Akash Ambani- Shloka Mehta

ਦੇਹਰਾਦੂਨ (ਭਾਸ਼ਾ) :- ਸਾਰੇ ਜਾਂਣਦੇ ਹਨ ਕਿ ਭਾਰਤ ਦੇ ਸਭ ਤੋਂ ਅਮੀਰ ਆਦਮੀ ਮੁਕੇਸ਼ ਅੰਬਾਨੀ ਦੇ ਬੇਟੇ ਦੀ ਅਕਾਸ਼ ਅੰਬਾਨੀ ਦਾ ਵਿਆਹ ਹੀਰਾ ਕਾਰੋਬਾਰੀ ਰਸੇਲ ਮਹਿਤਾ ਦੀ ਛੋਟੀ ਧੀ ਸ਼ਲੋਕਾ ਦੇ ਨਾਲ ਸੱਤ ਦਸੰਬਰ ਨੂੰ ਹੋਣ ਜਾ ਰਿਹਾ ਹੈ। ਦੱਸ ਦਈਏ ਕਿ ਵਿਆਹ ਨਾਲ ਜੁੜੀ ਹਰ ਜਾਣਕਾਰੀ ਤੁਹਾਨੂੰ ਮਿਲ ਰਹੀ ਹੈ। ਵਿਆਹ ਨਾਲ ਜੁੜੀ ਇਕ ਹੋਰ ਖਬਰ ਸਾਹਮਣੇ ਆਈ ਹੈ। ਅਕਾਸ਼ ਅੰਬਾਨੀ ਅਤੇ ਸ਼ਲੋਕਾ ਦਾ ਵਿਆਹ ਦੇਵਭੂਮੀ ਉਤਰਾਖੰਡ ਦੇ ਇਸ ਮੰਦਰ ਵਿਚ ਹੋ ਸਕਦੀ ਹੈ।

ਰੁਦਰਪ੍ਰਯਾਗ ਜ਼ਿਲ੍ਹੇ ਦੇ ਮਸ਼ਹੂਰ ਤ੍ਰਿਯੁਗੀ ਨਰਾਇਣ ਮੰਦਰ ਵਿਚ ਅਕਾਸ਼ ਅਤੇ ਸ਼ਲੋਕਾ ਦੇ ਵਿਆਹ ਦੀਆਂ ਰਸਮਾਂ ਪੂਰੀਆਂ ਹੋ ਸਕਦੀਆਂ ਹਨ। ਇਸ ਨੂੰ ਲੈ ਕੇ ਬੀਤੇ ਦਿਨੀਂ ਰਿਲਾਇੰਸ ਕੰਪਨੀ ਦੇ ਅਧਿਕਾਰੀਆਂ ਦੀ ਇਕ ਟੀਮ ਨੇ ਮੰਦਰ ਅਤੇ ਇੱਥੇ ਤਿਆਰ ਹੋ ਰਹੇ ਵੈਡਿੰਗ ਡੇਸਟੀਨੇਸ਼ਨ ਦੀ ਜਾਣਕਾਰੀ ਜੁਟਾਈ। ਉੱਧਰ ਸਰਕਾਰ ਵੀ ਇਸ ਮੌਕੇ ਤੋਂ ਚੂਕਨਾ ਨਹੀਂ ਚਾਹੁੰਦੀ, ਕਿਉਂਕਿ ਇੱਥੇ ਪ੍ਰਬੰਧ ਹੋਣ ਨਾਲ ਵੇਡਿੰਗ ਡੇਸਟੀਨੇਸ਼ਨ ਦੀ ਸ਼ਾਨਦਾਰ ਬਰਾਂਡਿੰਗ ਹੋਣੀ ਤੈਅ ਹੈ।

