AirCraft

ਅਨੰਤਪੁਰ: ਆਂਧਰਾ ਪ੍ਰਦੇਸ਼ ਦੇ ਅਨੰਤਪੁਰ ਜ਼ਿਲ੍ਹੇ ਦੇ ਬ੍ਰਹਮਾ ਸਮੁਦਰਮ ਮੰਡਲ ਦੇ ਇਰਾਦਿਕੇਰਾ ਪਿੰਡ ਵਿੱਚ ਸੋਮਵਾਰ ਨੂੰ ਇੱਕ ਨਿਜੀ ਏਅਰਕ੍ਰਾਫਟ ਦੀ ਸਫ਼ਲਤਾਪੂਰਵਕ ਐਮਰਜੈਂਸੀ ਲੈਂਡਿੰਗ ਹੋਈ। ਇਹ ਏਅਰਕ੍ਰਾਫਟ ਮੈਸੂਰ ਤੋਂ ਬੇੱਲਾਰੀ ਜਾ ਰਿਹਾ ਸੀ। ਬ੍ਰਹਮਾ ਸਮੁਦਰਮ ਪੁਲਿਸ ਸਟੇਸ਼ਨ ਦੇ ਸਬ-ਇੰਸਪੈਕਟਰ ਨਾਗੇਂਦਰ ਪ੍ਰਸਾਦ ਨੇ ਦੱਸਿਆ ਕਿ ਜਹਾਜ਼ ਨੂੰ ਤੇਲ ਦੇ ਲੀਕ ਹੋਣ ਦੇ ਕਾਰਨ ਐਮਰਜੈਂਸੀ ਲੈਂਡਿੰਗ ਕਰਨੀ ਪਈ।

ਹੈਲਿਕਾਪਟਰ ਵਿੱਚ ਦੋ ਪਾਇਲਟ ਅਤੇ ਇੱਕ ਤਕਨੀਸ਼ਿਅਨ ਸਵਾਰ ਸਨ। ਉਨ੍ਹਾਂ ਨੇ ਦੱਸਿਆ ਕਿ ਐਮਰਜੈਂਸੀ ਲੈਂਡਿੰਗ ਦੇ ਕਾਰਨ ਕੋਈ ਨੁਕਸਾਨ ਜਾਂ ਜਖ਼ਮੀ ਨਹੀਂ ਹੋਇਆ ਹੈ। ਨਾ ਹੀ ਕਿਸੇ ਤਰ੍ਹਾਂ ਦੀ ਜਾਇਦਾਦ ਨੂੰ ਨੁਕਸਾਨ ਪਹੁੰਚਿਆ ਹੈ।

ਇੱਥੇ ਦੱਸਣਯੋਗ ਹੈ ਕਿ ਹਾਲ ਹੀ ‘ਚ ਬੀਤੇ ਹਫ਼ਤੇ ਫ਼ੌਜ ਦੇ ਇੱਕ ਹੈਲੀਕਾਪਟਰ ਵਿੱਚ ਕੋਈ ਤਕਨੀਕੀ ਖਰਾਬੀ ਆ ਗਈ ਸੀ, ਜਿਸ ਨੂੰ ਪਾਈਲਟ ਨੇ ਬੜੀ ਸੂਝ-ਬੂਝ ਦੇ ਨਾਲ ਸੁਰੱਖਿਅਤ ਲੈਂਡ ਕਰਵਾਇਆ ਸੀ। ਇਹ ਹੈਲੀਕਾਪਟਰ ਰੋਪੜ ਜ਼ਿਲ੍ਹੇ ਦੇ ਕੁਰਾਲੀ ਇਲਾਕੇ ਵਿੱਚ ਸਥਿਤ ਪਿੰਡ ਬਨਮਾਜਰਾ ਦੇ ਇੱਕ ਖੇਤ ਵਿੱਚ ਉਤਾਰਿਆ ਗਿਆ। ਗਨੀਮਤ ਰਹੀ ਕਿ ਕਿਸੀ ਵੀ ਤਰ੍ਹਾਂ ਦਾ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ ਸੀ।

ਇਸ ਲੈਂਡਿੰਗ ਨੂੰ ਫ਼ੌਜ ਦੇ ਅਧਿਕਾਰੀ ਟਰੇਨਿੰਗ ਦਾ ਹਿੱਸਾ ਦੱਸ ਰਹੇ ਹਨ। ਜਦ ਪਿੰਡ ਬਨਮਾਜਰਾ ਦੇ ਖੇਤਾਂ ਵਿੱਚ ਅਚਾਨਕ ਇੱਕ ਹੈਲੀਕਾਪਟਰ ਉਤਰਦਾ ਦਿਖਾਈ ਦਿੱਤਾ। ਫ਼ੌਜ ਦੇ ਇੱਕ ਹੈਲੀਕਾਪਟਰ ਨੇ 3 ਅਫਸਰਾਂ ਨੂੰ ਲੈ ਕੇ ਪਟਿਆਲਾ ਤੋਂ ਪਠਾਨਕੋਟ ਦੇ ਲਈ ਉਡਾਣ ਭਰੀ। ਜਦੋਂ ਇਹ ਰੋਪੜ ਦੇ ਕੁਰਾਲੀ ਇਲਾਕੇ ਤੋਂ ਲੰਘਿਆ ਤਾਂ ਅਚਾਨਕ ਇਸ ਵਿੱਚ ਕੋਈ ਤਕਨੀਕੀ ਖਰਾਬੀ ਆ ਗਈ। ਇਸ ਦੇ ਬਾਅਦ ਪਾਇਲਟ ਨੇ ਸੂਝ ਬੂਝ ਦਿਖਾਉਂਦੇ ਹੋਏ ਹੈਲੀਕਾਪਟਰ ਨੂੰ ਸੁਰੱਖਿਅਤ ਢੰਗ ਨਾਲ ਐਮਰਜੈਂਸੀ ਲੈਂਡ ਕਰਵਾਇਆ ਸੀ।