ਮੁੰਬਈ 'ਚ 24 ਕਰੋੜ ਰੁਪਏ ਦੀਆਂ ਵਿਦੇਸ਼ੀ ਸਿਗਰਟਾਂ ਸਮੇਤ 5 ਮੁਲਜ਼ਮ ਗ੍ਰਿਫ਼ਤਾਰ

ਮਹਾਰਾਸ਼ਟਰ : ਬਾਲੀਵੁੱਡ ਲਈ ਜਾਣੇ ਜਾਂਦੇ ਸ਼ਹਿਰ ਤੋਂ ਇਕ ਬਹੁਤ ਹੀ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ, ਜਿਸ ਬਾਰੇ ਜਾਣ ਕੇ ਤੁਸੀਂ ਵੀ ਹੈਰਾਨ ਰਹਿ ਜਾਓਗੇ। ਦਰਅਸਲ, ਮੁੰਬਈ ਰੈਵੇਨਿਊ ਇੰਟੈਲੀਜੈਂਸ ਡਾਇਰੈਕਟੋਰੇਟ ਦੀ ਮੁੰਬਈ ਸ਼ਾਖਾ ਨੇ ਐਤਵਾਰ ਨੂੰ ਪੰਜ ਲੋਕਾਂ ਨੂੰ ਵਿਦੇਸ਼ੀ ਸਿਗਰੇਟ ਵੇਚਣ ਦੇ ਦੋਸ਼ ਵਿਚ ਗ੍ਰਿਫ਼ਤਾਰ ਕੀਤਾ ਹੈ।

ਇਹ ਵੀ ਪੜ੍ਹੋ:  ਮੁੰਬਈ 'ਚ 24 ਕਰੋੜ ਰੁਪਏ ਦੀਆਂ ਵਿਦੇਸ਼ੀ ਸਿਗਰਟਾਂ ਸਮੇਤ 5 ਮੁਲਜ਼ਮ ਗ੍ਰਿਫ਼ਤਾਰ 

ਦੱਸ ਦਈਏ ਕਿ ਗ੍ਰਿਫ਼ਤਾਰੀ ਦੌਰਾਨ ਪੁਲਿਸ ਨੇ ਇਨ੍ਹਾਂ ਕੋਲੋਂ 24 ਕਰੋੜ ਰੁਪਏ ਦੀਆਂ 1.2 ਕਰੋੜ ਦੀਆਂ ਵਿਦੇਸ਼ੀ ਸਿਗਰਟਾਂ ਬਰਾਮਦ ਕੀਤੀਆਂ ਹਨ। ਸੀਲਿੰਗ ਡੀਆਰਆਈ ਨੇ ਰਿਪੋਰਟ ਦਿਤੀ ਕਿ ਗੈਰ-ਕਾਨੂੰਨੀ ਕੰਟੇਨਰਾਂ ਰਾਹੀਂ ਸਿਗਰਟ ਦੇ ਤਸਕਰ ਸਨ, ਅਤੇ ਨ੍ਹਾਵਾ ਸ਼ੇਵਾ ਬੰਦਰਗਾਹ 'ਤੇ ਪਾਬੰਦੀਸ਼ੁਦਾ ਸਮੱਗਰੀ ਲਿਜਾਣ ਦੇ ਸ਼ੱਕੀ ਕੰਟੇਨਰ ਦੀ ਪਛਾਣ ਕੀਤੀ।

ਇਹ ਵੀ ਪੜ੍ਹੋ: UAE 'ਚ 17ਵੀਂ ਮੰਜ਼ਿਲ ਤੋਂ ਡਿੱਗਣ ਨਾਲ ਭਾਰਤੀ ਮੂਲ ਦੀ ਬੱਚੀ ਦੀ ਹੋਈ ਮੌਤ 

ਡੀਆਰਆਈ ਨੇ ਕਿਹਾ ਕਿ ਅੱਗੇ ਦੀ ਕਲੀਅਰੈਂਸ ਲਈ ਕੰਟੇਨਰ ਨੂੰ ਅਰਸ਼ੀਆ ਫ੍ਰੀ ਟਰੇਡ ਵੇਅਰਹਾਊਸਿੰਗ ਜ਼ੋਨ ਵਿਚ ਟ੍ਰਾਂਸ-ਸ਼ਿਪ ਕੀਤਾ ਜਾਣਾ ਸੀ। ਕੰਟੇਨਰ 'ਤੇ ਵਿਸ਼ੇਸ਼ ਨਜ਼ਰ ਰੱਖੀ ਗਈ। ਕੰਟੇਨਰ ਆਪਣੀ ਮੰਜ਼ਿਲ 'ਤੇ ਪਹੁੰਚਣ ਲਈ ਬੰਦਰਗਾਹ ਤੋਂ ਰਵਾਨਾ ਹੋਣ ਦੀ ਬਜਾਏ, ਇੱਕ ਨਿੱਜੀ ਗੁਦਾਮ ਵਿਚ ਲਿਜਾਇਆ ਜਾ ਰਿਹਾਸੀ। ਜਿਸ ਤੋਂ ਬਾਅਦ ਸ਼ੱਕ ਦੇ ਆਧਾਰ 'ਤੇ ਕੰਟੇਨਰ ਨੂੰ ਅਧਿਕਾਰੀਆਂ ਨੇ ਰੋਕ ਲਿਆ।ਜਦੋਂ ਉਸ ਨੂੰ ਫੜਿਆ ਗਿਆ ਤਾਂ ਇਕ 40 ਫੁੱਟ ਡੱਬੇ ਵਿਚ ਵਿਦੇਸ਼ੀ ਸਿਗਰੇਟਾਂ ਬਰਾਮਦ ਹੋਈਆ ਜੋ ਕਿ ਭਾਰਤੀ ਮਾਪਦੰਡਾਂ ਦੀ ਪਾਲਣਾ ਨਾ ਕਰਨ ਕਰਕੇ ਭਾਰਤ ਵਿਚ ਆਯਾਤ ਕਰਨ 'ਤੇ ਪਾਬੰਦੀ ਲਗਾਈ ਗਈ ਹੈ।