WhatsApp

ਨਵੀਂ ਦਿੱਲੀ- ਮੈਸੇਜਿੰਗ ਐਪ ਵਟਸਐਪ ਦੇ ਡਾਊਨ ਹੋ ਜਾਣ ਕਾਰਨ ਦੁਨੀਆ ਭਰ ਦੇ ਯੂਜ਼ਰਸ ਨੂੰ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ ਹੈ। ਡਾਊਨ ਡਿਟੈਕਟਰ ਦੇ ਅਨੁਸਾਰ ਉਪਯੋਗਕਰਤਾਵਾਂ ਨੂੰ ਦੁਪਹਿਰ 1:32 ਵਜੇ ਤੋਂ ਵਰਤੋਂ ਕਰਨ ਵਿਚ ਸਮੱਸਿਆ ਆਈ।

72 ਪ੍ਰਤੀਸ਼ਤ ਉਪਭੋਗਤਾਵਾਂ ਨੂੰ ਕੁਨੈਕਸ਼ਨ ਦੇ ਮੁੱਦਿਆਂ, ਸੁਨੇਹੇ ਭੇਜਣ ਅਤੇ ਪ੍ਰਾਪਤ ਕਰਨ ਦੇ ਨਾਲ ਨਾਲ ਲਾਗ ਇਨ ਕਰਨ ਵਿਚ ਮੁਸਕਲ ਹੋਈ। Android ਅਤੇ iOS ਦੋਵਾਂ 'ਤੇ 1.5 ਬਿਲੀਅਨ ਉਪਯੋਗਕਰਤਾ ਐਪ ਵਿਚ ਲਾਗ ਇਨ ਕਰਨ ਵਿਚ ਅਸਮਰੱਥ ਸਨ।

ਕੰਪਨੀ ਵੱਲੋਂ ਅਜੇ ਸਮੱਸਿਆ ਦੇ ਠੀਕ ਕਰ ਲਏ ਜਾਣ ਦੀ ਕੋਈ ਘੋਸ਼ਣਾ ਨਹੀਂ ਕੀਤੀ ਹੈ। ਟਵਿੱਟਰ ਸਮੇਤ ਵੱਖ-ਵੱਖ ਸੋਸ਼ਲ ਮੀਡੀਆ 'ਤੇ ਉਪਭੋਗਤਾਵਾਂ ਨੇ ਮੈਸੇਜਿੰਗ ਐਪਲੀਕੇਸ਼ਨ ਦੇ ਨਾਲ ਆਉਣ ਵਾਲੀ ਸਮੱਸਿਆਵਾਂ ਦੇ ਬਾਰੇ ਪੋਸਟ ਕੀਤਾ ਹੈ।

Downdetector.com ਵਿਚ ਸ਼੍ਰੀਲੰਕਾ, ਪੇਰੂ, ਲੰਡਨ, ਨਵੀਂ ਦਿੱਲੀ, ਨਿਊਯਾਰਕ, ਨੀਦਰਲੈਂਡਜ਼, ਜਰਮਨੀ, ਮਿਸਰ, ਕੋਲੰਬੀਆ, ਕਜ਼ਾਖਸਤਾਨ, ਸਵੀਡਨ, ਰੋਮਾਨੀਆ, ਤ੍ਰਿਨਿਦਾਦ ਅਤੇ ਟੋਬੈਗੋ, ਆਇਰਲੈਂਡ ਆਦਿ ਦੇ ਉਪਯੋਗਕਰਤਾਵਾਂ ਦੇ ਆਉਟੇਜ ਦੀ ਰਿਪੋਰਟਿੰਗ ਕੀਤੀ ਸੀ।

ਇਹ ਪਹਿਲੀ ਵਾਰ ਨਹੀਂ ਹੈ ਜਦੋਂ ਮੈਸੇਜਿੰਗ ਐਪ ਨੇ ਕੰਮ ਕਰਨਾ ਬੰਦ ਕਰ ਦਿੱਤਾ ਹੈ। ਜਨਵਰੀ 2019 ਵਿਚ ਵਟਸਐਪ ਉਪਯੋਗਕਰਤਾਵਾਂ ਨੂੰ ਦੋ ਵਾਰ ਇਸੇ ਤਰ੍ਹਾਂ ਦੀ ਸਮੱਸਿਆ ਦਾ ਸਾਹਮਣਾ ਕਰਨਾ ਪਿਆ ਸੀ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ।