ ਰਿਪੋਰਟ ਅਨੁਸਾਰ, ਖਪਤਕਾਰ ਅਦਾਲਤ ਨੇ ਜੋਮੈਟੋ ਨੂੰ 45 ਦਿਨਾਂ ਦੇ ਅੰਦਰ ਪੁਣੇ ਦੇ ਵਕੀਲ ਸ਼ਣਮੁਖ ਦੇਸ਼ਮੁਖ  ਨੂੰ ਜੁਰਮਾਨੇ ਦੀ ਰਾਸ਼ੀ ਦੇਣ ਦਾ ਨਿਰਦੇਸ਼ ਦਿੱਤਾ ਸੀ,  ਜਿਨ੍ਹਾਂ ਨੂੰ ਨਾ ਕੇਵਲ ਇੱਕ ਵਾਰ, ਸਗੋਂ ਦੋ ਵਾਰ ਮਾਸਾਹਾਰੀ ਭੋਜਨ ਦਿੱਤਾ ਗਿਆ ਸੀ |