Arun Jaitley and Narendra Modi

ਨਵੀਂ ਦਿੱਲੀ : ਕਾਂਗਰਸ ਨੇ ਵਿਜੇ ਮਾਲਿਆ ਮਾਮਲੇ ਨੂੰ ਲੈ ਕੇ ਸ਼ਨਿਚਰਵਾਰ ਨੂੰ ਨਰਿੰਦਰ ਮੋਦੀ ਸਰਕਾਰ 'ਤੇ ਫਿਰ ਨਿਸ਼ਾਨਾ ਸਾਧਿਆ ਅਤੇ ਕਿਹਾ ਕਿ ਇਸ ਮਾਮਲੇ ਵਿਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ, ਵਿੱਤ ਮੰਤਰੀ ਅਰੁਣ ਜੇਟਲੀ ਅਤੇ ਸੀਬੀਆਈ ਦੀ ਭੂਮਿਕਾ ਦੀ ਅਦਾਲਤ ਦੀ ਨਿਗਰਾਨੀ ਵਿਚ ਆਜਾਦ ਜਾਂਚ ਹੋਣੀ ਚਾਹੀਦੀ ਹੈ। ਪਾਰਟੀ ਨੇ ਇਹ ਵੀ ਦਾਅਵਾ ਕੀਤਾ ਕਿ ਮੋਦੀ ਸਰਕਾਰ ਵਿਚ ਚਾਰ ਸਾਲਾਂ ਦੇ ਦੌਰਾਨ 23 ਧੋਖਾਧੜੀ ਦੇਸ਼ ਦਾ 54 ਹਜ਼ਾਰ ਕਰੋਡ਼ ਰੁਪਿਆ ਲੈ ਕੇ ਵਿਦੇਸ਼ ਭੱਜ ਗਏ। ਕਾਂਗਰਸ ਬੁਲਾਰੇ ਜੈਵੀਰ ਸ਼ੇਰਗਿਲ ਨੇ ਪੱਤਰਕਾਰਾਂ ਨੂੰ ਕਿਹਾ ਕਿ ਜਿਸ ਪ੍ਰਕਾਰ ਧੋਖੇਬਾਜ਼ ਭੱਜ ਰਹੇ ਹਨ।

ਉਸ ਤੋਂ ਹੁਣ ਲੋਕ ਕਹਿਣ ਲੱਗੇ ਹਨ ਕਿ ਹਮੇਂ ਤੋਂ ਚੌਕੀਦਾਰ ਨੇ ਲੂਟਾ, ਗੈਰੋਂ ਮੇਂ ਕਹਾਂ ਦਮ ਥਾ। ਹਮਾਰੀ ਕਿਸ਼ਤੀ ਵਹੀਂ ਡੂਬੀ ਜਹਾਂ ਪਾਨੀ ਕਮ ਥਾ। ਉਨ੍ਹਾਂ ਨੇ ਇਲਜ਼ਾਮ ਲਗਾਇਆ ਕਿ ਇਹ ਆਮ ਆਦਮੀ ਦੀ ਸਰਕਾਰ ਨਹੀਂ, ਸਗੋਂ ਭਗੋੜਿਆਂ ਦੀ ਸਰਕਾਰ ਹੈ। ਭਾਜਪਾ ਧੋਖੇਬਾਜ਼ਾਂ ਦਾ ਚੋਰ ਦਰਵਾਜਾ ਬਣ ਗਈ ਹੈ। ਹੁਣ ਜਨਤਾ ਪੁੱਛ ਰਹੀ ਹੈ ਕਿ ਇਸ ਚੋਰ ਦਰਵਾਜੇ 'ਤੇ ਤਾਲਾ ਕੌਣ ਲਗਾਵੇਗਾ। ਸ਼ੇਰਗਿਲ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਅਤੇ ਵਿੱਤ ਮੰਤਰੀ ਦੀ ਨਿਗਰਾਨੀ ਵਿਚ 23 ਭਗੋੜੇ ਭੱਜੇ ਅਤੇ 54 ਹਜ਼ਾਰ ਕਰੋਡ਼ ਰੁਪਏ ਲੁੱਟ ਕਰੇ ਲੈ ਗਏ।

