ਮਹਿਲਾ ਅਧਿਆਪਕ ਨੇ ਸਿਰ ਮੁੰਡਵਾ ਕੇ ਰਾਹੁਲ ਗਾਂਧੀ ਨੂੰ ਭੇਜੇ ਵਾਲ, ਜਾਣੋ ਕੀ ਹੈ ਕਾਰਨ
ਬੀਤੇ 72 ਦਿਨਾਂ ਤੋਂ ਆਪਣੀਆਂ ਮੰਗਾਂ ਨੂੰ ਲੈ ਕੇ ਧਰਨੇ ‘ਤੇ ਬੈਠੇ ਗੈਸਟ ਸਕਾਲਰਸ ਲਈ ਬੁੱਧਵਾਰ ਦਾ ਦਿਨ ਬੇਹੱਦ ਭਾਵੁਕ ਕਰਨ ਵਾਲਾ ਰਿਹਾ।
ਮੱਧ ਪ੍ਰਦੇਸ਼: ਭੋਪਾਲ ਵਿਚ ਬੀਤੇ 72 ਦਿਨਾਂ ਤੋਂ ਆਪਣੀਆਂ ਮੰਗਾਂ ਨੂੰ ਲੈ ਕੇ ਧਰਨੇ ‘ਤੇ ਬੈਠੇ ਗੈਸਟ ਸਕਾਲਰਸ ਲਈ ਬੁੱਧਵਾਰ ਦਾ ਦਿਨ ਬੇਹੱਦ ਭਾਵੁਕ ਕਰਨ ਵਾਲਾ ਰਿਹਾ। ਬੁੱਧਵਾਰ ਦੁਪਹਿਰ ਨੂੰ ਧਰਨਾ ਦੇ ਰਹੀ ਇਕ ਔਰਤ ਨੇ ਅਪਣੇ ਕੇਸ ਤਿਆਗਦੇ ਹੋਏ ਜਨਤਕ ਰੂਪ ਤੋਂ ਖੁਦ ਦਾ ਮੁੰਡਨ ਕਰਵਾ ਲਿਆ। ਮੁੰਡਨ ਕਰਵਾਉਣ ਵਾਲੀ ਗੈਸਟ ਸਕਾਲਰ ਦਾ ਨਾਂਅ ਡਾਕਟਰ ਸ਼ਾਹੀਨ ਖ਼ਾਨ ਹੈ।
ਮੁੰਡਨ ਕਰਵਾਉਣ ਤੋਂ ਬਾਅਦ ਪੱਤਰਕਾਰਾਂ ਨਾਲ ਗੱਲਬਾਤ ਸਮੇਂ ਇਹ ਔਰਤ ਭਾਵੂਕ ਹੋ ਗਈ। ਉਹਨਾਂ ਕਿਹਾ ਕਿ ਚੋਣਾਂ ਤੋਂ ਬਾਅਦ ਗੈਸਟ ਸਕਾਲਰਸ ਨਾਲ ਕਾਂਗਰਸ ਨੇ ਵਾਅਦਾ ਕੀਤਾ ਸੀ ਕਿ ਸਰਕਾਰ ਬਣਨ ‘ਤੇ ਸਾਡੀਆਂ ਮੰਗਾਂ ਨੂੰ ਪੂਰਾ ਕੀਤਾ ਜਾਵੇਗਾ। ਉਹਨਾਂ ਕਿਹਾ ਕਿ ਉਹਨਾਂ ਨੇ ਸਾਲ ਤੱਕ ਇੰਤਜ਼ਾਰ ਕੀਤਾ ਤੇ ਉਸ ਤੋਂ ਬਾਅਦ ਅੰਦੋਲਨ ਸ਼ੁਰੂ ਕਰ ਦਿੱਤਾ ਤਾਂ ਗੈਸਟ ਸਕਾਲਰਸ ਨੂੰ ਫਾਲਨ ਆਊਟ ਨੋਟਿਸ ਮਿਲਣਾ ਸ਼ੁਰੂ ਹੋ ਗਿਆ।
ਉਹਨਾਂ ਕਿਹਾ ਕਿ ਉਹ ਇੱਥੇ ਦੋ ਮਹੀਨੇ ਤੋਂ ਠੰਢ ਵਿਚ ਧਰਨਾ ਦੇ ਰਹੇ ਹਨ ਪਰ ਸਰਕਾਰ ਨੇ ਕੋਈ ਸਾਰ ਨਹੀਂ ਲਈ। ਉਹਨਾਂ ਕਿਹਾ ਕਿ ਉਹਨਾਂ ਨੇ ਬੱਚਿਆਂ ਨੂੰ ਪੜ੍ਹਾ ਕੇ ਉਹਨਾਂ ਦਾ ਭਵਿੱਖ ਬਣਾਇਆ ਪਰ ਹੁਣ ਸਾਡਾ ਅਪਣਾ ਭਵਿੱਖ ਖਤਰੇ ਵਿਚ ਹੈ, ਇਸ ਲਈ ਅਸੀਂ ਲਿਖਤੀ ਆਰਡਰ ਮਿਲਣ ਤੱਕ ਨਹੀਂ ਉਠਾਂਗੇ।
ਉੱਥੇ ਹੀ ਗੈਸਟ ਸਕਾਲਰਸ ਨਿਯਮਤ ਸੰਘਰਸ਼ ਮੋਰਚੇ ਦੇ ਮੁਖੀ ਦੇਵਰਾਜ ਸਿੰਘ ਨੇ ਕਿਹਾ ਕਿ ਇਸ ਤੋਂ ਦੁਖਦਾਈ ਦਿਨ ਗੈਸਟ ਸਕਾਲਰਸ ਲਈ ਨਹੀਂ ਹੋ ਸਕਦਾ ਕਿਉਂਕਿ ਇਸ ਔਰਤ ਨੇ ਅਪਣੇ ਕੇਸ ਤਿਆਗ ਦਿੱਤੇ। ਡਾਕਟਰ ਸ਼ਾਹੀਨ ਨੇ ਜੋ ਬਾਲ ਮੁੰਡਵਾਏ ਹਨ, ਉਹਨਾਂ ਨੂੰ ਅਸੀਂ ਰਾਹੁਲ ਗਾਂਧੀ ਕੋਲ ਭੇਜਾਂਗੇ ਤਾਂ ਜੋ ਉਹਨਾਂ ਨੂੰ ਪਤਾ ਚੱਲ ਸਕੇ ਕਿ ਉਹਨਾਂ ਦੇ ਦਿੱਤੇ ਗਏ ਵਚਨ ਦਾ ਇੱਥੇ ਪਾਲਣ ਨਹੀਂ ਹੋ ਰਿਹਾ ਹੈ।
ਉੱਥੇ ਹੀ ਗੈਸਟ ਸਕਾਲਰ ਦੇ ਮੁੰਡਨ ਤੋਂ ਬਾਅਦ ਮੱਧ ਪ੍ਰਦੇਸ਼ ਦੇ ਸਾਬਕਾ ਮੁੱਖ ਮੰਤਰੀ ਸ਼ਿਵਰਾਜ ਸਿੰਘ ਚੌਹਾਨ ਨੇ ਮੁੱੜ ਮੰਤਰੀ ਕਮਲਨਾਥ ‘ਤੇ ਟਵੀਟ ਕਰਕੇ ਨਿਸ਼ਾਨਾ ਸਾਧਿਆ ਹੈ।