ਨਵੀਂ ਦਿੱਲੀ : ਓਡੀਸ਼ਾ 'ਚ ਪਹਿਲੀ ਕਲਾਸ ਦੇ ਇੱਕ ਬੱਚੇ ਨੂੰ ਸਕੂਲ 'ਚ ਇੱਕ ਘੰਟੇ ਤੋਂ ਜ਼ਿਆਦਾ ਸਮੇਂ ਤੱਕ ਇਕੱਲੇ ਰਹਿਣਾ ਪਿਆ ਕਿਉਂਕਿ ਸਕੂਲ ਦੇ ਕਰਮਚਾਰੀ ਨੇ ਟਾਇਲਟ ਦੀ ਜਾਂਚ ਕੀਤੇ ਬਿਨ੍ਹਾਂ ਹੀ ਸਕੂਲ ਦਾ ਦਰਵਾਜਾ ਬੰਦ ਕਰ ਦਿੱਤਾ। ਇਸ ਮਾਮਲੇ 'ਚ ਬਾਲਾਸੌਰ ਸਥਿਤ ਸਰਕਾਰੀ ਮਹਾਵੀਰ ਨੋਡਲ ਸਕੂਲ ਦੀ ਪ੍ਰਿੰਸੀਪਲ ਨੂੰ ਆਪਣੇ ਕੰਮ 'ਚ ਲਾਪਰਵਾਹੀ ਵਰਤਣ ਦੇ ਦੋਸ਼ 'ਚ ਮੁਅੱਤਲ ਕਰ ਦਿੱਤਾ ਗਿਆ ਹੈ। 

ਸੂਤਰਾਂ ਨੇ ਵੀਰਵਾਰ ਨੂੰ ਦੱਸਿਆ ਕਿ 12 ਸਤੰਬਰ ਨੂੰ ਪਹਿਲੀ ਕਲਾਸ ਦਾ ਇੱਕ ਬੱਚਾ ਇੱਕ ਘੰਟੇ ਤੋਂ ਜ਼ਿਆਦਾ ਸਮੇਂ ਤੱਕ ਸਕੂਲ ਵਿੱਚ ਇਕੱਲਾ ਰਿਹਾ। ਉਹ ਟਾਇਲਟ ਗਿਆ ਸੀ ਪਰਨ ਉਸੀ ਦੌਰਾਨ ਸਕੂਲ ਦੇ ਕਰਮਚਾਰੀ ਨੇ ਉੱਥੇ ਕਿਸੇ ਦੇ ਨਾ ਹੋਣ ਦੀ ਜਾਂਚ ਕੀਤੇ ਬਿਨ੍ਹਾਂ ਹੀ ਦਰਵਾਜਾ ਬੰਦ ਕਰ ਦਿੱਤਾ। ਬੱਚੇ ਦੇ ਪਿਤਾ ਉਸ ਨੂੰ ਲੈਣ ਲਈ ਸਕੂਲ ਪਹੁੰਚਣ ਵਿੱਚ ਲੇਟ ਹੋ ਗਏ ਸਨ। ਸੂਤਰਾਂ ਨੇ ਦੱਸਿਆ ਕਿ ਬੱਚਾ ਸਕੂਲ ਦੇ ਦਰਵਾਜ਼ੇ ਕੋਲ ਆ ਕੇ ਰੋਣ ਲੱਗ ਪਿਆ। 

ਇਸ ਤੋਂ ਬਾਅਦ ਉੱਥੋਂ ਲੰਘ ਰਹੇ ਲੋਕਾਂ ਨੇ ਬੱਚੇ ਨੂੰ ਚੁਪ ਕਰਾਇਆ ਅਤੇ ਉਸ ਕਰਮਚਾਰੀ ਨੂੰ ਬੁਲਾਇਆ, ਜਿਸਦੇ ਕੋਲ ਸਕੂਲ ਦੀ ਚਾਬੀ ਸੀ। ਬੱਚੇ ਦੇ ਪਿਤਾ ਨੇ ਕਿਹਾ ਕਿ ਸਕੂਲ ਦੇ ਗੇਟ ਨੂੰ ਤਾਲੇ ਤੋਂ ਪਤਾ ਨਹੀਂ ਚੱਲ ਸਕਿਆ ਕਿ ਅੰਦਰ ਕੋਈ ਹੈ ਜਾਂ ਨਹੀਂ। ਮੇਰੇ ਬੇਟੇ ਨੇ ਟਾਇਲਟ ਜਾਣ ਤੋਂ ਪਹਿਲਾਂ ਅਧਿਆਪਕ ਨੂੰ ਸੂਚਿਤ ਕੀਤਾ ਸੀ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook ਤੇ ਲਾਈਕ Twitter  ਤੇ follow ਕਰੋ।