Pregnant Case

ਓਡਿਸ਼ਾ : ਓਡਿਸ਼ਾ ਵਿਚ ਵੱਖ-ਵੱਖ ਜਗ੍ਹਾਂ ਉਤੇ ਸਰਕਾਰੀ ਹੋਸਟਲਾਂ ਵਿਚ ਰਹਿਣ ਵਾਲੀਆਂ ਦੋ ਵਿਦਿਆਰਥਣਾਂ ਸਹਿਤ ਕੁੱਲ ਤਿੰਨ ਨਬਾਲਿਗ ਕੁੜੀਆਂ ਦੇ ਗਰਭਵਤੀ ਹੋਣ ਅਤੇ ਇਕ ਹੋਰ ਨਬਾਲਿਗ ਕੁੜੀ ਦੇ ਇਕ ਬੱਚੇ ਨੂੰ ਜਨਮ ਦੇਣ  ਦਾ ਮਾਮਲਾ ਸਾਹਮਣੇ ਆਇਆ ਹੈ। ਪੁਲਿਸ ਨੇ ਇਹ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਢੈਂਕਨਾਲ, ਕਾਲਾਹਾਂਡੀ ਅਤੇ ਜਾਜਪੁਰ ਜਿਲ੍ਹੀਆਂ ਤੋਂ ਇਹ ਘਟਨਾਵਾਂ ਸਾਹਮਣੇ ਆਈਆਂ ਹਨ। ਹੁਣ ਇਕ ਹਫ਼ਤੇ ਪਹਿਲਾਂ ਹੀ ਰਾਜ ਦੀਆਂ ਅਨੁਸੂਚੀਤ ਜਾਤੀਆਂ ਅਤੇ ਅਨੁਸੂਚੀਤ ਕਬੀਲਿਆਂ ਵਿਕਾਸ ਵਿਭਾਗ ਦੁਆਰਾ ਸੰਚਾਲਿਤ ਕੰਧਮਾਲ ਜਿਲ੍ਹੇ ਤੋਂ ਅਜਿਹੀ ਹੀ ਇਕ ਘਟਨਾ ਸਾਹਮਣੇ ਆਈ ਸੀ,

ਜਿਥੇ ਇਕ ਸਕੂਲ ਦੀ 14 ਸਾਲ ਦੀ ਵਿਦਿਆਰਥਣ ਨੇ ਹੋਸਟਲ ਵਿਚ ਇਕ ਬੱਚੇ ਨੂੰ ਜਨਮ ਦਿਤਾ ਸੀ। ਨਬਾਲਿਗ ਨੇ 12 ਜਨਵਰੀ ਨੂੰ ਬੱਚੇ ਨੂੰ ਜਨਮ ਦਿਤਾ ਸੀ। ਢੇਂਕਨਾਲ  ਸਕੂਲ ਦੇ ਹੈਡਮਾਸਟਰ ਜਨਾਰਦਨ ਸਮਾਲ ਨੇ ਸ਼ੁੱਕਰਵਾਰ ਨੂੰ ਸਦਰ ਪੁਲਿਸ ਥਾਣੇ ਵਿਚ ਸ਼ਿਕਾਇਤ ਦਰਜ ਕਰਵਾਈ ਸੀ ਕਿ ਅੱਠਵੀਂ ਜਮਾਤ ਦੀ ਵਿਦਿਆਰਥਣ ਗਰਭਵਤੀ ਪਾਈ ਗਈ ਹੈ। ਢੇਂਕਨਾਲ ਦੇ ਪੁਲਿਸ ਅਧਿਕਾਰੀ ਐਸ ਕੇ ਕਰੀਮ ਨੇ ਦੱਸਿਆ ਕਿ ਹੈਡਮਾਸਟਰ ਦੀ ਸ਼ਿਕਾਇਤ ਦੇ ਅਧਾਰ ਉਤੇ 14 ਸਾਲ ਦਾ ਵਿਦਿਆਰਥਣ ਦੇ ਬਿਆਨ ਦਰਜ ਕੀਤੇ ਗਏ। ਜਾਜਪੁਰ ਜਿਲ੍ਹੇ ਦੇ ਕਾਲਿਆਪਾਨੀ ਦੇ 15 ਸਾਲ ਦਾ ਇਕ ਨਬਾਲਿਗ ਨੂੰ ਫੜਿਆ ਗਿਆ ਹੈ।

ਘਟਨਾ ਦੀ ਜਾਣਕਾਰੀ ਫੈਲਣ ਉਤੇ ਭਾਜਪਾ ਕਰਮਚਾਰੀਆਂ ਅਤੇ ਸਥਾਨਕ ਨਿਵਾਸੀਆਂ ਨੇ ਵਿਰੋਧ ਪ੍ਰਦਰਸ਼ਨ ਕੀਤਾ ਅਤੇ ਦੋਸ਼ੀਆਂ ਦੇ ਵਿਰੁਧ ਸਥਤ ਕਾਰਵਾਈ ਕਰਨ ਦੀ ਮੰਗ ਕੀਤੀ। ਅਧਿਕਾਰੀਆਂ ਨੇ ਦੱਸਿਆ ਕਿ ਇਕ ਹੋਰ ਘਟਨਾ ਵਿਚ ਕਾਲਾਹਾਂਡੀ ਜਿਲ੍ਹੇ ਦੇ ਨਰਲਾ ਖੇਤਰ ਵਿਚ ਨਵੋਦਏ ਸਕੂਲ ਦੀ ਜਮਾਤ ਨੌਵੀ ਦੀ ਵਿਦਿਆਰਥਣ ਦੇ ਕਥਿਤ ਤੌਰ ਉਤੇ ਗਰਭਵਤੀ ਹੋਣ ਅਤੇ ਉਸ ਉਤੇ ਗਰਭਪਾਤ ਦੀ ਦਵਾਈ ਲੈਣ ਦਾ ਸ਼ੱਕ ਹੈ।

ਕਾਲਾਹਾਂਡੀ ਵਿਚ ਹੀ ਇਕ ਹੋਰ ਘਟਨਾ ਵਿਚ 24 ਸਾਲ ਦੇ ਇਕ ਨੌਜਵਾਨ ਨੂੰ 13 ਸਾਲ ਦੀ ਬੱਚੀ ਨਾਲ ਕੁਕਰਮ ਕਰਨ ਦੇ ਇਲਜ਼ਾਮ ਵਿਚ ਗ੍ਰਿਫ਼ਤਾਰ ਕੀਤਾ ਗਿਆ ਹੈ। ਇਸ ਘਟਨਾ ਵਿਚ ਕੁੜੀ ਗਰਭਵਤੀ ਹੋ ਗਈ ਸੀ। ਜਾਜਪੁਰ ਜਿਲ੍ਹੇ ਵਿਚ 15 ਸਾਲ ਦੀ ਇਕ ਕੁੜੀ ਨੇ ਵੀਰਵਾਰ ਨੂੰ ਕਲਿੰਗ ਨਗਰ ਖੇਤਰ ਵਿਚ ਇਕ ਬੱਚੇ ਨੂੰ ਜਨਮ ਦਿਤਾ। ਪੁਲਿਸ ਨੇ ਦੱਸਿਆ ਕਿ ਕੁੜੀ ਅਤੇ ਬੱਚੇ ਦੋਨਾਂ ਦਾ ਜਿਲ੍ਹਾਂ ਹਸਪਤਾਲ ਵਿਚ ਇਲਾਜ ਚੱਲ ਰਿਹਾ ਹੈ। ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।