ਪੁਡੂਚੇਰੀ, 17 ਫ਼ਰਵਰੀ : ਕਾਂਗਰਸ ਆਗੂ ਰਾਹੁਲ ਗਾਂਧੀ ਨੇ ਬੁਧਵਾਰ ਨੂੰ ਪੁਡੂਚੇਰੀ ’ਚ ਮਛੇਰਿਆਂ ਨਾਲ ਗੱਲਬਾਤ ਕੀਤੀ। ਇਸ ਦੌਰਾਨ ਉਨ੍ਹਾਂ ਨੇ ਤਿੰਨ ਖੇਤੀ ਕਾਨੂੰਨ ਤੇ ਕਿਸਾਨਾਂ ਦਾ ਮੁੱਦਾ ਚੁੱਕਿਆ ਤੇ ਭਾਰਤ ਸਰਕਾਰ ’ਤੇ ਇਕ ਵਾਰ ਮੁੜ ਹਮਲਾ ਕੀਤਾ। ਨਾਲ ਹੀ ਉਨ੍ਹਾਂ ਮਛੇਰਿਆਂ ਨੂੰ ਸਮੁੰਦਰ ਦਾ ਕਿਸਾਨ ਦਸਦਿਆਂ ਉਨ੍ਹਾਂ ਲਈ ਮੰਤਰਾਲਾ ਦੀ ਲੋੜ ’ਤੇ ਵੀ ਜ਼ੋਰ ਦਿਤਾ।

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵੀ 25 ਫ਼ਰਵਰੀ ਨੂੰ ਪੁਡੂਚੇਰੀ ਦਾ ਦੌਰਾ ਕਰਨ ਵਾਲੇ ਹਨ। ਉਹ ਕੋਯੂਬਟੂਰ ਵੀ ਜਾਣਗੇ। ਕੇਂਦਰ ਸ਼ਾਸ਼ਤ ਸੂਬਾ ਪੁਡੂਚੇਰੀ ’ਚ ਤੇਜੀ ਨਾਲ ਬਦਲੇ ਘਟਨਾਕਰਮ ’ਚ ਸੱਤਾ ਧਿਰ ਪਾਰਟੀ ਦੇ ਇਕ ਹੋਰ ਵਿਧਾਇਕ ਜਾਨ ਕੁਮਾਰ ਦੇ ਅਸਤੀਫ਼ਾ ਦੇਣ ਤੋਂ ਕਾਂਗਰਸ ਦੀ ਸਰਕਾਰ ਘੱਟ ਵੋਟਾਂ ’ਚ ਆ ਗਈ ਹੈ। ਦੂਜੇ ਪਾਸੇ, ਉਪ-ਰਾਜਪਾਲ ਕਿਰਨ ਬੇਦੀ ਨੂੰ ਹਟਾਇਆ ਗਿਆ, ਜਿਸ ਦੀ ਮੰਗ ਕਾਂਗਰਸ ਕਾਫੀ ਸਮੇਂ ਤੋਂ ਕਰਦੀ ਰਹੀ ਹੈ। ਸੂਬੇ ’ਚ ਅਪ੍ਰੈਲ-ਮਈ ’ਚ ਹੋਣ ਵਾਲੇ ਵਿਧਾਨ ਸਭਾ ਚੋਣਾਂ ਤੋਂ ਪਹਿਲਾਂ ਹੀ ਕਾਂਗਰਸ ਨੂੰ ਝਟਕਾ ਲਗਣ ਦਾ ਸਿਲਸਿਲਾ ਲਗਾਤਾਰ ਜਾਰੀ ਹੈ।