Isha Ambani with Mukesh Ambani

ਮੁੰਬਈ (ਭਾਸ਼ਾ) : ਰਿਲਾਇੰਸ ਇੰਡਸਟ੍ਰੀਜ਼ ਦੇ ਚੇਅਰਮੈਨ ਮੁਕੇਸ਼ ਅੰਬਾਨੀ ਅਤੇ ਨੀਤਾ ਅੰਬਾਨੀ ਦੀ ਬੇਟੀ ਈਸ਼ਾ ਅੰਬਾਨੀ ਅਤੇ ਆਨੰਦ ਪੀਰਾਮਲ ਦਾ ਅੱਜ ਮੁੰਬਈ ਵਿਚ ਵਿਆਹ ਦਾ ਪ੍ਰੋਗਰਾਮ ਸ਼ੁਰੂ ਹੋ ਗਿਆ ਹੈ। ਇਸ ਤੋਂ ਪਹਿਲਾਂ 8 ਦਸੰਬਰ ਮਤਲਬ ਸਨਿਚਰਵਾਰ ਨੂੰ ਉਦੈਪੁਰ ਵਿਚ ਹੀ ਸੰਗੀਤ ਸੇਰੇਮਨੀ ਦਾ ਆਯੋਜਨ ਕੀਤਾ ਗਿਆ ਸੀ। ਸੰਗੀਤ ਪ੍ਰੋਗਰਾਮ ਵਿਚ ਦੇਸ਼ ਵਿਦੇਸ਼ ਤੋਂ ਵੱਡੀਆਂ-ਵੱਡੀਆਂ ਹਸਤੀਆਂ ਨੇ ਸ਼ਿਰਕਤ ਕੀਤੀ। ਬਾਲੀਵੁਡ ਦੇ ਕਈਂ ਮਸ਼ਹੂਰ ਸਿਤਾਰੇ ਵੀ ਇਸ ਵਿਚ ਸ਼ਾਮਲ ਹੋਣ ਲਈ ਉਦੈਪੁਰ ਪਹੁੰਚੇ। ਅੰਬਾਨੀ ਪਰਵਾਰ ਦੇ ਮਹਿਮਾਨਾਂ ਵਿਚ ਅਮਰੀਕਾ ਦੀ ਸਾਬਕਾ ਫਰਸ਼ਟ ਲੇਡੀ ਹਿਲੇਰੀ ਕਲਿੰਟਨ ਵੀ ਸ਼ਾਮਲ ਸੀ।

ਸੰਗੀਤ ਸੇਰੇਮਨੀ ਦੀ ਸਟੇਜ਼ ਉਤੇ ਐਵੇਂ ਦੀਆਂ ਜੋੜੀਆਂ ਪ੍ਰਫ਼ਾਰਮੈਂਸ ਕਰਦੀਆਂ ਦਿਖੀਆਂ, ਜਿਨ੍ਹਾਂ ਨੂੰ ਸਟੇਜ਼ ਉਤੇ ਇਸ ਤਰ੍ਹਾਂ ਘੱਟ ਹੀ ਦੇਖਿਆ ਗਿਆ ਹੈ। ਈਸ਼ਾ ਅੰਬਾਨੀ ਅਤੇ ਆਨੰਦ ਪੀਰਾਮਲ ਦਾ ਵਿਆਹ ਪੂਰੇ ਦੇਸ਼ ਵਿਚ ਮਸ਼ਹੂਰ ਹੈ। ਵਿਆਹ ਦੀਆਂ ਰਸਮਾਂ ਭਾਰਤੀ ਰੀਤੀ ਰੀਵਾਜ਼ਾਂ ਮੁਤਬਿਕ ਹੀ ਹੋਣਗੀਆਂ ਆਨੰਦ ਅਤੇ ਈਸ਼ਾ ਲੰਬੇ ਸਮੇਂ  ਤੋਂ ਦੋਸਤ ਵੀ ਰਹੇ ਹਨ। ਦੋਨਾਂ ਪਰਵਾਰਾਂ ਦੇ ਵਿਚ ਚਾਰ ਦਹਾਕੇ ਪੁਰਾਣਾ ਦੋਸਤੀ ਦਾ ਮਜ਼ਬੂਤ ਰਿਸ਼ਤਾ ਹੈ। ਆਨੰਦ ਪੀਰਾਮਲ ਭਾਰਤ ਦੀ ਮਸ਼ਹੂਰ ਰਿਯਲ ਅਸਟੇਟ ਕੰਪਨੀਆਂ ਵਿਚੋਂ ਇਕ ਪੀਰਾਮਲ ਰਿਅਯਲਟੀ ਦੇ ਸੰਸਥਾਪਕ ਹਨ।

ਪੀਰਾਮਲ ਰਿਅਯਲਟੀ ਤੋਂ ਪਹਿਲਾਂ ਆਨੰਦ ਨੇ ਗ੍ਰਾਮੀਣ ਹੈਲਥ ਦੇ ਖੇਤਰ ਵਿਚ ਪਹਿਲ ਕਰਦੇ ਹੋਏ ਪੀਰਾਮਲ ਹੈਲਥ ਦੀ ਸਥਾਪਨਾ ਕੀਤੀ ਸੀ। ਇਹ ਅੱਜ ਇਕ ਦਿਨ ਵਿਚ 40,000 ਤੋਂ ਵੱਧ ਰੋਗੀਆਂ ਦਾ ਇਲਾਜ਼ ਕਰ ਰਹੀ ਹੈ। ਉਹ ਪੀਰਾਮਲ ਗਰੁੱਪ ਦੇ ਕਾਰਜ਼ਕਾਰੀ ਨਿਰਦੇਸ਼ਕ ਵੀ ਹਨ। ਇਸ ਤੋਂ ਪਹਿਲਾਂ ਆਨੰਦ ਇੰਡੀਅਨ ਮਰਚੇਟ ਚੈਂਬਰ ਦੇ ਨੌਜਵਾਨ ਵਿੰਗ ਦੇ ਸਭ ਤੋਂ ਘੱਟ ਉਮਰ ਦੇ ਪ੍ਰੇਸਿਡੈਂਟ ਵੀ ਰਹੇ ਹਨ।