Yogi

ਲਖਨਊ: ਵਿੱਤੀ ਸਾਲ 2020-21 ਲਈ ਮੰਗਲਵਾਰ ਨੂੰ ਪੇਸ਼ ਕੀਤੇ ਗਏ ਬਜਟ ‘ਚ ਯੋਗੀ ਸਰਕਾਰ ਨੇ ਤਲਾਕਸ਼ੁਦਾ ਅਤੇ ਛੱਡ ਦਿੱਤੀਆਂ ਗਈਆਂ ਔਰਤਾਂ ਲਈ ਪੈਂਸ਼ਨ ਦੀ ਵਿਵਸਥਾ ਕੀਤੀ ਗਈ ਹੈ। ਇਸ ਮਸਲੇ ‘ਚ ਪ੍ਰਦੇਸ਼ ਦੇ ਵਿੱਤ ਮੰਤਰੀ  ਸੁਰੇਸ਼ ਖੰਨਾ ਨੇ ਕਿਹਾ ਕਿ ਤਿੰਨ ਤਲਾਕ ਦੀ ਸ਼ਿਕਾਰ ਔਰਤਾਂ ਨੂੰ ਪੈਂਸ਼ਨ ਦੀ ਸਹੂਲਤ ਮਿਲੇਗੀ।

ਉਨ੍ਹਾਂ ਨੇ ਕਿਹਾ ਕਿ ਇੰਨ੍ਹਾਂ ਨੂੰ 500 ਰੁਪਏ ਪ੍ਰਤੀ ਮਹੀਨਾ ਪੈਂਸ਼ਨ ਦਿੱਤੀ ਜਾਵੇਗੀ, ਯਾਨੀ ਇੱਕ ਸਾਲ ‘ਚ 6000 ਹਜਾਰ ਰੁਪਏ ਪੀੜਿਤ ਔਰਤਾਂ ਨੂੰ ਦਿੱਤੇ ਜਾਣਗੇ। ਉਥੇ ਹੀ, ਸਰਕਾਰ ਨੇ ਆਪਣੇ ਬਜਟ ਵਿੱਚ 1,200 ਕਰੋੜ ਰੁਪਏ ਦੀ ਵਿਵਸਥਾ ਕੀਤੀ ਗਈ ਹੈ।  

5 ਲੱਖ ਕਰੋੜ ਦੀ ਹੱਦ ਹੋਈ ਪਾਰ

ਯੋਗੀ ਸਰਕਾਰ ਨੇ 5 ਲੱਖ 12 ਹਜਾਰ 860 ਕਰੋੜ 72 ਲੱਖ ਰੁਪਏ ਦਾ ਬਜਟ ਪੇਸ਼ ਕੀਤਾ ਹੈ। ਪਿਛਲੇ ਵਿੱਤੀ ਸਾਲ 2019-20 ਦੇ ਮੁਕਾਬਲੇ ਇਹ ਬਜਟ 33 ਹਜਾਰ 159 ਕਰੋੜ ਰੁਪਏ ਜ਼ਿਆਦਾ ਹੈ। ਵਿੱਤ ਮੰਤਰੀ ਸੁਰੇਸ਼ ਖੰਨਾ ਨੇ ਯੂਪੀ  ਦੇ ਇਤਹਾਸ ਦਾ ਸਭ ਤੋਂ ਵੱਡਾ ਬਜਟ ਪੇਸ਼ ਕੀਤਾ ਹੈ। ਬਜਟ ਵਿੱਚ 10 ਹਜਾਰ 967 ਕਰੋੜ 87 ਲੱਖ ਦੀਆਂ ਨਵੀਆਂ ਯੋਜਨਾਵਾਂ ਯੋਜਨਾਵਾਂ ਸ਼ਾਮਿਲ ਕੀਤੀਆਂ ਗਈਆਂ ਹਨ।  

ਚਰਚਾ ‘ਚ ਰਹੀਆਂ ਵਿੱਤ ਮੰਤਰੀ ਦੀਆਂ ਇਹ ਸਤਰਾਂ

ਬਜਟ ਪੇਸ਼ ਕਰਦੇ ਹੋਏ ਵਿੱਤ ਮੰਤਰੀ ਸੁਰੇਸ਼ ਖੰਨਾ ਨੇ ਯੋਗੀ ਸਰਕਾਰ ਦੇ ਪਿਛਲੇ ਕਾਰਜਕਾਲ  ਦੇ ਦੌਰਾਨ ਕੀਤੇ ਗਏ ਵਿਕਾਸ ਕਾਰਜਾਂ ਦੀ ਜਾਣਕਾਰੀ ਦਿੱਤੀ, ਨਾਲ ਹੀ ਉਨ੍ਹਾਂ ਨੇ ਆਪਣੀ ਸਰਕਾਰ ਦੀਆਂ ਪ੍ਰਾਪਤੀਆਂ ਦਾ ਵੀ ਜਿਕਰ ਕੀਤਾ। ਵਿਕਾਸ ਦੇ ਪ੍ਰਤੀ ਯੋਗੀ ਸਰਕਾਰ ਦੀ ਪ੍ਰਤਿਬੱਧਤਾ ਦਾ ਜਿਕਰ ਕਰਦੇ ਹੋਏ ਸੁਰੇਸ਼ ਖੰਨਾ ਨੇ ਇਹ ਸਤਰਾਂ ਪੜੀਆਂ-ਅਣਪੜ੍ਹੀਆਂ ਤੋਂ ਉਡ ਸੱਕਦੇ ਹਨ, ਹੱਦ ਤੋਂ ਹੱਦ ਦੀਆਂ ਦੀਵਾਰਾਂ ਤੱਕ, ਅੰਬਰ ਤੱਕ ਤਾਂ ਉਹੀ ਉਡਣਗੇ, ਜਿਨ੍ਹਾਂ ਦੇ ਆਪਣੇ ਖੰਭ ਹੋਣਗੇ।  

ਅਯੋਧਿਆ ਏਅਰਪੋਰਟ ਲਈ 500 ਕਰੋੜ

ਸੁਰੇਸ਼ ਖੰਨਾ ਨੇ ਕਿਹਾ ਕਿ ਅਯੋਧਿਆ ਏਅਰਪੋਰਟ ਲਈ 500 ਕਰੋੜ ਦੀ ਵਿਵਸਥਾ ਕੀਤੀ ਗਈ ਹੈ। ਝਾਂਸੀ, ਆਗਰਾ ਅਤੇ ਕਾਨਪੁਰ ‘ਚ ਭੂਮੀ ਚਿੰਨ੍ਹਤ ਕੀਤੀ ਗਈ। ਅਟਲ ਭੂਜਲ ਯੋਜਨਾ ਆਰੰਭ ਕੀਤੀ ਜਾ ਰਹੀ ਹੈ। 14 ਸਿੰਚਾਈ ਯੋਜਨਾਵਾਂ ਨੂੰ ਇਸ ਸਾਲ ਪੂਰਾ ਕਰਨ ਦਾ ਟਿੱਚਾ ਰੱਖਿਆ ਗਿਆ ਹੈ।