ਦੋਸਤਾਂ ਨਾਲ ਛੱਪੜ 'ਚ ਨਹਾਉਣ ਗਈ 8 ਸਾਲਾ ਬੱਚੀ ਪਾਣੀ 'ਚ ਡੁੱਬੀ, ਮੌਤ

ਬਿਹਾਰ: ਬਿਹਾਰ ਤੋਂ ਦੁਖਦਾਈ ਖ਼ਬਰ ਸਾਹਮਣੇ ਆਈ ਹੈ। ਇਥੇ ਬੇਗੂਸਰਾਏ 'ਚ ਦੋਸਤਾਂ ਨਾਲ ਨਹਾਉਣ ਗਈ 8 ਸਾਲਾ ਬੱਚੀ ਛੱਪੜ  'ਚ ਡੁੱਬ ਗਈ। ਘਟਨਾ ਚੇਰੀਆ ਬਰਿਆਰਪੁਰ ਥਾਣਾ ਖੇਤਰ ਦੇ ਸਾਕਰਬਾਸਾ ਪਿੰਡ ਦੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਬੁੱਧਵਾਰ ਨੂੰ ਲੜਕੀ ਦੋਸਤਾਂ ਨਾਲ ਛੱਪੜ 'ਚ ਨਹਾਉਣ ਗਈ ਸੀ।

ਇਹ ਵੀ ਪੜ੍ਹੋ:ਅੰਬਾਲਾ 'ਚ ਪੰਜਾਬੀ ਨੌਜਵਾਨ ਦੀ ਨਸ਼ੇ ਦੀ ਓਵਰਡੋਜ਼ ਨਾਲ ਮੌਤ, ਕਾਰ ਖ਼ਰੀਦਣ ਲਈ ਜਾ ਰਿਹਾ ਸੀ ਦਿੱਲੀ

ਲੜਕੀ ਦੀ ਪਛਾਣ ਨੀਤੂ ਕੁਮਾਰੀ (8) ਵਜੋਂ ਪੈਦਾ ਹੋਈ ਹੈ। ਪੁਲਿਸ ਨੇ ਵੀਰਵਾਰ ਸਵੇਰੇ ਲਾਸ਼ ਨੂੰ ਪੋਸਟਮਾਰਟਮ ਲਈ ਸਦਰ ਹਸਪਤਾਲ ਭੇਜ ਦਿੱਤੀ। ਲੜਕੀ ਦੇ ਪਰਿਵਾਰਕ ਮੈਂਬਰ ਬੁੱਧਵਾਰ ਨੂੰ ਕਿਸੇ ਕੰਮ ਤੋਂ ਬਾਹਰ ਗਏ ਹੋਏ ਸਨ। ਗਰਮੀ ਦੌਰਾਨ ਲੜਕੀ ਆਪਣੇ ਦੋਸਤਾਂ ਨਾਲ ਪਿੰਡ ਛੱਪੜ 'ਚ ਨਹਾਉਣ ਗਈ ਸੀ। ਇਸ ਦੌਰਾਨ ਉਹ ਡੂੰਘੇ ਪਾਣੀ 'ਚ ਡੁੱਬ ਗਈ। ਦੋਸਤ ਲ਼ੜਕੀ ਨੂੰ ਡੁੱਬਦੀ ਹੋਈ ਵੇਖ ਕੇ ਭੱਜ ਗਏ। ਜਦੋਂ ਉਹ ਦੇਰ ਸ਼ਾਮ ਤੱਕ ਘਰ ਨਾ ਪਰਤੀ ਤਾਂ ਪਰਿਵਾਰਕ ਮੈਂਬਰਾਂ ਨੇ ਕਾਫੀ ਭਾਲ ਕੀਤੀ।

ਇਹ ਵੀ ਪੜ੍ਹੋ: ਦਰਬਾਰ ਸਾਹਿਬ ਵੀਡੀਉ ਮਾਮਲੇ 'ਚ ਕੈਮਰੇ ਅੱਗੇ ਆਈ ਲੜਕੀ, ਮੰਗੀ ਹੱਥ ਜੋੜ ਕੇ ਮੁਆਫ਼ੀ

ਲੜਕੀ ਦੇ ਇੱਕ ਦੋਸਤ ਨੇ ਛੱਪੜ ਕੋਲ ਨੀਤੂ ਦੇ ਕੱਪੜੇ ਪਏ ਹੋਣ ਅਤੇ ਉਸਦੇ ਉੱਥੇ ਨਹਾਉਣ ਬਾਰੇ ਦੱਸਿਆ। ਜਦੋਂ ਸਥਾਨਕ ਨੌਜਵਾਨਾਂ ਨੇ ਛੱਪੜ ਵਿੱਚ ਜਾ ਕੇ ਲੜਕੀ ਦੀ ਭਾਲ ਕੀਤੀ ਤਾਂ ਉਸ ਦੀ ਲਾਸ਼ ਬਰਾਮਦ ਹੋਈ। ਮ੍ਰਿਤਕ ਲੜਕੀ ਤੀਜੀ ਜਮਾਤ ਦੀ ਵਿਦਿਆਰਥਣ ਸੀ। ਪੁਲਿਸ ਨੇ ਮੌਕੇ 'ਤੇ ਪਹੁੰਚ ਕੇ ਜਾਂਚ ਕੀਤੀ ਅਤੇ ਲਾਸ਼ ਨੂੰ ਪੋਸਟਮਾਰਟਮ ਲਈ ਭੇਜ ਦਿੱਤਾ। ਘਟਨਾ ਤੋਂ ਬਾਅਦ ਬੱਚੀ ਦੇ ਪਰਿਵਾਰਕ ਮੈਂਬਰਾਂ ਦਾ ਰੋ-ਰੋ ਕੇ ਬੁਰਾ ਹਾਲ ਹੈ।