ਭੋਪਾਲ : ਮੱਧ ਪ੍ਰਦੇਸ਼ 'ਚ ਗਾਂ ਨੂੰ ਅਵਾਰਾ ਛੱਡਣਾ ਅਪਰਾਧ ਮੰਨਿਆ ਜਾਵੇਗਾ। ਪੰਦਰਾਂ ਸਾਲ ਬਾਅਦ ਸੱਤਾ 'ਚ ਪਰਤੀ ਕਾਂਗਰਸ ਸਰਕਾਰ ਇਸ ਦਿਸ਼ਾ ਵਿਚ ਕਾਨੂੰਨ ਬਣਾਉਣ 'ਤੇ ਵਿਚਾਰ ਕਰ ਰਹੀ ਹੈ। ਨਵੇਂ ਪ੍ਰਬੰਧ ਵਿਚ ਜੁਰਮਾਨੇ ਨੂੰ ਵੀ ਦੁੱਗਣਾ ਕਰਨ ਦੀ ਤਿਆਰੀ ਹੈ। ਜੋ ਲੋਕ ਦੁੱਧ ਕੱਢਣ ਤੋਂ ਬਾਅਦ ਅਪਣੀ ਗਾਂ ਨੂੰ ਖੁੱਲ੍ਹਾ ਛੱਡ ਦਿੰਦੇ ਹਨ, ਉਨ੍ਹਾਂ ਨੂੰ ਹੁਣ ਢਾਈ ਸੌ ਦੀ ਥਾਂ 'ਤੇ 500 ਰੁਪਏ ਮਤਲਬ ਸਜ਼ਾ ਵਸੂਲਣ ਦਾ ਨਿਯਮ ਬਣਾਇਆ ਜਾ ਰਿਹਾ ਹੈ।

ਜ਼ਿਕਰਯੋਗ ਹੈ ਕਿ ਪਿਛਲੇ ਦਿਨੀਂ ਮੁੱਖ ਮੰਤਰੀ ਬਣਨ ਤੋਂ ਬਾਅਦ ਕਮਲਨਾਥ ਨੇ ਅਪਣੇ ਘਰ ਜਿਲ੍ਹੇ ਛਿੰਦਵਾਡ਼ਾ ਵਿਚ ਕਿਹਾ ਸੀ ਕਿ ਉਨ੍ਹਾਂ ਨੂੰ ਗਊ ਮਾਤਾ ਸੜਕ 'ਤੇ ਨਹੀਂ ਦਿਖਣੀ ਚਾਹੀਦੀਆਂ ਹਨ। ਗਊਆਂ ਲਈ ਪ੍ਰਦੇਸ਼ ਦੇ ਹਰ ਜਿਲ੍ਹੇ ਵਿਚ ਛੇਤੀ ਤੋਂ ਛੇਤੀ ਗਊਸ਼ਾਲਾਵਾਂ ਦੀ ਉਸਾਰੀ ਕਰਨ ਦਾ ਐਲਾਨ ਵੀ ਉਨ੍ਹਾਂ ਨੇ ਕੀਤਾ। ਨਵੰਬਰ ਵਿਚ ਹੋਏ ਵਿਧਾਨ ਸਭਾ ਚੋਣ ਦੇ ਦੌਰਾਨ ਕਾਂਗਰਸ ਨੇ ਅਪਣੇ ‘ਵਾਅਦਾ ਪੱਤਰ’ ਵਿਚ ਵੀ ਕਿਹਾ ਸੀ ਕਿ ਉਸ ਦੀ ਸਰਕਾਰ ਬਣਨ 'ਤੇ ਉਹ ਹਰ ਗਰਾਮ ਪੰਚਾਇਤ ਵਿਚ ਗਊਸ਼ਾਲਾ ਖੋਲ੍ਹੇਗੀ ਅਤੇ ਇਸ ਦੇ ਸੰਚਾਲਨ ਲਈ ਗ੍ਰਾਂਟ ਦੇਵੇਗੀ।

ਇਸ ਵਿਚ ਰਾਜ ਦੇ ਪਸ਼ੁਪਾਲਨ ਮੰਤਰੀ ਡਾ. ਲਾਖਨ ਸਿੰਘ ਯਾਦਵ ਨੇ ਦੱਸਿਆ ਕਿ ਲਾਵਾਰਸ ਗਊਆਂ ਨੂੰ ਗਊਸ਼ਾਲਾਵਾਂ ਵਿਚ ਰੱਖਿਆ ਜਾਵੇਗਾ। ਇਸ ਨਾਲ ਗਾਂ ਅਤੇ ਬੈਲ ਸੜਕਾਂ 'ਤੇ ਨਹੀਂ ਘੁੰਮਣਗੇ। ਪਾਇਲਟ ਪ੍ਰਾਜੈਕਟ 16 ਜਨਵਰੀ ਤੋਂ ਪ੍ਰਦੇਸ਼ ਦੀ ਰਾਜਧਾਨੀ ਭੋਪਾਲ ਤੋਂ ਸ਼ੁਰੂ ਹੋਵੇਗੀ ਅਤੇ ਪੰਜ ਹਜ਼ਾਰ ਤੋਂ ਜ਼ਿਆਦਾ ਲਾਵਾਰਿਸ ਗਊਆਂ ਨੂੰ ਸ਼ਹਿਰ ਦੇ ਬਾਹਰੀ ਇਲਾਕਿਆਂ ਵਿਚ ਸਥਿਤ ਗਊਸ਼ਾਲਾਵਾਂ ਵਿਚ ਰੱਖਿਆ ਜਾਵੇਗਾ।