ਤ੍ਰਿਯੁਗੀ ਨਰਾਇਣ ਮੰਦਰ ਦੇ ਬਾਰੇ ਵਿਚ ਮਾਨਤਾ ਹੈ ਕਿ ਇੱਥੇ ਵਿਆਹ ਕਰਨ ਵਾਲੇ ਜੋੜੇ ਦੀ ਸ਼ਾਦੀਸ਼ੁਦਾ ਜਿੰਦਗੀ ਸੰਵਰ ਜਾਂਦੀ ਹੈ। ਇਸ ਮੰਦਰ ਵਿਚ ਭਗਵਾਨ ਸ਼ਿਵ ਅਤੇ ਮਾਤਾ ਪਾਰਬਤੀ ਦਾ ਵਿਆਹ ਹੋਇਆ ਸੀ ਅਤੇ ਅੱਜ ਵੀ ਇਹਨਾਂ ਦੇ ਵਿਆਹ ਦੀਆਂ ਨਿਸ਼ਾਨੀਆਂ ਇੱਥੇ ਮੌਜੂਦ ਹਨ। ਕਿਹਾ ਜਾਂਦਾ ਹੈ ਕਿ ਮੰਦਰ ਵਿਚ ਇਕ ਜਵਾਲਾ ਪਿਛਲੇ ਤਿੰਨ ਜੁਗਾਂ ਤੋਂ ਜਲ ਰਹੀ ਹੈ। ਇਸ ਜਵਾਲਾ ਨੂੰ ਸਾਕਸ਼ੀ ਮੰਨ ਕੇ ਭਗਵਾਨ ਸ਼ਿਵ ਅਤੇ ਪਾਰਬਤੀ ਨੇ ਵਿਆਹ ਕੀਤਾ ਸੀ। ਮੰਦਰ ਵਿਚ ਮੌਜੂਦ ਅਖੰਡ ਧੁਨੀ ਦੇ ਚਾਰੇ ਪਾਸੇ ਭਗਵਾਨ ਸ਼ਿਵ ਨੇ ਪਾਰਬਤੀ ਨਾਲ ਸੱਤ ਫੇਰੇ ਲਏ ਸਨ।

ਮੰਦਰ ਵਿਚ ਸ਼ਰਧਾਲੂ ਪ੍ਰਸਾਦ ਦੇ ਰੂਪ ਵਿਚ ਲਕੜੀਆਂ ਵੀ ਚੜ੍ਹਾਉਂਦੇ ਹਨ, ਨਾਲ ਹੀ ਇਸ ਪਵਿਤਰ ਅਗਨੀ ਕੁੰਡ ਦੀ ਰਾਖ ਆਪਣੇ ਘਰ ਲੈ ਜਾਂਦੇ ਹਨ। ਕਹਿੰਦੇ ਹਨ ਇਹ ਰਾਖ ਵਿਵਾਹਿਕ ਜੀਵਨ ਵਿਚ ਆਉਣ ਵਾਲੀ ਸਾਰੀਆਂ ਪਰੇਸ਼ਾਨੀਆਂ ਨੂੰ ਦੂਰ ਕਰਦੀ ਹੈ। ਬੀਤੇ ਦਿਨੀਂ ਤਰਿਵੇਂਦਰ ਸਰਕਾਰ ਨੇ ਇਸ ਮੰਦਰ ਦੇ ਇਤਿਹਾਸਿਕ ਮਹੱਤਵ ਨੂੰ ਧਿਆਨ ਵਿਚ ਰੱਖਦੇ ਹੋਏ ਇਸ ਸਥਾਨ ਨੂੰ ਵੇਡਿੰਗ ਡੇਸਟੀਨੇਸ਼ਨ ਦੇ ਰੂਪ ਵਿਚ ਵਿਕਸਿਤ ਕਰਣ ਦਾ ਫੈਸਲਾ ਕੀਤਾ ਸੀ। ਇਸ ਦੇ ਤਹਿਤ ਇੱਥੇ ਜ਼ਰੂਰੀ ਸੁਵਿਧਾਵਾਂ ਜੁਟਾਉਣ ਦਾ ਕੰਮ ਸ਼ੁਰੂ ਹੋ ਚੁੱਕਿਆ ਹੈ। ਵੇਡਿੰਗ ਡੇਸਟੀਨੇਸ਼ਨ ਬਣਨ ਨਾਲ ਇਸ ਮੰਦਰ ਨੂੰ ਦੇਸ਼ - ਵਿਦੇਸ਼ ਵਿਚ ਪਹਿਚਾਣ ਮਿਲੇਗੀ।