Congress releases manifesto for Rajasthan

ਨਵੀਂ ਦਿੱਲੀ (ਭਾਸ਼ਾ) : ਕਾਂਗਰਸ ਨੇ ਵੀਰਵਾਰ ਨੂੰ ਕਿਹਾ ਕਿ ਰਾਜਸਥਾਨ ਵਿਚ ਸੱਤਾ 'ਚ ਆਉਣ 'ਤੇ ਉਹ ਕਿਸਾਨਾਂ ਦਾ ਕਰਜ਼ ਮੁਆਫ਼ ਕਰੇਗੀ,  ਬਜ਼ੁਰਗ ਕਿਸਾਨਾਂ ਨੂੰ ਪੈਨਸ਼ਨ ਦਵੇਗੀ, ਬੇਰੁਜ਼ਗਾਰ ਨੌਜਵਾਨਾਂ ਨੂੰ 3500 ਰੁਪਏ ਤੱਕ ਦਾ ਮਹੀਨਾਵਾਰ ਭੱਤਾ ਦਵੇਗੀ ਅਤੇ ਬੱਚਿਆਂ ਦੀ ਸਿੱਖਿਆ ਸਾਰੀ ਮੁਫ਼ਤ ਕਰੇਗੀ। ਕਾਂਗਰਸ ਨੇ ਅਗਲੀ ਰਾਜਸਥਾਨ ਵਿਧਾਨ ਸਭਾ ਚੋਣਾਂ ਲਈ ਅਪਣੇ ਵਿਅਕਤੀ ਐਲਾਨ ਪੱਤਰ ਵਿਚ ਇਹ ਵਾਅਦੇ ਕੀਤੇ ਹਨ। ਐਲਾਨ ਪੱਤਰ ਵੀਰਵਾਰ ਨੂੰ ਇੱਥੇ ਜਾਰੀ ਕੀਤਾ ਗਿਆ।

ਪਾਰਟੀ ਦਾ ਕਹਿਣਾ ਹੈ ਕਿ ਇਹ ਐਲਾਨ ਪੱਤਰ ਸੂੱਬੇ ਦੀ ਜਨਤਾ ਦੀਆਂ ਭਾਵਨਾਵਾਂ, ਉਨ੍ਹਾਂ ਦੀਆਂ ਉਮੀਂਦਾ ਅਤੇ ਆਸਾਂ ਨੂੰ ਧਿਆਨ ਵਿਚ ਰੱਖਕੇ ਤਿਆਰ ਕੀਤਾ ਗਿਆ ਹੈ। ਇਸ ਦੇ ਲਈ ਪਾਰਟੀ ਨੂੰ ਆਫਲਾਈਨ ਅਤੇ ਆਨਲਾਈਨ ਲੱਗਭੱਗ ਦੋ ਲੱਖ ਸੁਝਾਅ ਮਿਲੇ ਸਨ। ਕਾਂਗਰਸ ਦੇ ਐਲਾਨ ਪੱਤਰ ਦੀਆਂ ਪ੍ਰਮੁੱਖ ਗੱਲਾਂ ਵਿਚ ਕਿਸਾਨਾਂ ਨੂੰ ਕਰਜ਼ ਮੁਆਫ਼ੀ, ਬੇਰੋਜ਼ਗਾਰ ਨੌਜਵਾਨਾਂ ਨੂੰ 3500 ਰੁਪਏ ਤੱਕ ਦਾ ਭੱਤਾ,  ਬੱਚਿਆਂ ਦੀ ਸਾਰੀ ਸਿੱਖਿਆ ਮੁਫ਼ਤ ਕਰਨਾ ਅਤੇ ਰਾਈਟ ਟੂ ਹੈੱਲਥ  ਦੇ ਪ੍ਰਸਤਾਵ ਸ਼ਾਮਿਲ ਹਨ। ਇਸ ਦੇ ਨਾਲ ਹੀ ਉਸਨੇ ਬਜ਼ੁਰਗ ਕਿਸਾਨਾਂ ਨੂੰ ਪੈਨਸ਼ਨ ਦੇਣ ਦੀ ਗੱਲ ਕਹੀ ਹੈ। ਉਹ ਅਸੰਗਠਿਤ ਮਜ਼ਦੂਰਾਂ ਲਈ ਬੋਰਡ ਬਣਾਏਗੀ। 

ਪਾਰਟੀ ਦੇ ਸਟੇਟ ਪ੍ਰਧਾਨ ਸਚਿਨ ਪਾਇਲਟ ਨੇ ਇਸ ਮੌਕੇ ਉਤੇ ਕਿਹਾ ਕਿ ਇਹ ਵਿਅਕਤੀ ਐਲਾਨ ਪੱਤਰ ਕੋਈ ਦਸਤਾਵੇਜ਼ ਨਹੀਂ ਸਗੋਂ ਪਾਰਟੀ ਦੀ ਜਨਤਾ ਦੇ ਪ੍ਰਤੀ ਵਚਨਬੱਧਤਾ ਹੈ। ਸਾਬਕਾ ਮੁੱਖ ਮੰਤਰੀ ਅਸ਼ੋਕ ਗਹਿਲੋਤ ਨੇ ਇਸ ਮੌਕੇ ਉਤੇ ਕਿਹਾ ਕਿ ਪਾਰਟੀ  ਦੇ ਅੇਲਾਨ ਪੱਤਰ ਵਿਚ ਵਿਅਕਤੀ ਭਾਵਨਾਵਾਂ ਨੂੰ ਸ਼ਾਮਿਲ ਕਰਨ ਦਾ ਇਹ ਰਾਹੁਲ ਮਾਡਲ ਹੈ ਅਤੇ ਐਲਾਨ ਪੱਤਰ ਲਈ ਲੱਗਭੱਗ ਦੋ ਲੱਖ ਸੁਝਾਅ ਮਿਲੇ। 

ਗਹਿਲੋਤ ਨੇ ਇਲਜ਼ਾਮ ਲਗਾਇਆ ਕਿ ਵਸੁੰਧਰਾ ਰਾਜੇ ਸਰਕਾਰ ਨੇ ਪਰਾਣੀ ਕਾਂਗਰਸ ਸਰਕਾਰ ਦੀਆਂ ਬਹੁਤ ਸਾਰੀਆਂ ਜਨਤਕ ਭਲਾਈ ਸਕੀਮਾਂ ਬੰਦ ਕਰ ਦਿਤੀਆਂ। ਪਾਰਟੀ ਦੇ ਸੀਨੀਅਰ ਆਗੂ ਨੇ ਸੂੱਬੇ ਦੇ ਸੱਤ ਭਾਗਾਂ ਵਿਚ ਇਸ ਐਲਾਨ ਪੱਤਰ ਨੂੰ ਜਾਰੀ ਕੀਤਾ। ਇਸ ਮੌਕੇ ਉਤੇ ਐਲਾਨ ਪੱਤਰ ਕਮੇਟੀ ਦੇ ਪ੍ਰਧਾਨ ਹਰੀਸ਼ ਚੌਧਰੀ ਅਤੇ ਪਾਰਟੀ ਦੇ ਸੂੱਬੇ ਦੇ ਇੰਚਾਰਜ ਅਵੀਨਾਸ਼ ਪਾਂਡੇ ਵੀ ਮੌਜੂਦ ਸਨ।