ਪ੍ਰਧਾਨ ਮੰਤਰੀ ਕਾਲਾ ਪੈਸਾ ਵਾਪਸ ਲਿਆਉਣ ਦਾ ਵਾਅਦਾ ਕਰ ਕੇ ਆਏ ਸਨ, ਪਰ ਕਾਲਾ ਪੈਸਾ ਤਾਂ ਆਇਆ ਨਹੀਂ, ਉਲਟਾ ਦੇਸ਼ ਦਾ ਪੈਸਾ ਬਾਹਰ ਚਲਾ ਗਿਆ। ਉਨ੍ਹਾਂ ਨੇ ਕਿਹਾ ਕਿ ਵਿਜੇ ਮਾਲਿਆ ਮਾਮਲੇ ਦੀ ਆਜ਼ਾਦ ਜਾਂਚ ਹੋਵੇ। ਪ੍ਰਧਾਨ ਮੰਤਰੀ, ਵਿੱਤ ਮੰਤਰੀ ਅਤੇ ਸੀਬੀਆਈ ਦੀ ਭੂਮਿਕਾ ਦੀ ਜਾਂਚ ਹੋਣੀ ਚਾਹੀਦੀ ਹੈ। ਇਸ ਦੇ ਨਾਲ ਹੀ 23 ਭਗੋੜਿਆਂ ਦੀ ਜਾਂਚ ਹੋਣੀ ਚਾਹੀਦੀ ਹੈ। ਇਕ ਸਵਾਲ ਦੇ ਜਵਾਬ ਵਿਚ ਸ਼ੇਰਗਿਲ ਨੇ ਕਿਹਾ ਕਿ ਅਸੀਂ ਇਹ ਆਜ਼ਾਦ ਜਾਂਚ ਅਦਾਲਤ ਦੀ ਨਿਗਰਾਨੀ ਵਿਚ ਚਾਹੁੰਦੇ ਹਾਂ। ਉਨ੍ਹਾਂ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਨੂੰ ਸੰਸਦ ਵਿਚ ਆ ਕੇ ਇਸ ਮਾਮਲੇ 'ਤੇ ਅਪਣੇ ਮਨ ਦੀ ਗੱਲ ਕਰਨੀ ਚਾਹੀਦੀ ਹੈ।

ਮਾਲਿਆ ਦੇ ਦਾਅਵੇ ਤੋਂ ਬਾਅਦ ਤੋਂ ਕਾਂਗਰਸ ਇਸ ਮਾਮਲੇ ਵਿਚ ਪ੍ਰਧਾਨ ਮੰਤਰੀ ਮੋਦੀ ਅਤੇ ਵਿੱਤ ਮੰਤਰੀ ਅਰੁਣ ਜੇਟਲੀ 'ਤੇ ਲਗਾਤਾਰ ਨਿਸ਼ਾਨਾ ਸਾਧ ਰਹੀ ਹੈ। ਦਰਅਸਲ, ਮਾਲਿਆ ਨੇ ਪਿਛਲੇ ਬੁੱਧਵਾਰ ਨੂੰ ਕਿਹਾ ਕਿ ਉਹ ਭਾਰਤ ਤੋਂ ਰਵਾਨਾ ਹੋਣ ਤੋਂ ਪਹਿਲਾਂ ਵਿੱਤ ਮੰਤਰੀ ਤੋਂ ਮਿਲਿਆ ਸੀ ਅਤੇ ਬੈਂਕਾਂ ਦੇ ਨਾਲ ਮਾਮਲੇ ਦਾ ਨਬੇੜਾ ਕਰਨ ਦੀ ਪੇਸ਼ਕਸ਼ ਕੀਤੀ ਸੀ। 

ਉਧਰ, ਵਿੱਤ ਮੰਤਰੀ ਜੇਟਲੀ ਨੇ ਮਾਲਿਆ ਦੇ ਬਿਆਨ ਨੂੰ ਝੂਠਾ ਕਰਾਰ ਦਿੰਦੇ ਹੋਏ ਕਿਹਾ ਕਿ ਉਨ੍ਹਾਂ ਨੇ 2014 ਤੋਂ ਬਾਅਦ ਉਸ ਨੂੰ ਕਦੇ ਮਿਲਣ ਦਾ ਸਮਾਂ ਨਹੀਂ ਦਿਤਾ ਸੀ। ਜੇਟਲੀ ਨੇ ਕਿਹਾ ਕਿ ਮਾਲਿਆ ਰਾਜ ਸਭਾ ਮੈਂਬਰ ਦੇ ਤੌਰ 'ਤੇ ਹਾਸਲ ਵਿਸ਼ੇਸ਼ ਅਧਿਕਾਰ ਦੀ ਗਲਤ ਵਰਤੋਂ ਕਰਦੇ ਹੋਏ ਸੰਸਦ - ਭਵਨ ਦੇ ਗਲਿਆਰੇ ਵਿਚ ਉਨ੍ਹਾਂ ਕੋਲ ਆ ਗਿਆ ਸੀ।