1984 ਕਤਲੇਆਮ ‘ਤੇ ਅਰੁਣ ਜੇਤਲੀ ਦਾ ਵੱਡਾ ਬਿਆਨ
ਤਕਰੀਬਨ 34 ਸਾਲ ਦੇ ਬਾਅਦ 1984 ਸਿੱਖ ਦੰਗਿਆਂ ਨਾਲ ਜੁੜੇ ਇਕ ਮਾਮਲੇ.......
ਨਵੀਂ ਦਿੱਲੀ (ਭਾਸ਼ਾ): ਤਕਰੀਬਨ 34 ਸਾਲ ਦੇ ਬਾਅਦ 1984 ਸਿੱਖ ਦੰਗਿਆਂ ਨਾਲ ਜੁੜੇ ਇਕ ਮਾਮਲੇ ਵਿਚ ਦਿੱਲੀ ਹਾਈ ਕੋਰਟ ਦੀ ਡਬਲ ਬੈਂਚ ਨੇ ਸੋਮਵਾਰ ਨੂੰ ਟਰਾਇਲ ਕੋਰਟ ਦੇ ਫੈਸਲੇ ਨੂੰ ਪਲਟਦੇ ਹੋਏ ਸੱਜਣ ਕੁਮਾਰ ਨੂੰ ਦੰਗੇ ਲਈ ਦੋਸ਼ੀ ਮੰਨਿਆ ਅਤੇ ਉਮਰਕੈਦ ਦੀ ਸੱਜਾ ਦੇ ਦਿਤੀ। ਉਨ੍ਹਾਂ ਨੂੰ ਅਪਰਾਧਕ ਸਾਜਿਸ਼ ਰਚਨ, ਅਹਿੰਸਾ ਕਰਵਾਉਣ ਅਤੇ ਦੰਗੇ ਭੜਕਾਉਣ ਦਾ ਦੋਸ਼ੀ ਪਾਇਆ ਗਿਆ ਹੈ। ਇਸ ਫੈਸਲੇ ਉਤੇ ਵਿੱਤ ਮੰਤਰੀ ਅਰੁਣ ਜੇਤਲੀ ਨੇ ਖੁਸ਼ੀ ਜਤਾਉਂਦੇ ਹੋਏ ਕਿਹਾ ਕਿ ਅਸੀਂ ਇਸ ਦਾ ਸਵਾਗਤ ਕਰਦੇ ਹਾਂ। ਇਸ ਮਾਮਲੇ ‘ਚ ਫੈਸਲਾ ਦੇਰ ਵਿਚ ਆਇਆ ਪਰ ਨਿਆਂ ਮਿਲਣਾ ਸ਼ੁਰੂ ਹੋਇਆ ਇਹ ਵੱਡੀ ਗੱਲ ਹੈ।
ਕਾਂਗਰਸ ਪਾਰਟੀ ਦੇ ਪਾਪ ਧੋਏ ਨਹੀਂ ਜਾ ਸਕਦੇ ਜਿਸ ਢੰਗ ਨਾਲ ਉਨ੍ਹਾਂ ਨੇ ਇਸ ਪੂਰੀ ਘਟਨਾ ਉਤੇ ਪਰਦਾ ਪਾਉਣ ਦੀ ਹਮੇਸ਼ਾ ਕੋਸ਼ਿਸ਼ ਕੀਤੀ। ਕਾਂਗਰਸ ਪਾਰਟੀ ਦੇ ਉਤੇ ਤੋਂ ਇਹ ਪਾਪ ਕਦੇ ਹਟ ਨਹੀਂ ਸਕਦੇ ਹਜਾਰਾਂ ਕਤਲ ਕਰਕੇ ਮਾਫੀ ਪਟੀਸ਼ਨ ਲੈਣ ਨਾਲ ਇਹ ਮਾਮਲਾ ਖਤਮ ਨਹੀਂ ਹੋ ਸਕਦਾ। ਜੇਤਲੀ ਨੇ ਕਿਹਾ ਕਿ ਸਿੱਖ ਸਮੁਦਾਏ ਜਿਸ ਵਿਅਕਤੀ ਦੀ ਦੰਗਿਆਂ ਵਿਚ ਭੂਮਿਕਾ ਮੰਨਦੇ ਹਨ ਅੱਜ ਉਨ੍ਹਾਂ ਨੂੰ ਮੁੱਖ ਮੰਤਰੀ ਬਣਾਇਆ ਜਾ ਰਿਹਾ ਹੈ। ਜੇਤਲੀ ਨੇ ਇਲਜ਼ਾਮ ਲਗਾਇਆ ਕਿ ਕਾਂਗਰਸ ਪਾਰਟੀ ਅਤੇ ਗਾਂਧੀ ਪਰਵਾਰ ਨੇ ਹਮੇਸ਼ਾ ਇਸ ਪੂਰੇ ਮਾਮਲੇ ਵਿਚ ਪਰਦਾ ਪਾਉਣ ਦੀ ਕੋਸ਼ਿਸ਼ ਕੀਤੀ।
ਜਿਸ ਭੀੜ ਨੇ ਹਜਾਰਾਂ ਲੋਕਾਂ ਦੀ ਹੱਤਿਆ ਕੀਤੀ ਕਾਂਗਰਸ ਦੇ ਨੇਤਾ ਉਸ ਦੀ ਅਗਵਾਈ ਕਰ ਰਹੇ ਸਨ। ਜਾਂਚ ਕਮਿਸ਼ਨ ਬਣਾਏ ਗਏ ਇਸ ਨੂੰ ਲੈ ਕੇ ਉਸ ਨੇ ਵੀ ਕਿਸੇ ਨੂੰ ਜ਼ਿੰਮੇਦਾਰ ਨਹੀਂ ਮੰਨਿਆ ਅਤੇ ਬਾਅਦ ਵਿਚ ਉਸੀ ਜੱਜ ਨੂੰ ਰਾਜ ਸਭਾ ਦਾ ਮੈਂਬਰ ਬਣਾਇਆ ਗਿਆ। ਵੱਖ-ਵੱਖ ਕਮੇਟੀਆਂ ਬਣਾਈਆਂ ਗਈਆਂ, ਪਰ ਉਸ ਵਿਚ ਵੀ ਕੁਝ ਨਹੀਂ ਹੋਇਆ। ਮੋਦੀ ਸਰਕਾਰ ਆਉਣ ਤੋਂ ਬਾਅਦ ਐਸਆਈਟੀ ਬਣਾਈ ਗਈ ਉਸ ਤੋਂ ਬਾਅਦ ਸੁਪ੍ਰੀਮ ਕੋਰਟ ਨੇ ਇਸ ਮਾਮਲੇ ਵਿਚ ਦਖ਼ਲ ਦਿਤਾ ਅਤੇ ਫਿਰ ਨਿਆਂ ਮਿਲਣਾ ਸ਼ੁਰੂ ਹੋਇਆ।